IGP Mwema: Leteni taarifa za uhalifu tuzifanyie kazi

Na Anneth Kagenda

MKUU wa Jeshi la Polisi nchini, IGP Said Mwema, amewataka wananchi na waandishi wa habari, kutozungumzia na kuandika matukio ya uhalifu ambayo upelelezi wake haujakamilika badala yake kama wana taarifa zozote, waziripoti Kituo cha Polisi ili
ziweze kufanyiwe kazi.

IGP Mwema aliyasema hayo Dar es Salaam jana wakati akizungumza na waandishi wa habari baada ya kufungua mkutano wa siku mbili Wakurugenzi wa Upelelezi wa Makosa ya Jinai ((DCIs) wa Shirikisho la Polisi Kusini mwa Afrika (SARPCCO).

“Watanzania wote wakitoa taarifa na kuzipeleka katika mamlaka inayohusika, kwa mujibu wa sheria za mwenendo wa jinai kifungu namba 7, zinasema Watanzania wenye taarifa zozote kuhusu uhalifu utanaotaka kutendeka, kabla haujatendeka au uliokwisha tendeka wapeleke taarifa zao kwenye mamlaka inayostahili.

“Mamlaka zinazopaswa kupelekewa taarifa ni polisi, kituo cha
jirani na Mamlaka za Serikali za Mitaa au kijiji ziweze kufanyiwa uchunguzi hatimaye watuhumiwa waweze kushughulikiwa kwa mujibu wa sheria,” alisema IGP Mwema.

Aliongeza kuwa, jeshi hilo halina mamlaka la kujadili ushahidi badala yake kazi waliyonayo ni kupeleleza na kukusanya ushahidi wa matukio ya uhalifu yanayoripotiwa na kuyafikisha mahakamani.

Alisema jukumu la kulinda na kuimarisha usalama katika maeneo mbalimbali ni la kila mtu si jeshi hilo pekee na haliwezi kumaliza tatizo la uhalifu bila kushirikiana na wananchi kwani wahalifu
wamo ndani ya jamii hivyo ni vyema wakafichuliwa ili
iweze kuwa salama.

“Pamoja na kuwepo malalamiko mengi na wananchi kuwa jeshi letu halishughulikii haraka upelelezi wa matukio ya utekaji likiwemo la  Dkt. Steven Ulimboka, kesi za upelelezi huwa haziharakishwi kwani suala la upelelezi halina ukomo linaweza kuchukua hata miaka 30,” alisema.

IGP Mwema ambaye ni Mwenyekiti wa SARPCCO, alisema matukio ya utekaji nyara, mauaji, watu kumwagiwa tindikali upelelezi wake lazima uchukue muda mrefu ambapo jeshi hilo
linategemea taarifa kutoka kwa wananchi.

Alisema baadhi ya vyombo vya habari vimeandika habari juu ya kuwepo mikakati ya kuwateka Waziri Mkuu mstaafu ambaye pia
ni Mbunge wa Monduli, mkoani Arusha, Bw. Edward Lowassa, Mwenyekiti wa Kampuni ya IPP, Bw. Reginard Mengi na Mwenyekiti wa CHADEMA, Bw. Freeman Mbowe.

Aliongeza kuwa, taarifa hizi ni mzuri kwo na zitawasaidia kujua ni wapi pa kuanzia uchunguzi wao.

Akizungumzia mkutano huo, IGP Mwema alisema una umuhimu mkubwa katika kukabiliana na vitendo vya uhalifu nchini kwani Tanzania inasifiwa kwa utendaji mzuri wa kukamat shehena ya
dawa za kulevya pia ni nchi ya pili Afrikakwa kudhibiti
uingizwaji silaha.