Wawili wafariki katika matukio tofauti Dar

Leah Daudi na Neema  Malley

WATU wawili wamefariki dunia katika matukio mawili tofauti likiwemo la mtu mmoja Valentine Emanuel (30),kufariki baada ya gari alilokuwa amepanda kupoteza mwelekeo na kupinduka.


Kwa mujibu wa Kamanda wa Mkoa wa kipolisi Kinondoni Charles Kenyela,alisema tukio hilo lilitokea juzi kwenye Barabara ya Bagamoyo eneo la Mbezi Beach Goiga ambapo gari lenye namba za usajili T 711 BBC lililokuwa likiendeshwa na dereva Zilipa Nasoro (33) akitokea Mbezi kuelekea Mwenge.

Alisema kuwa katika ajali hiyo majeruhi ni dereva Nasoro wa gari hilo,Godrick Goda (10),Muhingura Goda (22),Walta Goda (17) na Asnat Nasoro wote wakazi wa Sinza.

Kamanda Kenyela alisema chanzo cha ajali hiyo  hakijafahamika na mwili wa marehemu umehifadhiwa katika Hospitali ya Mwananyamala upelelezi unaendelea.

Wakati huo huo,maiti ya mwanaume aliyetambulika kwa jina la Christopher Katuza (45),mkazi wa Kilungule imekutwa ikiwa imelala kandokando ya mto Kilungule huku ikiwa haina jeraha.

Akithibitisha kutokea kwa tukio hilo Kamanda wa mkoa wa kipolisi Temeke Engelbert Kiondo alisema, Mmaiti hiyo ilikutwa juzi ambapo inasadikiwa kuwa enzi za uhai wake alikuwa akinywa pombe kali aina ya gongo.

Mwili wa marehem umehifadhiwa katika hospitali ya Temeke na uchunguzi unaendelea.