Samsung yazindua ofa ya Sikukuu

Na Mwali Ibrahim

KAMPUNI ya Samsung Tanzania leo imezindua rasmi ofa maalum kwa msimu wa Sikukuu kwa wateja wake ijulikanayo kama 'Samsung season's Offer'.


Akizungumza Dar es Salaam jana, Meneja usambazaji wa Samsung Tanzania Bw. Sylvester Manyara alisema ofa hiyo itafikia kilele Januari 5 mwakani ambapo itakuwa ni kwa wateja wote watakaonunua bidhaa za kampuni hiyo zilizopo kwenye ofa hiyo.

Alizitaja bidhaa hizo zilizokuwa katika ofa hiyo kuwa Galax note 2, Samsung s3, Galax note 10.1, Samsung S dous, Samsung ACE Dous, Galaxy Pocket na Galaxy pocket Dous.

"Mteja anaponunua aina hizo za simu watapata kuponi maalum ambazo watajaza na kuzikusanya na kuingizwa kwenye droo moja kwa moja ambapo kutakuwa na zawadi za papo kwa papo kama tisheti na nyingine huku zawadi nyingine zikichezeshwa kwenye droo," alisema.

Alisema ofa hiyo inaendeshwa kwa maduka yaliyopo Dar es Salaam, Mbeya, Arusha, Dodoma na Mwanza ambapo kutakuwa na zawadi nyingine za TV tatu za nchi 32 zitakuwa zikitolewa moja kila wiki katika wiki tatu mfululizo kuanzia wiki hii.

Zipo zawadi za Samsung LED tv ya nchi 42, Samsung galaxy s3, Samsung home theatre na Samsung Smart Camera ambapo zawadi hizo zitatolewa katika droo hiyo kubwa ya Januari ambapo droo zote zitasimamiwa na Bodi ya Taifa ya michezo ya kubahatisha.