Afariki kwa kugongwa na gari

Neema Kalaliche na Neema Malley

MTU mmoja mchunga ng'ombe aliyefahamika kwa jina la Robert Laiser aliyekadiriwa kuwa na umri kati ya miaka (35-40) amefariki wakati akipatiwa matibabu katika Hospitali ya Tumbi wilayani Kibaha baada ya kugongwa na gari.

Kamanda wa Polisi Mkoa wa kipolisi Kinondoni Charles Kenyela, alisema tukio hilo lilitokea juzi  saa 7 mchana huko Barabara ya Morogoro eneo la Mbezi mwisho.

Kenyela alisema gari hilo lenye namba za usajili T 304 CAG aina ya Sino Truck ikiwa na trela namba T.666 ikiendeshwa na Rashidi Mtandi kutoka eneo la Mbezi kuelekea Kibaha akiwa kwenye mwendo mkali ndipo alipogongana na kusababisha kifo hicho.

Mwili wa marehemu umehifadhiwa katika hospitali ya Tumbi na dereva amekatwa.

Wakati huhuo,huko Watuhumiwa saba wamekamatwa wakiwa na Kete 30 za bangi na pombe haramu ya gongo lita 3 katika eneo la Kipande Livin.

Kamanda wa Kipolisi Mkoa wa Ilala Marietha Komba alisema watuhumiwa hao walikamatwa juzi, saa 6 mchana na polisi wakati wakifanya doria katika eneo hilo.

Aliwataja watuhumiwa hao kuwa ni Rashidi Mussa (31), Adam Sebastian (28),Abdul Ramadhani (28), Fikiri Seth, Juma Ahamad, Godfrey Bariki na Mohamed Ally.