Caravans yaandaa mashindano ya kriketi

Na Zahoro Mlanzi

KLABU ya kriketi ya Caravans, imeanzisha mashindano ya mchezo huo yakayoanza Novemba 27 mpaka Desemba 11, mwaka huu kwenye Viwanja vya
Tanganyika Packers, Dar es Salaam.

Pamoja na kuanizisha mashindano hayo, klabu hiyo pia inaadhimisha miaka mitatu tangu ianzishe mwaka 2008.

Akizungumza Dar es Salaam juzi usiku, Mwenyekiti wa klabu hiyo Nair Satheesh Kunar, alisema mashindano hayo yatashirikisha timu 16 za Dar es Salaam.

"Timu hizo zitapangwa katika makundi mawili na kila kundi litakuwa na timu nane, mechi zitapigwa kwa mtindo wa mtoani na kwamba kila timu itakuwa na mechi moja ya kutinga hatua inayofuata," alisema Kunar.

Alisema mshindi wa kila mechi atakuwa ameingia moja kwa moja robo fainali na hapo, timu nne ndiyo zitakazotinga nusu fainali na baadaye fainali, ambayo itapigwa Desemba 11, mwaka huu.

Alizitaja timu hizo pamoja na makundi yao ambapo Kundi A lina timu za Park Stars, ETG, KKK, Friends XI, IMTU, Azam, Indian Tigera na Caravan B.

Kundi B lina timu za Savana II, Rising Stars, Telugu Stars, Caravan A, Sharks XI, Warriors XI na Esteen XII.

Akizungumzia kuhusu mchezo huo kuutanua zaidi mikoani, Kunar alisema mpango huo wanao lakini utachukua muda mrefu.