Wafa wakiweka mashine ya maji kisimani

Na  Peter Ringi, Manyara

WATU wanne wa wamefariki dunia baada kukosa hewa wakiwa katika harakati za kuweka mashine ndani ya kisima.Akizungumza na waandishi wa habari Mkoani Manyara jana
Kamanda wa Polisi wa mkoa huo, Bw. Liberatus Sabbas alisema kuwa tukio hilo lilitokea juzi saa 7 mchana katika Kitongoji cha Naberrera wilayani Simanjiro.

Alisema kuwa waliokufa ni watu wa jamii ya Kimasai ambao walikuwa wakiweka mashine hiyo kwa kuvutia maji kwa ajili ya matumizi ya kawaida na kuywesha mifugo wao.

Kamanda Sabbas aliwataja marehemu hao kuwa ni Munga Kaipai wa Kitongoji cha Lujojo, Paresoi Kaipai (Engutoto), Kiponi Lemanyai (Engutoto) na Majuka Moisale.

Kwa upande wake Mwenyekiti wa Kitongoji cha Engutoto, Bw. Solomon Jacob alisema kuwa kisima hicho kilikuwa kirefu na marehemu hao waiingia humo bila uzoefu wa kazi hiyo.

Aliongeza kuwa licha ya kupiga kelele za kuomba msaada kwa majirani lakini hazaikuzaa matunda kwani waliwakuta tayari watu hao wamefariki dunia kutokana na kukosa hewa.