Loveness atwaa Vodacom Miss Sports Lady

Vodacom Miss Top Model, Mwajabu Juma (katikati) ambaye alikuwa mrembo wa kwanza kuingia hatua ya Nusu Fainali ya Vodacom Miss Tanzania 2011 akiwa na mrembo wa pili kuingia katika hatua hiyo ya 15 bora Vodacom Miss Photogenic Tracy Mabula (kushoto) wakipozi kwa picha na mwenzao wa tatu kutinga katika hatua hiyo baada ya kutwaa taji la  Vodacom Miss Sports Lady Loveness Flavian usiku wa kuamkia jana katika Jumba la Vodacom Dar es Salaam yalipotangazwa matokeo hayo.

Na Mwandishi Wetu

MNYANGE Loveness Flavian, amefanikiwa kutwaa taji la Vodacom Miss Sports Lady 2011 baada ya kuwabwaga washiriki wengine 29 wanaowania taji la
Vodacom Miss Tanzania 2011.

Kwa kutwaa taji hilo mnyange huyo pia atakuwa amepata nafasi ya kuingia nusu fainali ya mashindano ya Vodacom Miss Tanzania 2011 yatakayofanyika mwezi ujao.

Akizungumza Dar es Salaam jana Mkurugenzi wa Kampuni ya Lino International Agency Limited, inayoratibu mashindano ya Mis Tanzania Hashim Lundenga, alisema mshindi alipatika katika siku ya michezo ya warembo hao iliyofanyika Jumamosi katika ufukwe wa hoteli ya Jangwani Sea Breeze, Dar es Salaam.

"Warembo watano walifanikiwa kuingia katika tano bora, lakini kwa kuwa mshindi alikuwa anatakiwa mmoja Loveness, ndiye ameonekana kuwashinda wenzake," alisema Lundenga.

Aliwataja warembo wengine wanne walioingia katika tano bora ya Vodacom Miss Sports Lady Rose Hurbert, Husna Maulid, Loveness Flavian, Salha Izrael na Delillah Ghalib.

Alisema bado kamati yake itaendelea kuwapa washiriki wengine watakaoingia nusu ya fainali ya Miss Tanzania kupitia mataji mengine kama Miss Talent na Miss Pesonality.

Lundenga alisema kwamba mashindano ya mwaka huu anategemea yatakuwa na ushindani mkubwa kutokana na washiriki wote kujiamini kutwaa taji hilo, ambalo linashikiliwa na Geneviev Mpangala.

Washiriki hao wanaishi katika jumba la Vodacom kwa kupindi chote cha kambi, hadi siku ya fainali ya mashindano hayo yatakayofanyika katika Ukumbi wa Mlimani City, Dar es Salaam.