Mashindano ya Wazi kuunda timu ya riadha

Na Mwali Ibrahim

CHAMA cha Riadha Tanzania (RT), kimesema kitayatumia mashindano yake ya wazi yanayotarajia kufanyika Mei 6 hadi 7, mwaka huu kuunda timu ya taifa.Akizungumza
Dar es Salaam jana, Katibu Mkuu wa RT, Suleiman Nyambui alisema kupitia mashindano hayo watatumia nafasi hiyo kuchagua wachezaji wenye viwango bora.

Alisema mashindano hayo yatashirikisha wachezaji wengi na hiyo itakuwa ni fursa nzuri kwao kupata wachezaji wenye viwango..

"Kwa kuwa mashindano haya ni ya wazi na hayana idadi kamili ya wachezaji watakaohudhuria, yatatupa nafasi ya kuona vipaji kuonekana," alisema Nyambui.

Alisema kutokana na kukabiliwa na mashindano ya Mataifa ya Africa, yatakayofanyika kuanzia Desemba 3 hadi 15, mwaka huu nchini Msumbiji michuano hiyo ya wazi itawasaidia kupata timu imara yenye ushindani.

Nyambui alisema, nafasi zipo wazi kwa wanariadha wanaotaka kushiriki mashindano hayo