Watakaonunua Majira kupata pepsi bure

Na Peter Mwenda

KAMPUNI ya SBC Tanzania Ltd ambao wanazalisha soda aina ya Pepsi, Mountain Dew, Mirinda, 7 Up na Evervess inaadhimisha miaka 10 kwa kutoa zawadi kwa wanywaji wa
soda hizo.

Mnywaji wa soda hizo atakayekwenda dukani akiwa na ukurasa wa gazeti wenye tangazo la bidhaa hizo kuanzia leo hadi Aprili Jumanne ijayo atapewa soda ya bure.

Ofa hiyo itakayodumu kwa siku tano itawanufaisha wakazi wa Jiji la Dar es Salaam, Morogoro Mjini, Arusha mjini, Mbeya Mjini, Moshi Mjini, Mwanza Mjini, Iringa Mjini, Dodoma Mjini na Shinyanga mjini.

Zawadi hiyo inatokana na mafanikio ya Kampuni ya SBC iliyopata kwa kipindi cha miaka kumi ya uzalishaji wa soda hizo, hivyo wameona wawapongeze wateja wao kwa kutumia soda hizo.

Kampuni ya SBC inaomba wateja wake waendelee kuwaunga mkono kwa kutumia bidhaa zinazotengenezwa na kusambazwa na kampuni hiyo.