Ruvu Shooting kuwahi kuingia kambini

Na Addolph Bruno

KLABU ya soka ya Ruvu Shooting imesema wachezaji wake wakimaliza likizo fupi waliyopewa wataanza mazoezi mara moja, kujiwinda na Ligi Kuu Bara msimu ujao
ili kujenga mazingira ya kufanya vyema.

Ruvu Shooting ni miongoni mwa timu zilizoponea chupuchupu kushuka daraja msimu huu, ikiwa imemaliza ligi nafasi ya tatu kutoka mwisho.

Akizungumza kwa simu jana akiwa Kibaha, Msemaji wa klabu hiyo, masau Bwire alisema watalazimika kufanya hivyo kuandaa ili mazingira mapema kufanya vizuri zaidi msimu ujao kutokana na nafasi hiyo.

"Timu nzima kwa maana ya makocha, wachezaji kwa sasa wapo wapo likizo fupi na wakirejea, mpango utakaofuata ni kufanya majumuisho na mambo mengine ya usajili na baada ya hapo ni kambi na mazoezi moja kwa moja.

"Ligi ya msimu huu ilikuwa ngumu mno, ushindani uliongezeka zaidi bila shaka kila timu sasa inajiandaa kutokana na changamoto iliyopata, sisi tunaanza kupanga timu yenye nguvu kwanza," alisema Bwire.

Alisema wanaamini kambi na mazoezi ya mapema yatawawezesha wachezaji wao wasibweteke na kuongeza kuwa wanaamini itawezekana kutokana wachezaji wao wengi kuwa wanajeshi.