KIM POULSEN KUELEZEA HATIMA YA TAIFA STARS

 Na Mwandishi Wetu, Kampala

KOCHA Mkuu wa Taifa Stars, Kim Poulsen leo anatarajiwa kuelezea hatima ya timu hiyo kwa siku zijazo.Poulsen alisema jijini hapa juzi kabla ya timu yake kucheza na Uganda 'The Cranes' kwamba, ataelezea hatima hiyo Dar es Salaam akiwa na wadhamini wa timu hiyo, Kilimanjaro Premium Lager

.Katika mechi hiyo Taifa Stars, ilifungwa mabao 3-1 na hivyo kutupwa nje ya mashindano hayo kwa jumla ya mabao 4-1, baada ya kufungwa bao 1-0 katika mechi iliyochezwa Uwanja wa Taifa Dar es Salaam wiki mbili zilizopita.Akizungumzia michuano hiyo, Poulsen alisema amesikitishwa kutolewa kwenye michuano ya CHAN), kwani maandalizi waliyoyafanya yalikuwa ya kutosha.
Kocha huyo alisema si yeye pekee aliyesikitishwa na matokeo hayo, kwani hata wachezaji wameonesha kusikitika pamoja na Watanzania wote kwa ujumla.Kutokana na matokeo hayo The Cranes sasa imetinga fainali za michuano hiyo ya CHAN, itakayofanyika mwakani nchini Afrika Kusini.Katika mechi ya juzi Stars, iliwakosa wachezaji wake mahiri Mwinyikazi Moto, ambaye alitoroka timu ikiwa kambini na Shomari Kapombe ambaye yupo katika majaribio ya kucheza soka nchini Uholanzi