PPF yajivunia mafanikio Dodoma

Na Pendo Mtibuche,
Dodoma

 MFUKO wa Pensheni ya Mashirika ya Umma ( P P F ) umesema kuwa kwa muda wa siku tatu za maonesho ya mifuko ya hifadhi ya jamii yanayofanyika mjini Dodoma chini ya usimamizi wa Mamlaka ya mifuko hiyo (SSRA) umefanikiwa kutembelewa na wananchi wapatao 572 na kupata elimu.

Akizungumza na gazeti hili katika viwanja vya maonesho hayo vya Mwalimu Nyerere Square, Meneja wa Kanda ya Mashariki na Kati, John Mwalisu alisema kuwa maonesho hayo ya mifuko ya hifadhi ya jamii yamekuwa na manufaa makubwa kwa jamii ya mkoa

huo.

Alisema kuwa kwa muda wa siku tatu za maonesho hayo mfuko wao wa PPF umefanikiwa kutembelewa na wananchi mbalimbali wapatao 572 lakini pia wamefanikiwa kutoa taarifa zaidi ya 217 za michango ya wanachama wao.

Mbali na hilo pia alisema kuwa walifanikiwa pia hata kuandikisha wanachama wapya wakiwemo wabunge ambaowameonesha kuufurahia mfuko wao na kuahidi kueneza ujumbe huo kwa wabunge wengine.

Akizungumzia hali halisi ya mfuko huo alisema upo katika hali nzuri kwani unaweza kulipa madeni yake na hata kubakiwa na ziada na kueleza kuwa thamani ya mfuko huo kwa sasa ni sh. trilioni 1.09 lakini lengo lao hadi kufikia 2015 mfuko huo uwe na thamani ya sh.trilioni 2.

Akizungumzia suala la wanachama wa mfuko huo kwa nchi nzima wanafika zaidi ya 218,000 ambapo kwa mwezi mfuko huo unatoa zaidi ya bilioni tatu kwa ajili ya pensheni za wastaafu.

Kwa upande wake naye Ofisa Mwandamizi wa uwekezaji katika mfuko huo, Anna Shayo akizungumzia hali halisi ya uwekezaji katika mfuko huo alisema kuwa mfuko huo umewekeza katika mali zinazohamishika na zisizohamishika.

Alisemakuwa wamefanikiwa kuwekeza katika majengo ya kuishi, majengo ya biashara, hisa za makampuni wamefanikiwa kuwekeza katik a vitegauchumi ambavyo riba zake zinajulikana kabla.

Kwa upande mwingine pia alisema kuwa wamefanikiwa kuwekeza katika mikopo amb a p o kwa s e h emu wamefanikiwa kujenga baadhi ya majengo katika Chuo Kikuu cha Dodoma (UDOM),Ukumbi wa Bunge, majengo mengine Arusha na hata kuwa na saccosza wanachama wa PPF 42 ambazo wameshazikopesha bilioni 54 tangu mwaka 2004.

"Kwa upande wa saccosmwezi huu yaani Mei tunakusudia kutoa bilioni moja nyingine kwa ajili ya kufungua saccosnyingine mbili katika jiji la Dar es Salaam na hivyo tutakuwa na saccos44, hayo ni mafanikio ya mfuko," alisema.

Kwa upande wake Ofisa uhusiano wa Mfuko huo, Lulu Megele akizungumzia suala zima la wao kushiriki maonesho hayo alisema kuwa mfuko wa pensheni wa PPF umeshiriki maonesho hayo lengo likiwa ni kutoa elimu kwa umma juu ya umuhimu wa kujiunga na mfuko huo.

Alisema kuwa umuhimu wa wananchi kujiunga na mfuko huo ni kutokana na kuwa na faida nyingi ambazo ni pamoja na kuwepo kwa fao la uzee, ugonjwa, kifo, wategeneziu, elimu, kiinua mgongo na fao la kujitoa.

Akizungumzia mafanikio ya mfuko huo alisema kuwa umewezesha kuwasomesha zaidi ya watoto 1,333 katika shule za msingi na sekondari katika mikoa mbalimbali hapa nchini.

Alisema kuwa mfuko huo ulifikia uamuzi wa kuwasomesha watoto hao kutokana na kuwepo kwa tatizo kwa wasimamizi wa mirathi pindi wazazi wa watoto hao wanapopoteza maisha.

Alisema kuwa hadi kufikia Desemba mwaka jana jumla ya sh. milioni 682.9 zililipwa kama mahitaji mbalimbali kwa wanafunzi hao.