Mwanafunzi adondokewa na ubao ghorofani, afa

Na Kassim Mahege

 MTOTO mwenye umri wa miaka sita (pichani) amefariki papo hapo baada ya kuangukiwa na ubao wenye misumari kichwani wakati akipita njia kuelekea shuleni na kusababisha kupoteza maisha.

Akithibitisha kutokea kwa tukio hilo jana, Kamanda wa Mkoa wa Ilala, Marietha Minangi alisema tukio hilo lilitokea jana eneo la Ilala Bungoni, saa 12 asubuhi eneo la Mtaa wa Mafuriko jijini Dar es Salaam.

Kamanda huyo alisema, marehemu huyo Mariam Abdullah ambaye ni mwanafunzi wa Shule ya Msingi Alfurqan iliyopo Buguruni Malapa aliangukiwa na ubao huo ulioangushwa na Oliva Isdori (20).

M w a n a m k e a m b a y e anajishughulisha na mamalishe ambaye ni mkazi wa

eneo hilo kwa lengo la kujipatia kuni ili kupikia chakula.

"Saa 12 asubuhi kulikuwa na mtoto Mariam, alikuwa anakwenda shule...jirani yake kulikuwa na ghorofa linajengwa ambapo juu ya hilo ghorofa kulikuwa na mama mmoja alikuwa anaangusha mabaki ya mbao (kuni) kwa ajili ya kwenda kupikia, sasa kwa uzembe wa mama huyo alikuwa anaangusha kuni hizo bila ya kuangalia chini na kumpiga mtoto huyo kwa ubao wenye misumari kichwani na kusababisha kifo chake," alisema Kamanda Minangi.

Alisema, mama huyo anashikiliwa na Jeshi la Polisi kwa mauaji na kuongeza kuwa mtu anapofanya uzembe na kusababisha kifo anawekwa katika kundi la wauaji.

Kamanda huyo alisema, Jeshi la Polisi linaendelea na uchunguzi mara baada ya kukamilika kwa uchunguzi ambapo sheria itafuata mkondo wake.

Kwa upande wake mjumbe wa eneo hilo, Jumbe Magagula alisema tukio hilo lilitokea saa 12 asubuhi wakati marehemu huyo akienda shuleni na kwa bahati mbaya ndipo mtoto huyo alipatwa na mauti hayo.

"Jengo hili (ghorofa) linamilikiwa na Benitho Thadei Chengula na aliyehusika na mauaji hayo ni mfanyakazi wake,imekuwa ni kawaida yao kila siku asubuhi huwa mamalishe huyo hupanda juu ya jengo hilo lenye ghorofa nne, kwa ajili ya kuchukua kuni, kwa bahati mbaya leo (jana) binti huyo hakujua kama kuna mtoto anapita njia katika eneo hilo,ndipo aliporusha ubao wenye misumari na kumpiga mtoto huyo kichwani na kusababisha kifo chake," alisema.

Kwa upande wake Diwani wa Kata ya Ilala, Edson Fungo aliwashutumu mafundi wa jengo hilo kwa kutofuata utaratibu hali iliyopelekea kusababisha kifo cha mtoto huyo.

Gazeti hili lilimtafuta mmiliki wa jengo hilo ambapo simu yake haikupatikana jambo lililopelekea kumtafuta katika simu ya mkewe aliyejitambulisha kwa jina moja la Grace na kusema kuwa, mumewe Chengula amesafiri na yeye yupo polisi kituo cha Pangani akishughulikia tukio hilo.

Mhandisi wa Manispaa ya Ilala, Ogare Salum alisema ametuma watu kufuatilia tukio hilo ili kupata taarifa kuhusiana na mauaji hayo ikiwa ni pamoja na kuupata ukweli.

Na y e Mama mz a z i wa marehemu huyo, Maimuna Ibrahim(32) alisema anaiomba Serikali iwaangalie wananchi wanyonge na kulihusisha tukio hilo ni kutokana na pesa za mmiliki wa jengo hilo.

Kwa upande wake mwalimu mkuu wa shule alipokuwa akisoma marehemu huyo, Mwalimu Abdallah alisema tukio hilo wamelipokea kwa masikitiko makubwa kwani mwanafunzi huyo alikuwa kinara darasani kwa kufanya vizuri katika masomo yake ikiwa ni pamoja na tabia njema na nidhamu kwa walimu wake.