'Watanzania pigieni kura vivutio vya Tanzania'

Na Neema Kalaliche

BODI ya Utalii Tanzania (TTB), imetoa wito kwa Watanzania ambao bado hawajavipiga kura vivutio vya Tanzania katika shindano la maajabu saba ya dunia barani Afrika, kufanya
hivyo mapema kabla ya Desemba 31 mwaka huu.

Taarifa iliyotolewa kwa vyombo vya habari na Mkurugenzi wa TTB, Dkt. Aloyce Nzuki, alisema shindano hilo lilianza Agosti mwaka huu.

Alisema vivutio vilivyoingia katika shindano hilo ni Mlima Kilimanjaro, Bonde la Ngorongoro na Hifadhi ya Taifa ya
Serengeti.

“Jumla ya vivutio 12 vilivyopo katika bara la Afrika vimeingizwa katika shindano hili Tanzania ni nchi pekee yenye vivutio vingi katika orodha ya nchi zote ikiwemo Uganda na Kenya,” alisema.

Aliongeza kuwa, TTB inawaomba Watanzania wote washiriki kuvipigia kura vivutio hivyo kwani siku zilizobaki ni chache.