Akamatwa na dawa za kulevya kete 30 mgodini

Na Mary Margwe, Simanjiro

JESHI la Polisi mkoani Manyara, linamshikilia mkazi wa Arusha Bw. Albert Gift (29), baada ya kukamatwa na dawa za kulevya
aina ya heroine kete 30.


Bw. Gift ambaye inadaiwa ni mfanyabiashara wa kimataifa wa
dawa hizo, alikamatwa juzi katika machimbo ya Tanzanite, kitalu
D, yaliyopo Mirerani, wilayani Simanjiro.

Kamanda wa Polisi mkoani humo, Kamishna Msaidizi, Akili Mpwapwa, alisema Bw. Gift alikamatwa katika wa kawaida unaofanywa na polisi uliokuwa ukiongozwa na Kaimu Mkuu
wa Kituo cha Mirerani, Mkaguzi wa Polisi Naftali Mnzava.

“Bw. Gift anadaiwa kufanya biashara za dawa za kulevya kwenye miji mbalimbali nje ya nchi ikiwemo Mombasa na Nairobi nchini Kenya, Kampala (Uganda) na Lusaka (Zambia),” alisema,

Aliongeza kuwa, Bw. Gift alikutwa akifanya biashara ya kuuza dawa hizo katika machimbo hayo ambapo hivi sasa anendelea kuhojiwa na jeshi hilo linaendelea uchunguzi.

“Tutamfikisha mahakamani wakati wowote baada ya uchunguzi kukamilika, nawaomba wakazi wa Mkoa huu watupe ushirikiano
waili tuweze kuimarisha ulinzi wa maeneo mbalimbali,” alisema.