41 Chuo cha St,Joseph warejea nchini

Na Heri Shaaban

WANAFUNZI 41 wa Uhandisi Chuo cha St,Joseph wamerejea nchini jana wakitokea nchini India katika ziara ya mwaka mmoja ya kimasomo.

Kwa mujibu wa Mwenyekiti wa Baraza la Chuo hicho, Bw.Steven Mlote alisema kuwa chuo chao cha St,Joseph wameweka utaratibu wa kila mwanafunzi anapofika mwaka wa mwisho wanafunzi wote wanapelekwa nje kujifunza na wenzao.

"Wanafunzi wetu walikuwa India katika mafunzo ya mwaka mmoja ambapo wamejifunza vitu vingi vya uhandisi hapa nyumbani kwetu hakuna na ni utaratibu uliopangwa na chuo.

Alisema kuwa katika wanafunzi 41 waliokuwa India baadhi yao wamefanikiwa kupata kazi na wengine hofa ya kuendelea na masomo kutokana na uwezo mzuri kama wanafunzi wa Tanzania.

Bw.Mlote alisema kuwa wanafunzi wake wamepata elimu nzuri kutokana na kujifunza kozi mbalimbali zilizokuwa zikitolewa India,ambapo wazazi walilipia gharama ya ada na  nauli.

Kuhusu changamoto alisema kuwa wazazi wengi wana shindwa kulipa gharama ya nauli ya kwenda na kurudi India kujifunza na wenzao.