Mwakingwe aomba ushirikiano Simba

Na Addolph Bruno

MSAMBULIAJI wa Simba, Ulimboka Mwakingwe 'Uli',  amewaomba wachezaji wenzake kumpa ushirikiano ili aweze kuifanyia mambo makubwa timu
hiyo.

Akizungumza Dar es Salaam jana,   baada ya kumalizika kwa mazoezi ya timu hiyo, Mwakingwe ambaye alijiunga na Simba akitokea Majimaji ya Songea,  alisema atahakikisha msimu huu anaiweka sehemu nzuri timu hiyo.

Alisema lengo la kuiweka katika nafasi nzuri timu yao, linaweza kutumia kama watashirikiana na  wenzake.

"Nashukuru tumeanza vizuri, kikubwa ushirikiano wetu uendelee kuwepo kama tulivyoanza, tufanye kazi vizuri ili mwisho wa siku, Simba iwe juu,” alisema.

Alisema kuwa, kwasasa hana wasiwasi na wachezaji wenzake, kwani wanaelewana vizuri uwanjani na nje ya uwanja.

Alisema ushirikiano wao umewafanya mashabiki kuungana nao, na kwamba watafanya kile wanachokitaka.

Mwakingwe ambaye alikuwa majeruhi baada ya kuumia mazoezini kisiwani Zanzibar kabla ya kuanza kwa Ligi Kuu Bara, alisema amepona na daktari wa timu wa timu hiyo, amemthibitishia hivyo.