Lundenga kuwafunda Miss Tabata kesho

Na Mwandishi Wetu

Kamati ya Miss Tanzania kesho itatembelea  kambi ya Miss Tabata iliyopo Da’ West Park Tabata, Dar es Salaam.Kamati hiyo ikiongozwa na Mratibu wa
Vodacom Miss Tanzania, Hashim Lundenga itawafunda warembo hao kabla ya kushiriki kwenye kinyang’anyiro hicho siku ya Ijumaa.

“Tutazungumza nao ili kujua uwezo wao, kabla hawajapanda jukwaani kushindania taji. Pia tutawapa vidokezo vya urembo,” Lundenga alisema.

Warembo 22 watashiriki kwenye kinyang’anyiro hicho, ambapo bendi mahiri nchini African Stars “Twanga Pepeta” itatumbuiza kwenye mashindano hayo ambayo ni kivutio cha wengi  jijini.

Katika hatua nyingine, wiki iliyopita warembo hao walitembelea Mbuga ya Wanyama ya Mikumi iliyoko Mkoani Morogoro. “Lengo la ziara hiyo ilikuwa ni  kutangaza utalii wa ndani. Warembo walipata nafasi ya kuwaona wanyama waishio kwenye mbuga hiyo.

"Pia walijifunza mambo mengi ikiwemo kujua tabia za wanyama na ndege wote waliishio katika mbuga hiyo,” alisema mratibu wa mashindano hayo Joseph Kapinga.

Mratibu huyo alisema mashindano hayo yamedhaminiwa na Dodoma Wine, Vodacom, Redds Original,  Integrated Communications, Paris Pub, Fabak Fashion, Freditto Entertainment, Chicken Hut, Travel Partners, Ben Expedition, Screen Masters, Sean Entertainment, Michuzi blogspot, Anech Stationary na Vayle Springs