Tundu Lisu apata dhamana

*Apigwa marufuku kufika mgodini Noth Mara
*Aeleza masaibu yaliyompata akiwa gerezani

Na Hellen Magabe,Tarime

MAHAKAMA ya Wilaya ya Tarime imwaachia kwa dhamana wanachama wanane wa Chama cha Demokrasia na Maendeleo (CHADEMA) akiwemo
Mbunge wa Singida Mashariki pamoja na aliyewahi kugombea ubunge Jimbo la Tarime, Bw. Mwita Mwikwabe kwa masharti ya kutofika katika Mgodi wa North Mara hadi watakaporuhusiwa.

Mbele ya Hakimu Mkazi, Bw. Yusto Luboroga Mwendesha Mashtaka wa Jamhuri, Bw. Casmil Kria alisema Bw. Lissu na wenzake wamepata dhamana kwa masharti yakutoonekana eneo la mgodi huo hadi watakaporuhusiwa kwa madai kuwa wanaweza kusababisha uchochezi kwa ndugu wa wafiwa. Kesi yao itatajwa tena Juni 27, mwaka huu.

Bw. Lissu ambaye ni mwanasheria wa CHADEMA na wenzake wanashtakiwa kwa makosa matatu ya kuzuia shughuli za hospitali kufanyika, kukaa katika eneo la mochari bila kibali pamoja na kusababisha mkusanyiko usio halali, na kuwazuia ndugu kuchukua miili ya ndugu zao.

Akizungumuza baada ya kutoroka katika Gereza la Komaswa  Bw Lissu alisema kuwa akiwa na wenzakea saba walifanyiwa vitendo vya kinyama na Jeshi la Polisi hata. Hivyo alisema kuwa hajutii kuingia gerezani kwania kwa asingejua mateaso wanyoyapata Watanzania katika gereza hilo.

Bw. Lissu alisema alipelekwa katika gereza hilo akiwa amekanyagwa na askari watatu shingoni, ubavuni na mgongoni bila kuonewa huruma lakini alivumila mateso hayo.

"Tuliwekwa kama samaki nikakanyangwa kama nilivyo waeleza na hii nguo walinichania wakati tayari nikiwa nimepanda katika gari mnaweza kuona ilivyochafuka ilikuwa nzima wakasema chaneni hilo kombati lake na kweli likachanwa," alisema Bw. Lissu

Alisema ingawa wamefanyiwa udhalilishaji huo lazima atawaeleza Watanzania yote yanayofanywa na Jeshi la Polisi kwa raia wasio na hatia kwa kuwabambikia kesi.

Alishangazwa kuona kesi nyingi ni za kuwambikia na kusema kuwa kanda maalumu ni mwavuri wa kulida uovu hasa katika mgodi.

Alisema alibaini kuwa kesi hizo ni za kubambikiwa baada ya kuzungumza na mahabusu aliokuwa nao usiku kucha na kugundua matatizo ya rushwa na unyanyasaji ni ya hali ya juu.

Alisema kuwa anaamini kuwa hakuna gereza lolote nchini linalofanya mambo kama hayo hivyo kuahidi kushughulikia kesi zaidi ya 300 za kubabikiziwa kesi za mauaji mpaka zinakwisha.

Alifafanua kuwa endapo waliohusika na tuhuma hiyo wangekuwa na busara wangejiuzuru akiwemo Naibu Waziri wa Mambo ya Ndani Balozi Khamisi Kagasheki kwa kauli aliyoitoa Shirika la Utangazaji la Uingereza (BBC) ambayo ilionesha kuunga mkono mauaji hayo ya Wakazi wa Nyamongo.

Naye aliyewahi kwa mgombea wa Ubunge wa jimbo hilo kwa tiketi ya chama hicho, Bw. Mwita Mwikwabe alisema walitawanywa kila mtu katika kituo chake ambapo alishuhudia mateso mkubwa wanayopata Watanzania wawapo katika vituo hivyo.

Alisema akiwa katika gereza la Sirali alishuhudia mtoto mwenye umri wa miaka 12 ambaye ana kesi ya mada akiwa amechanganywa na watu wazima.

Bw. Waitara kitendo hicho ni chuo cha muda mfupi na hawajasikitishwa na vipigo wala manyanyaso waliyoyapata bali wameshiriki mateso na mahabusu wanaoshikiliwa bila hatia.Alisema kuwa katika gereza hilo lenye watu zaidi ya 660  zaidi ya 3,000 wakesi za mada ambazo ni za kubambikiza

Hata hivyo mwanaharakati za haki za binadamu kutoka chama cha wanasheria ambaye alikubwa na dhoruba hilo Bw. Stanslaus Nyembea alisema kuwa inawezekana Gereza la Tarime likaongoza kwa mateso ambayo pengine yalifanyika kwenye kipindi cha utumwa pekee.

Alisema kuwa kuna udhalilishaji wa hali ya juu kwani unapofika gerezani unavuliwa nguo zote na kufanyiwa unyama ambapo alisema wengine huvuliwa nguo mlangoni lakini wao walivulia nyuma ya mlango kwa kupewa heshima

Alisema kuwa alishangaa kuona mtu anavuliwa nguo na kukaguliwa sehemu ambazo hakutegemea na nguo zake hutupwa kwa polisi aliye ndani ya gereza na kuuliza nguo hizo ni mali ya nani hivyo mwenye nazo hunyanyuka na kuifuata akiwa mtupu.

Bw. Lissu na wenzake saba walikamatwa  wakiwa hosptalini kuangalia usalama wa miili ya watu waliouawa na polisi katika Mgodi wa North kwa madai ya kuwa walivamia mgodi baada ya kupata tetesi kuwa miili hiyo itachukuliwa na Jeshi la Polisi.

Wakiwa hosptalini hapo ghafla polisi walifika na garia tatu aina ya Land Rover Defender na kuzima umeme hosptalini hapo na kutumia gari moja kama taa na kuwakamata na kuwapiga na baadae kupora miili hiyo kama ilivyokuwa imekisiwa na baadae kwenda kuitelekeza mstuni.