Schwarzenegger amnunulia hausigeli jumba la mil.480/

HOLLYWOOD, Marekani

MWIGIZAJI sinema za kibabe, Arnold Schwarzenegger amemjengea hausigeli na mpenzi wake wa siri, Mildred Baena nyumba yenye thamani ya pauni 200,000 sawa na
zaidi ya sh. milioni 480 za kitanzania kwa ajili ya kuishi na mwanaye wa wa kiume, imebainika.

Seneta huyo wa zamani wa Jimbo la California, Marekani na nyota wa filamu ya Terminator alimnunulia hausigeli wake jumba hilo la vyumba vinne, ikiwa ni zawadi katika miezi 10 iliyopita wakati akiwa bado na mkewe, Maria Shriver.

Schwarzenegger alikuwa akifanya mapenzi kwa siri na hausigeli huyo na kuzaa naye mtoto wa kiume, ambaye sasa ana umri wa miaka 13.

Mildred mwenye umri wa miaka 50, alifanya kazi kwa miaka 20 nyumbani kwa Gavana wa zamani wa California Arnie mwneye miaka 63.

Wakati akifanya kazi alikuwa akifanya mapenzi kwa siri na bosi wake, ambaye ni milionea na maarufu sana katika ulimwengu wa sanaa za mapigano.

Baada ya Mildred na mwanaye kuhamia kwenye nyumba yea mpya miezi sita baadaye, aliachishwa kazi katika nyumba ya familia iliyopo Los Angeles.

Nyumba hiyo yenye bwawa la kuogelea na gereji mbili, iko maili 100 katika eneo la
Bakersfield.

Marty Steelman, ambaye msanifu nyumba wa hiyo, alisema Arnie anapenda watoto: "Sasa nimekuwa nikifikiri kuhusu hilo na ninaweza kuona jinsi alivyofanana.

"Inashangaza kujua kuwa mtoto wa Arnold Schwarzenegger, tulikuwa tukiishi naye katika eneo moja wakati wote."

Alisema mtoto huyo anafanana na baba yake kwa kutaka kujiweka fiti, alisema: "Anapenda mazoezi ya mapigano na kucheza mpira wa kikapu."

Hubby Roger mwenye umri wa miaka 62, alisema wakala wa nyumba aliwaambia kuwa nyumba hiyo iliuzwa Juni mwaka jana na ilinunuliwa na nyota wa Hollywood (Anorld).

Roger alisema: "Ilikuwa ni kitu cha kushangaza kidogo kwa Arnold kununua nyumba katika eneo kama la Bakersfield, ilishangaza sana."

Mkewe Anorld, Arnie  ambaye amezaa naye watoto wanne akielezea kuhusu kuvunjika kwa ndoa yao alisema: "Huu ni wakati wa maumivu na kuumia moyo."

Mama huyo alifanya mahojiano katika kipindi cha televisheni cha Oprah Winfrey jana.

Chanzo katika nyumba ya Arnie, kilisema alikuwa akitumia hadi pauni 800 kwa wiki kwa Mildred, ambaye alikuwa akifahamika kwa rafiki zake kama Patty, wakati alipokuwa nje ya familia yake.

Picha za mtoto huyo zimeoneshwa katika mtandao, huku Mildred akijieleza kama ni mzazi anayejivunia ambaye anapenda mahusiano ya kweli, ingawa mwili wake unaonekana kunenepeana.

Cheti cha kuzaliwa cha mtoto kinaonesha alizaliwa wiki moja, baada ya kuzaliwa mtoto wa ndoa wa mwisho wa Arnie, Christopher. Cheti hicho cha kuzaliwa kilionesha jina la ubini wa mtotoi huyo ni Rogelio Baena.

Mapaparazi walipokwenda kwenye nyumba ya Mildred, hawakuweza kumwona mtoto au mama yake.