Iniesta awasifu Giggs, Scholes

MADRID, Hispania

MCHEZAJI nyota wa Barcelona, Andres Iniesta amewaelezea wachezaji Ryan Giggs na Paul Scholes, kama ni mfano wa wachezaji waliong'ara.Iniesta ambaye alitwaa
ubinwga wa Kombe la Dunia akiwa na timu ya Hispania, alisema hayo kabla ya pambano kati ya Manchester United na Barcelona la fainali ya Ligi ya Mabingwa Ulaya itakayochezwa katika Uwanja wa Wembley, England Jumamosi ijayo.

Mchezaji huyi alisema anawaheshimu wachezaji hao wa Machaster United ambao ni mabingwa  wa England msimu huu, akielezea kuwa kama ilivyo Barca, Unite imekuwa na lengo la kutwaa makombe mawili, lile la nyumbani na Ulaya.

Alisema: "Wayne Rooney ni mmoja kati ya wachezaji wazuri zaidi duniani na ninapenda kumwangalia anavyocheza.

"Wana wachezaji kama Nani na pia wa safu nzuri ya ulinzi. Lakini kama utachagua mchezaji mmoja mmoja, kisha katika historia na kwa wote kwamba wamefanikiwa hapo watakuwa ni Paul Scholes na Ryan Giggs.

"Ni wachezaji wawili wanaliong'ara kuliko yeyote."

Iniesta pia alieleza kuwa anamhesimu kocha wa Barca Pep Guardiola, ambaye aliiongoza timu hiyo na kutwaa makombe matatu katika msimu wa 2008 na kutwaa ubingwa wa Ulaya 2009.

Mchezaji huyo mwenye umri wa miaka 27 alisema: Ni mtu muhimu sana kwetu.

"Ninafikiri sote tunakubaliana kuwa amekuwa ni muhimu kwa mafanikio ya timu hii.

"Ni kocha anayetengeneza wachezaji kwa utaalamu wake, klabu na vitu vinavyomzunguka.

"Ni kocha ambaye anatoa ufumbuzi. Katika mechi wakati mambo yanapokuwa hayaendi anakuja na jibu."