Inter Milan yatenga mil. 40 kwa Tevez

ROMA, Italia

MSHAMBULIAJI Carlos Tevez wa Manchester City, anaweza kuhamia italia katika klabu ya Inter Milan kwa ada ya pauni milioni 40.Klabu hiyo ya Milan inatarajia kutoa
dau hilo baada ya kumuuza kiungo wake kutoka Uholanzi, Wesley Sneijder kwa pauni milioni 30 ambapo klabu ya Manchester United inaweza kutoa fedha hizo.

Inter  ilishindwa kumshawishi Tevez mwenye miaka 27 kubakia City Januari lakini Massimo Moratti ameonesha ni ya kumtaka mchezaji huyo akitumaini anaweza kusaidia kuijenga safu ya ushambuliaji, ambapo kwa sasa wamepoteza ubingwa wa Ulaya na mahasimu wao AC Milan wanaelekea kuwa mabingwa wa Seria A msimu huu.

Tevez aliwasili city akitokea United na kuingia mkataba wa miaka mitano miaka miwili iliyopita lakini anatarajiwa kuondoka katika majira ya joto baada ya awali kukorofishana na klabu kabla ya Krismasi.

Hivi karibuni alisafiri kwenda Italia kwa ajili ya matibabu ya msuli na kushindwa kuisaidia timu yake katika mechi ya nusu fainalia ya FA dhidi ya United ambapo (City) walishinda bao 1-0.

Pia anaweza kukosa kucheza katika fainali ya mashindano hayo kwenye uwanja wa Wembley dhidi ya Stoke City Mei 14 mwaka huu.