Na Zahoro Mlanzi
BAADA ya kulazimishwa suluhu na timu ya Majimaji ya Songea, Kocha Msaidizi wa Yanga, Fredy Felix 'Minziro' amemjia juu mwamuzi
Ibrahim Kidiwa, kwamba ndiye aliyeidhoofisha timu yake mpaka ipate matokeo hayo.
Timu hizo zilikutana juzi kwenye Uwanja wa Majimaji mjini Songea katika mfululizo wa michezo ya Ligi Kuu Tanzania Bara, kwenye mchezo uliomaliza kwa mashabiki wa Yanga kumvamia mwamuzi, wakidai hakuitendea haki timu yao.
Akizungumza kwa simu mara baada ya kumalizika kwa mchezo huo, Minziro alisema Kidiwa, amewafanyia mambo ya ajabu kwa kufanya maamuzi yasiyostahili juu yao.
"Alafu utasikia watu wanasema Simba na Yanga zinabebwa kwa uamuzi kama huu alioufanya Kidiwa, hizi timu zinabebwa vipi, dakika za mwisho mchezaji wangu amekatuliwa kwa nyuma lakini, faulo ikaamuliwa ipigwe kwetu badala ya kwa Majimaji," alilalamika Minziro.
Alisema baada ya uamuzi huo, mashabiki wa Yanga walishindwa kuzuia hasira zao na kuamua kuingia uwanjani wakiwa na nia ya kumfuata, Kidiwa kumwelezea hisia zao juu ya alichokifanya.
Kwa mujibu wa vyanzo mbalimbali kutoka mjini humo, inadaiwa mara baada ya kupyenga cha mwisho kupulizwa, mashabiki wa Yanga kwa jina maarufu Yanga Bomba, walivamia uwanja kwa nia ya kumpiga mwamuzi.
Jeshi la Polisi lililokuwepo uwanjani hapo ilibidi lifanye kazi ya ziada kuwaondoa uwanjani, waamuzi waliochezesha mchezo huo na kufanikiwa kuwatoa uwanjani.
Yanga wamenapata wanachostahili kabisa. Mpira ni taaluma, taaluma haindani kwa mantiki za mdomo bila kuzingatia utaalamu.
ReplyDeleteWatu wamekuwa na majibu mepesi kwa matatizo mazito. Jaribu kujiuliza unamwondoa Papic katika kipindi ambacho timu inapaswa kuwa moja na yenye malengo mamoja. Hata neno "timu" tumeshindwa kabisa kujua maana yake na ndio maana twataja majina ya wachezaji tunaowapenda. Kocha mzuri ni yule aliyemjuzi wa anachofundisha na kuweza kuifanya timu ikaunganika na kuleta matokeo yanayotarajiwa.
kwa hiyo ni uendawazimu kumtukana refa kila mara. Minziro anatoa tokeo moja la kukwatuliwa na je alifunga magoli mangapi yakakataliwa na refa.
Uwezo wa minziro ni kufundisha kikocha umiseta na siyo timu itayoifanya yanga iwe ya kimataifa.
Utafundishwaje na kocha aliyekulia mpira wa fitina na aishi bila fitina. Amewahi kuwa kocha wa Yanga je aliweza kuleta matokeo gani?