Mbio za Chelsea kwa Luiz zaishia ukingoni

LISBON, Ureno

MBIO za Chelsea kutaka kumsaini mlinzi wa Benfica, David Luiz zimeelekea kuvunjika juzi usiku.Blues ilipandisha dau kwa ajili ya mchezaji huyo kwa
pauni milioni 23 na kumtoa kiungo wake Serbia, Nemanja Matic mwenye miaka 22.

Lakini kwa mara nyingine tena klabu hiyo ya Ureno ilikataa ofa ya Chelsea kwa mchezaji huyo wa kibazili.

Benfica inataka pauni milioni 30 lakini, Chelsea haiwezi kupanda kufikia kiasi hicho, hivyo suala la kufanikisha mkataba limekufa.

Chenzo kutoka ndani ya Chelsea kilisema: "Klabu iliboresha ofa pamoja na kutaka kumtoa Matic kwa matumini kuwa mkataba ungefanyika.

"Lakini Benfica ilisema tena kuwa hawataki, wanataka zaidi kwa hiyo inaonekana kushindikana."

Wakati huohuo, winga wa Udinese, Fabrizio Larini amedai kuwa Chelsea na Manchester United wanamtolea macho winga wa Chile, Alexis Sanchez mwenye miaka 22.

Mkurugenzi wa Sporting alisema: "Sanchez ni mchezaji anayecheza namba nyingi, ana muda wa kukua zaidi kiwango.

"Chelsea na United ni klabu mbili ambazo zilimfuatilia na kumtaka, lakini pia kuna nyingine."