Mwanamke akutwa na risasi 99 za shotgun

Na Mercy James, Makambako

JESHI la Polisi linamshikilia mwanamke mmoja mkazi wa Makambako Mkoani Njombe kwa tuhuma za kujihusisha na ujambazi baada ya kukutwa na risasi 99 za Shotgun na ganda moja la risasi nyumbani kwake.


Akizungumzia tukio hilo Kamanda wa polisi Mkoani humo Kamishna Msaidizi wa Polisi Fulgence Ngonyani amemtaja mwanamke huyo kuwa ni Bi. Ester Fute (34) mkazi wa Mtaa wa Mjimwema Makambako.

Kamanda Ngonyani alisema,Ester alikamatwa baada ya kufanyika upekuzi uliotokana na tukio la tukio la kuuawa kwa jambazi aliyetambulika kwa jina la Shabani Msule (33)ambaye aliuawa katika tukio la ujambazi huko Mkoani Mbeya wilayani Chunya.

Alisema, tukio hilo majambazi walifanya mauaji ya askari polisi G.68 Japhari Karume Mohammed ambao walikuwa wakiwafuatilia baada ya kuiba fedha sh. milioni 2 tukio ambalo lilifanyika  kijiji cha Matundasi.

Katika tukio hilo inadaiwa kuwa jambazi huyo alikuwa akiendesha gari ndogo yenye namba T. 227BST Toyota Coloral, ambapo walivamia kituo mafuta na kupora fedha hizo, mwili wake ulizikwa kijijini kwao Nyumbanitu Wilayani Njombe Februari 8.

Katika tukio jingine Wilhem Msemwa (37) mkazi wa kijiji cha Madili wilayani Ludewa ameuawa kwa kuchomwa na kitu chenye ncha kali kinachodaiwa kuwa ni kisu na kiisha kubondwa bondwa sehemu zake za siri.

Msemwa alikutwa na mkasa huo wakati alipokuwa akirejea nyumbani kwake akitokea katika klabu ya cha pombe za kienyeji,katika matukio hayo jeshi la polisi linaendelea na uchunguzi zaidi.