Magereza Wanaume, Wanawake mabingwa wavu

Na Mwali Ibrahim

TIMU ya wavu ya Magereza Wanaume, imefanikiwa kutetea ubingwa wake wa Klabu Bingwa Wavu kwa kuichapa Jeshi Stars seti 3-0.Katika mechi hiyo ya fainali iliyopigwa
Uwanja wa Shule ya Sekondari ya Popatral, Tanga, ulikuwa mkali, lakini Magereza walitumia mbinu nzuri na kufanikiwa kuwanyanyasa wapinzani wao.

Michuano hiyo ya klabu bingwa ilishirikisha timu mbalimbali za wavu, ambapo Magereza ilifanikiwa kutwaa ubingwa huo kwa kuwagaragaza wapinzani wao.

Pia, Magereza wanawake waliibuka mabingwa wa michuano hiyo baada ya kuilaza Jeshi Star Wanawake 3-1 na kuipoka ubingwa.

Kwa ushindi huo, timu za Magereza zitawakilisha nchi katika michuano ya Klabu Bingwa Afrika Kanda ya Tano mwakani.

Michuano ya Klabu Bingwa Afrika Kanda ya Tano, itafanyika Februari mwakani nchini Misri.