NMB kudhamini 'Maisha Plus'

Na Darlin Said

BENKI ya NMB inatarajia kudhamini mashindano yatakayoendeshwa na Maisha Plus, kwa kushirikiana na Oxfam pamoja na washindi walioshinda katika kampeni ya Mama shujaa wa chakula iliyoendeshwa na Oxfam .

Akizungumza na waandishi wa habari Dar es Salaam jana, Mark Wiessing alisema NMB imeamua kudhamini mashindano hayo ili kuhakikisha ardhi iliyopo inamsaidia Mtanzania mwenyewe, kwani kupitia shindano hilo litawahamasisha watu kujishughulisha katika mambo ya kilimo.

"Kwa kuhakikisha NMB inawajali wakulima wadogo wadogo, imeanzisha NMB foundation ambayo mbali na kutoa elimu pia inawahamasisha kujiwekea akiba na kukopa kupitia," alisema

Naye Mkurugenzi Mtendaji wa Maisha Plus Masoud Kipanya alisema mashindano ya mwaka huu yatakuwa tofauti kidogo na yaliyopita, kwani idadi ya washiriki itaongezeka kutoka 18 miaka ya nyuma mpaka kufikia 26 mpaka 30 mwaka huu.

Alisema washiriki watakaa siku 14 na wataanza na wanawake walioshinda katika kampeni ya  Mama Shujaa wa chakula, ambao watakaa siku 11 na siku tatu zitakazobaki watawajumuisha na washiriki wengine.

"Tumeamua kushirikiana na Mama Shujaa wa chakula  ili kumuenzi mwanamke ambaye ndiye  mkulima mdogo, ambaye  mzalishaji mkuu wa chakula   na  kuwafanya vijana waweze kujifunza na  kufikiria umuhimu wa uzalishaji wa chakula,"alisema Bw Kipanya 

Alisema usaili unatarajia kuanza Jumatatu ijayo kwa kupitia zile sehemu ambazo wametoka washindi wa  Mama Shujaa wa chakula kwa  kuonesha dokumentari itakayoonesha wakulima hao shughuli zao walizokuwa wananzifanya katika uzalishaji wa chakula.

Naye Mkurugenzi wa Oxfam Tanzania Bi Monica Gorman alisema  lengo la kushirikiana na Maisha Plus, ni kuweza kuwafanya wananchi wawaone wanawake hao kivipi wameweza kulima na kujipatia chakula chao cha nyumbani na biashara.

"Wanawake hawa wamejitahidi sana kuondoa umasikini,njaa  kwa  kulima huku wakikabiliwa  na changamoto mbalimbali,"