Kufungiwa MwanaHalisi ni sahihi-Pinda

Na Magreth Kinabo, Maelezo Dodoma

WAZIRI Mkuu Mizengo Pinda, amesema mtu yoyote ambaye anaona hakutendewa haki kuhusu kufungiwa gazeti la MwanaHalisi, anaweza kufafuta utaratibu mwingine wa kwenda mahakamani.

Bw. Pinda aliyasema hayo bungeni mjini Dodoma jana wakati akijibu swali la Kiongozi wa Kambi Rasmi ya Upinzania Bungeni , Bw. Freeman Mbowe.

Katika swali lake, Bw. Mbowe alisema Julai 30 mwaka huu, Serikali ililifungia gazeti hilo kwa muda usiojulikana kwa kutumia sheria ya magazeti ya mwaka 1976.

“Kama Serikali inatambua umuhimu wa mahakama, kwanini imelifungia gazeti la hili badala ya kulipeleka mahakamani na wahusika wapate nafasi ya kujitetea kabla ya kuhukumiwa?” alisema Bw. Mbowe.

Akijibu swali hilo, Bw. Pinda alisema ni kweli Serikali imechukua uamuzi huo kwa kuzingatia sheria na taratibu za nchi na mtu yoyote kwa msingi wa sheria hiyo ambaye ataona hajatendewa haki ni juu yake kutafuta utaratibu mwingine wa kwenda mahakamani,” alisema Bw. Pinda.