Askofu ataka viongozi kutowasahau walemavu

Na Patrick Mabula, Kahama

ASKAFU wa Jimbo Katoliki la Kahama Mhashamu Askofu Lodovick Minde ametoa wito kwa Viongozi wa Serikali na wa Vyama vya Siasa kutoisahau jamii ya watu wenye
ulemavu na watu wanaoishi katika mazingira magumu kwa kuwasaidia misaada mbalimbali ya kijamii ili wasijione kama wanatengwa kwa vile hawakupenda kuwa hivyo kwani hayo ni Mapenzi ya Mungu.

Askofu Minde alitoa wito huo juzi katika Sherehe ya Pasaka iliyokuwa imeandaliwa katika Parokia ya Ngaya,  Kahama na na Waziri wa Maliasili na Utalii,  Bw. Ezekiel Maige kwa watu wenye ulemavu wa Jimbo la Msalala.

Akizungumza  katika Sherehe hiyo iliyotanguliwa na Misa Takatifu ya Pasaka,   Askofu Minde aliisema kuwa  serikali na Vyama vya Siasa vinapoapanga mipango  mabalimbali kutowasahau watu wenye ulemavu ambao wanauhitaji makubwa katika maisha yao .

 "Kuanzia ndani ya Jamii, viongozi mbalimbali tunawajibu pia wa  kuwapenda walemavu ambao nao hawakupenda kuwa na hali hizo na  kuishi maisha kama hayo na wamekuwa wakitamani kuishi kama binadamu wengine wasiokuwa na ulemavu wowote  lakini kwa Mapenzi ya Mungu wakajikuta wanazaliwa hivyo au alikuwa mizima lakini wanapata kilema katika maisha yetu ya kila siku,"alisema Askofu Minde.


Kwa upande wake Bw . Maige ambaye pia ni mbunge wa jimbo hilo  aliwataka walemavu kuacha kuwa watukutu bali  wawe na tabia nzuri na pale wanapopata misaada inayotolewa na wasamalia wema , waitumie vizuri kwa maendeleo yao  katika maisha yao ya kila siku .

Bw. Maige alisema kupata na kuwa mlemavu siyo dhambi wala adhabu hiyo ni mapenzi ya Mungu  basi wanatakiwa kuacha ukorofi kwa kisingizio cha ulemavu  wawe waadilifu kwa kujikosoa na kuwadhibiti wale wakorofi wanao kwamisha juhudi  zao za maendeleo yao kwa kujinufaisha  kupitia migongo yao.


Aliahidi na kuwahakikishia  ataendeleza kutoa  misaada mbalimbali kwa  walemavu hao kadri atakavyoweza na katika  sherehe hiyo  alitoa msaada wa shilingi millioni moja na laki moja kwa ajili ya ujenzi wa ofisi baada ya Makamu Mwenyekiti wa Shirikisho la Vyama vya Watu wenye Ulemavu, Bw. Charles Kafuku kudai kuwa shirikisho hilo halina ofisi


Aidha akitowa shukrani zao Bw. Kafuku  walimuomba Bw.   Maige kupeleka  hoja serikalini ili wakati wa ukusanyaji wa maoni ya rasmu ya mabadiliko ya katiba yanayoendelea sasa hivi  hapa nchini kuwa nao washirikishwe katika  uundwaji wa katiba mpya .