Slaa afunika

• Apokewa kifalme, aanza kwa kumvaa Wassira
• Nassari aahidi kumwoa Mdee, Lema anguruma

 Katibu Mkuu wa Chama cha Demokrasia na Maendeleo (CHADEMA), Dkt. Wilbroad Slaa, aliyeshika kipaza sauti akihutubia wakazi wa Arumeru Mashariki, mkoani Arusha katika mkutano wa hadhara uliofanyika katika eneo la akeri. Kulia kwake ni mgombea ubunge kwa tiketi ya chama hicho Bw. Joshua Nassari. (Picha na Queen Lema)

wa kampeni uliohudhuriwa na umati mkubwa wa watu. Akihutubia mkutano , Dkt. Slaa alianza kwa kujibu mapigo yaliyoelekezwa kwake na Mlezi wa CCM Mkoa wa Arusha, Bw. Stephen Wassira, aliyemtuhumu
kuwa alifukuzwa upadri baada kutafuna fedha za ujio wa Papa John Paul II kwenye miaka ya tisini. Huku akishangiliwa na wananchi,
 Dkt. Slaa alimtaka Rais Jakaya Kikwete, kumfukuza kazi Bw. Wassira kwa sababu ni waziri anayesema uongo, hivyo hafai kuongoza wananchi. “Wa s s i r a a k iwa wa z i r i amewadanganya wananchi kuwa nilifukuzwa upadri kwa sababu ya kula fedha...kiongozi wa aina hii hafai, kwani ni muongo na kama ana....basi ajiuzulu,” alisema Dkt. Slaa. Alisema Bw. Wassira anatakiwa kujua kuwa yeye (Dkt. Slaa) si saizi yake, kwani yeye ni namba nyingine tofauti na kumtaka aende mahakamani kama ana ushahidi na hilo. “Asipoenda mahakamani itakuwa inadhihirisha kuwa yeye ni muongo wa kutupwa na hafai kuwa kiongozi,” alisema. Kuhusu ubadhirifu wa fedha, alisema aligundua kuwa kwenye Halmashauri za Arusha Mjini na Meru kuna ubadhirifu mkubwa alioubani wakati akiwa mbunge.
Aliahidi kufichua uozo wote sehemu atakazopita. Alisema kwa sasa chama chake kimebadili muundo wa uongozi, hakishughuliki na wabunge wanaoenda bungeni kupiga makofi, badala yake wanataka ambao wanaweza kutetea maslahi ya wananchi. Alisema kwa stahili hiyo kamwe CCM haiwezi kuwakamata. Kwa upande wake mgombea ubunge, Bw. Joshua Nassari, naye alimvaa Bw. Wassira kwa kauli yake ya kutaka wananchi wasimchague kwa kuwa hajaoa. “Kwa kuwa wameniambia sijaoa, nitamuoa Halima Mdee (mbunge wa Jimbo la Kawe) ili wananchi wa jimbo hili wanufaike mara mbili, hivyo jimbo litakuwa na wabunge wawili,” alisema. Alisema anaomba Mungu usiku na mchana ili afanikiwe kumuona, Bi. Halima Mdee, ili akishinda ubunge wananchi wa Arumeru wawe na wabunge wawili, ambao watakuwa mke na mume.
Naye Mbunge wa Arusha Mjini, Bw. Godbless Lema, amemtaka mbunge wa Monduli, Bw. Edward Lowassa, asithubutu kutia mguu Arumeru kwa madai atachangia amani kuvunjika. CCM, CHADEMA wazipiga Naye mwandishi wetu Pamela Mollel anaripoti kuwa, wafuasi wa vyama vya CHADEMA na CCM wameshambuliana katika tukio lililotokea eneo la Usariver baada ya kukutana wakiwa wamevalia sare za vyama vyao.
 Tukio hilo lilitokea juzi saa 10 jioni wakati kundi la wafuasi wa CHADEMA lilipokutana na mwendesha bodaboda akiwa amevaa nguo zenye rangi inayotumiwa na CCM na kuanza kushambuliana. Mara baada ya purukushani hiyo wafuasi wa CHADEMA walitoa taarifa katika Kituo cha Polisi Wilaya ya Arumeru wakilalamikia kufanyiwa vurugu. Taarifa za tukio hilo zilipowafikia wanachama wa CCM waliokuwa eneo lingine katika kata hiyo ya Usariver, akiwemo Katibu Mkuu wa UVCCM, Bw. Mathini Shigela, walienda Kituo cha Polisi Usariver na kusuluhisha sakata hilo. Mara baada majadiliano ya muda mrefu na jeshi la polisi, wana-CCM walikubali kuondoka na kuendelea na mikutano yao katika Kata ya Kikatiti.
 Mgombea CCM Wakati huo huo mgombea ubunge kwa tiketi ya CCM, Bw. Sioi Sumari, ameahidi wakazi wa jimbo la Arumeru Mashariki kuhakikisha mradi mkubwa wa umeme unafika katika maeneo ambayo hayana nishati hiyo. Akihutubia maelfu ya wakazi wa Kata ya Maroroni katika mkutano wa hadhara wa kampeni za chama hicho, Bw. Sioi alisema atahakikisha maeneo ambayo hayana umeme yanapata huduma hiyo. Alisema katika kata hiyo kuna changamoto kubwa ya umeme, lakini amewatoa hofu wakazi hao kwa kuwa tayari kuna mradi mkubwa wa umeme ambao unatarajiwa kuanza hivi karibuni na tayari Waziri wa Nishati na Madini, Bw. William Ngeleja, alishatembelea eneo hilo. “Wananchi ninawaomba mnipe ridhaa ili niweze kusimamia vizuri mradi huu kwa kuwa utaanzia huku na tayari tathimini ilishafanyika sasa kilichobaki ni ufuatiliaji ili kuhakikisha umeme unawafikia mapema,”alisema.
 Pia aliongeza kuwa tatizo la ajira kwa vijana ni la kutafutiwa ufumbuzi mapema. Aliongeza kuwa kuna ahadi nyingi ambazo ziliahidiwa na aliyekuwa mbunge wa jimbo hilo, Marehemu Jeremia Sumari, ambazo bado alikuwa hajatekeleza.Kesi