Chelsea ampandia dau Luka Modric

LONDON, Uingereza

KLABU ya Chelsea iko tayari kutoa ofa ya mshahara wa pauni 130,000 kwa mshambuliaji, Luka Modric kama atasaini kuchezea Stamford Bridge.Mchezaji huyo
kutoka Croatia, amekuwa akilipwa pauni 50,000 kwa wiki White Hart Lane.

Blues inatumaini kusaini mkataba wa kumpata mchezaji huyo, anayekadiriwa kuwa na thamani ya pauni milioni 15.

Chelsea inataka kuongeza wachezaji wenye ufundi katika kikosi chake, ambacho msimu uliopita hakikupata kombe.

Nyota huyo wa Spurs, bado amebakiza miaka mitatu na ni mmoja wachezaji walio juu kwenye orodha akiwa na uwezo wa kucheza pembeni na katika winga.

Chanzo kilichopo ndani ya Chelsea kilisema: "Kwa kutokuwa na kocha hakuwezi kufanya kitu chochote kwenda taratibu.

"Kuna orodha ya wachezaji ya kuwasaini na Modric ni mchezaji mzuri."

Nahodha wa Blues, John Terry ana matumaini kuwa wachezaji wapya watasaidia timu kufanya vizuri.

Terry alisema: "Tuliwasaini wachezaji wawili wa kusisimua Januari, Fernando Torres na David Luiz. Waliisaidia klabu, tunatumaini  kuwa kutakuwa na wachezaji wengine.