Mmoja afarilki kwenye ajali,21 wajeruhiwa

Na Lilian Justice,Morogoro




Mwalimu wa Shule ya Msingi Ilekanilo jijini Mwanza amefariki dunia na  wengine
21 kujeruhiwa baada ya gari walilokuwa wakisafiria kugongana na gari jingine
aina ya Toyota minibus iliyokuwa ikitokea mwanza kulelekea jijini
Daressalaam.

Kwa mujibu wa Kamanda wa polisi Mkoa wa Morogoro Bw. Faustine Shilogile
alisema kuwa tukio hilo lilitokea mnamo Januari 4 mwaka huu majira ya saa
11.15 huko maeneo ya Ngiloti Wilayani Gairo Mkoani hapa
Kamanda Shilogile alisema kuwa gari yenye nambari za usajili TB 3839 Aina
ya Isuzu Traki mali ya bw. Eric Ndiwaye ikiendeshwa na Bw. Juma Gahungu
(44) mkazi wa Bunyezi nchini Burundi ikitokea Jijini Daressalam iligonga
gari T 146 CBG aina ya Toyota Minibus

Aidha alisema kuwa gari hiyo ilikuwa ikiendeshwa na Bw. Ahmed Rashid(29)
mkazi wa Mwanza  iktokea jijini Mwanza kuelekea jijijini Daresssalam
ilisababisha kifo cha Bi. Consaliva Kunaga (33) mkazi wa Mwanza ambaye ni
Mwalimu katika Shule ya Msingi Ilekanilo na kusababisha majeruhi 21

Pia aliwataja baadhi ya majeruhi walitambuliwa katika ajali hiyo kuwa
ni  Ahmed
Rashid ambaye ni dereva ,Adam Gahungu (24) ambaye ni utingo ,Cecy
Maximilian (40) mhasibu kanisa la Kiinjili la Kilutheri Tanzania (KKKT)
Jijini Mwanza na bi Magreth James (26) mfanyabiashara Jijini Mbeya

Hata hivyo Kamanda huyo alisema kuwa chanzo cha ajali hiyo ni mwendokasi
wa dereva wa gari aina ya Minibus  ambapo hivi sasa ameshikiliwa na jeshi
la Polisi Mkoani hapa.