Scholes ampa somo Ferguson

LONDON, England

KIUNGO mstaafu wa Manchester United, Paul Scholes amemtaka kocha wa timu hiyo Sir Alex Ferguson, kufanya usajili sahihi wakati huu wa majira haya
ya joto.

Scholes alisema jana kuwa, kocha huyo hatakuwa na jinsi kufanya mabadiliko yanayotakiwa ndani ya klabu hiyo.

"Kocha anapaswa kufahamu anachohitaji aidha kama anataka kununua mchezaji ama kufurahia wale ambao tayari ameshawapata," Scholes aliiambia tovuti ya klabu hiyo.

Alisema kipindi cha miaka mingi iliyopita, kocha huyo hajaongeza wachezaji wengi na kama anajisikia kufanya hivyo kwa sasa anapaswa kufanya.

"Kwa sasa ameshatengeneza timu tatu, ama nne na endapo anataka kufanya hivyo tena nina uhakika anaweza kufanya hivyo," alisema mkongwe huyo.