Wafanyabiashada dawa za kulevya sasa kukiona

Na Pendo Mtibuche, Dodoma

SERIKALI inakusudia kufanya marekebisho ya sheria inayowapa dhamana wafanyabiashara wa dawa za kelevya nchini badala yake watafungwa jela ili kudhibiti mianya ya biashara hiyo.

Waziri wa Nchi, Ofisi ya Waziri Mkuu (Sera, Uratibu na Bunge), Bw. William Lukuvi, aliyasema hayo mjini Dodoma jana wakati akizungumza na waandishi wa habari kuhusu maadhimisho ya kupiga vita dawa za kulevya Duniani inayofanyika Juni 26 kila mwaka. Mwaka huu kitaifa itafanyika Tandale, Dar es Saalam.

Alisema sheria zinazosimamia makosa hayo, hazitumiki vizuri hivyo upo umuhimu wa kuwepo ili mtu yeyote atakamatwa na dawa hizo, kusiwepo kipengele cha faini bali afungwe maisha.

Aliongeza kuwa, Serikali ikiweza kudhibiti biashara hiyo itawasaidia vijana wengi ambao hutumiwa na vigogo kufanya biashara hiyo.

“Hawa vijana waatawataja vigogo wanaowatuma kwa sababu hivi sasa, hawawataji kwa sababu wanawalipia faini wanapokamatwa.

“Sisi tunapendekeza katika mabadiliko ya sheria hii, ushahidi wa Mkemia Mkuu na vidhibiti vya dawa hizi vinapotolewa mahakamani kwa mala ya kwanza, viwe ushahidi tosha badala ya Serikali kuendelea kutunza dawa husika,” alisema.


Alisema muswada wa mabadiliko hayo utapelekwa bungeni ili sheria hiyo iweze kufanyiwa marekebisho ndani ya kipindi cha mwaka huu na kuwa sheria ili kudhibiti biashara husika.

Bw. Lukuvi alisema, mbali na kuwepo kwa vishawishi vingi pindi daawa hizo zinapokamatwa na kupelekwa mahakamani kama ushahidi, pia hukaa muda mrefu na kupoteza ubora wake.

Aliongeza kuwa, lipo tatizo la sheria kukinzana ambapo katika kesi moja iliyohusisha kukamatwa kwa mtambo wa kutengeneza dawa za kulevya jijini Dar es Salaam, Mahakama iliamuru muhusika apewe mali kwa madai mitambo hiyo haikuonekana na madhara yoyote.

“Takiwmu zinaonesha kuwa, kati ya mwaka 2006-2010, waathirika wa dawa hizi walikuwa 1,373 ambao walifikishwa katika Hospitali ya Mirembe, Dodoma wakiwa na matatizo ya akili.

“Watanzania wengi wanajihusisha na biashara hii na wengine kukamatwa nje ya nchi, kuhukumuwa vifungo hata kunyongwa kulingana na sheria za nchi husika,” alisema Bw. Lukuvi.

Alisema kati ya mwaka 2010-2012, kilo 661 za Heroin na nyingine  190 za Cocain zilikamatwa nchini ambapo bei ya mitaani kwa kilo moja ya Heroin sh. milioni 30 hadi 35, wakati Cocaine huuzwa kwa sh. milioni 40.