Unguja, Singida zaongoza Taifa Cup

Na Amina Athumani

TIMU za mpira wa kikapu Unguja na Singida, zinaongoza michuano ya Taifa ya mpira wa kikapu (Taifa Cup), inayoendelea jijini Dar es Salaam.
Unguja Wanaume wanaongoza katika Kundi C, wakiwa na pointi nne. Kila kundi lina timu nne.

Singida wao wanaongoza Kundi A ikiwa na pointi nne, kundi B linaongozwa na Mbeya ambao wana pointi tatu na Kundi D, linaongozwa na Kilimanjaro yenye pointi tatu.

Katika michuano hiyo kila kundi litatoa timu mbili zitakazoingia robo fainali, itakayoanza kuchezwa leo mchana ambapo washindi wanne watacheza nusu fainali kesho.

Mechi za jana zilizochezwa kwa ajili ya kukamilisha hatua ya makundi, Singida inayoongoza iliichapa Shinyanga kwa pointi 87-75 na Morogoro, iliionesha kazi Lindi kwa kuichapa kwa pointi 61-42.