Simba Tishio kufanya uchaguzi mdogo

Na Omary Mngindo, Kibaha

UONGOZI wa tawi la Simba la Kibaha Kwamfipa (Simba Tishio), linatarajia kufanya uchaguzi mdogo Desemba 18, mwaka huu kuziba nafasi
za Mwenyekiti na Mjumbe wa Kamati ya Utendaji zilizoachwa wazi

Akizungumza na waandishi mjini hapa juzi, Katibu Mkuu wa tawi hilo Mshindo Kittike, alisema uchaguzi huo utafanyika Desemba 18 saa 4 asubuhi.

Amezitaja nafasi hizo kuwa ni Mwenyekiti ambaye aliyekuwa akishika nafasi hiyo Ally Salimu ambaye amefariki hivyo nafasi hiyo kwa kipindi kirefu ilikuwa wazi na nafasi ya ujumbe.

Aliwataja wanaowania nafasi hizo kuwa ni Ally Mkande, Makamba Mkwama na Abdallah Maja wanaowania Uenyekiti huku Maja akiwania nafasi ya Mjumbe Kamati ya Utendaji.

"Tunatarajia uchaguzi huo mdogo wa kuziba nafasi utawezesha kufanikisha upatikanaji wa viongozi hao, watakaoziba nafasi hizo zilizoachwa wazi," alisema Kittike.

Kittike amewataka wanachama wa tawi hilo, kuhakikisha wanalipia kadi zao mpaka ifikapo mwishoni mwa mwezi huu kwa ajili ya maendeleo ya tawi na klabu yao kwa jumla.

"Pia tunatumia nafasi hii kuwataarifu wanachama wetu wapatao 63, kuhakikisha kila mmoja analipia kadi yake ya uancahama kwani ni wakati muafaka kwa wanachakma hao kufanya hivyo," alisema Kittike.