Kova kuwashuhudia Matumla, Osward

Na Mwali Ibrahim

MLEZI wa ngumi Tanzania, Kamanda wa Polisi Kanda maalumu ya Dar es Salaam, Suleiman Kova anatarajia kuwa mgeni rasmi katika pamabano
kati ya Rashid Matumla ‘Snake Man’ na Maneno Osward ‘Mtambo wa Gongo’, linalotarajia kufanyika siku ya Krismas katika Ukumbi wa Heinken Mtoni Kijichi, Dar es Salaam.

Pambano hilo lisilo la ubingwa litakuwa katika uzito wa middle weihgt la raundi 10.

Akizungumzia pambano hilo Dar es Salaam jana, bondia Osward alisema atahakikisha anamtwanga mpinzani wake, ili kufuta machungu aliyoyapa katika pambano lao la mwisho ambalo Matumla alishinda kwa pointi..

"Matumla alinizidi kwa pointi, sasa nataka kumwonesha kama nina uwezo wa kumuangusha katika hatua za awali, kwani nimejiandaa na bado naendelea kujifua kwa ajili ya pambano hilo," alisema Osward.

Naye Matumla alisema, anaendelea na mazoezi ili kuweza kuwapa raha na mkono wa Krismas mashabiki wake.

"Ushindi wangu ndiyo utakuwa zawadi kwa mashabiki wangu, kwani sina cha zaidi cha kuwapa," alisema Rashid.

Mkurugenzi wa Kampuni ya Adios Promotion, Shabani Adios 'Mwayamwaya' ambaye ndiye mwandaaji wa pambano hilo, alisema kabla ya pambano hilo mabondia hao watapima vipimo mbalimbali, vikiwemo vya UKIMWI na dawa za kuongeza.