Polisi yaichapa Kikwajuni 2-1

Na Mwajuma Juma, Zanzibar

TIMU ya Polisi juzi imepata ushindi wake wa kwanza katika mechi za Ligi Kuu ya Seagull Zanzibar, baada ya kuifunga Kikwajuni mabao 2-1 katika mchezo uliochezwa Uwanja wa Mao.
Polisi ndiyo ilianza kupata bao la kwanza dakika ya 26, lililofungwa na Amir Adam.

Baada ya kufungwa bao hilo, Kikwajuni ilichachamaa ambapo Bakari Thani, alisawazisha bao hilo dakika ya 42.

Kipindi cha pili Polisi, iliingia kwa nguvu na kufanikiwa kupata bao la pili dakika ya 86 kupitia kwa David Christopher, aliyeingia kuchukua nafasi ya Momammed Seif Belo.

Kwa ushindi huo, Polisi imefikisha pointi ikiwa nafasi ya pili kutoka mkiani katika msimamo wa ligi hiyo, nafasi ya mwisho inashikiliwa na Super Falcon.

Miembeni United ndiyo vinara wa ligi hiyo kwa kuwa na 13, ikifuatiwa na Mafunzo yenye pointi 11, huku KMKM ikishika nafasi ya tatu ikiwa na pointi tisa.

Ligi hiyo ianongozwa na Miembeni United kwa pointi 13 wakati Mafunzo wanashika nafasi ya pili kwa kuwa na pointi 11 huku KMKM wakishika nafasi ya tatu kwa kuwa na pointi tisa katika msiamamo wa ligi hiyo.