MAJIRA - GAZETI HURU LA KILA SIKU:

WAKAZI WA DAR WALIA NA MFUMUKO WA BEI.

2012-01-27T13:16:00.000+03:00

Na Rachel Balama

WANANCHI wa maeneo mbalimbali Jijiji Dar es Salaam wamesikitishwa na mfumuko wa bei za bidhaa muhimu kwani hali hiyo inawaweka katika wakati mgumu

Wakizungumza na gazeti hili kwa nyakati tofauti, wananchi hao walisema kuwa wamekuwa wakiishi katika mazingira magumu kutokana na kutokuwa na kipato cha kukidhi mahitaji yao.

Asha Ramadhani, Mkazi wa Kiwalani, alisema kuwa kwa kutokana na hali hiyo amejikuta akilazimika kula milo miwili kwa siku kutokana na kushindwa kumudu gharama.

"Kutokana na kipato changu kuwa kidogo, sasa nakula mlo mmoja kwa siku jambo ambalo watoto wangu wanashindwa kuvumilia," alisema.

Naye, Salma Ramadhani, alisema kuwa katika Manispaa zote za Jiji la Dar es Salaam kumekuwa na ongezeko la bei za vyakula mfano, mfuko mmoja wa sukari wa kilo 25 unauzwa sh 80,000 kwa bei ya jumla kutoka sh 40,000 ikiwa imepanda mara dufu huku kilo moja ikiuzwa kati ya sh. 2,000 hadi 2,500.

Alisema kwa upande wa masoko kama Tandika, Kariakoo na Tandale taarifa inaonyesha bei ya vyakula imepanda kwa kasi katika miezi mitatu iliyopita. Kwa sasa gunia moja la mchele linanunuliwa kati ya sh.250,000 hadi 300,000 kutoka sh 100,000 hapo awali, Wakati kilo moja ya mchele kwa sasa ni kati ya sh. 2,000 hadi 2,500.

Kwa upande wa mchele wa kitumbo ambao jamii kubwa ya watanzania wanaoishi maisha magumu wamekuwa wakiutumia kwa sasa huuzwa kwa kiasi cha Sh 1600 hadi 1800 kwa kilo tofauti na awali mchele huo ulikuwa ukiuzwa kwa Sh 1000 hadi 1300 ambapo ulikuwa ukitumiwa na wafanyabiashara wa vitumbua.

Wananchi hao wameiomba serikali kusimamia kwa makini tatizo la mfumko wa bei sambamba na ongezeko la bei ya umeme ili shughuli za uzalishaji ziendelee kwa nia ya kuwanusuru wananchi hasa kutokana na hali ngumu ya kiuchumi.

SERIKALI IUNDE CHOMBO CHA KUDHIBITI BEI -GDSS

2012-01-27T13:14:00.000+03:00

Na Rose Itono

WADAU wa semina za Jinsia na Maendeleo (GDSS) wameitaka serikali kuwa na chombo maalumu cha kudhibiti bei za bidhaa ili kuwawezesha wananchi wa kumudu gharama za maisha.

Wakizungumzia kuhusu kushuka kwa thamani ya shilingi ya Tanzania,mfumuko wa bei na hali ngumu ya maisha na athari zake kwa wanawake na makundi yaliyopo pembezoni katika viwanja vya Mtandao wa Jinsia Tanzania (TGNP) Dar es Salam juzi walisema kutokuwepo kwa chombo cha kudhibiti hali hiyo kunachangia mfumuko wa bei za vyakula.

Mwakilishi wa wanawake hao Bi. Anna Sangai alisema kama chombo hicho kitaundwa kitasaidia kusimamia bei za bidhaa kama ilivyo Mamlaka ya Udhibiti wa Nishati na Maji (EWURA) ambao ambayo inasimamia bei za nishati na maji.

Bi.Sangai alisema kuwa,hali ya serikali kutothamini watu wake waliopo katika jamii inachangia kwa kiasi kikubwa kuwepo na matabaka ya walionacho na wasionacho.

"Ukweli ni kwamba kumekuwa na ongezeko kubwa la matabaka kwa watu walionacho na wasionacho,"alisema Bi. Sangai.

Aliongeza kuwa hali hii imewafanya watu hasa wale wa pembezoni na wenye kipato cha chini kulazimika kula milo miwili kutokana na kushindwa kumudu gharama za maisha.

Bw.Ahmed Nasoro mkazi wa Mabibo alisema kuwa, uchumi wetu umekuwa ukitumika katika shughuli za kisiasa zaidi kuliko shughuli za kijamii.

Alisema hii ni kutokana na kwamba bajeti kubwa ya serikali inaelekezwa zaidi katika shughuli za kisiasa kuliko za kijamii.

Naye Bi.Evin Mafem mkazi wa Kimara alisema ni vema serikali ikaandaa utaratibu wa kuzungumza na wananchi wake hasa wale pembezoni ili kujua matatizo yanayowakabili ili waweze kuyafanyia kazi.

Aliwaka wadau mbalimbali kuendelea kusimama imara kupigania haki zao ikiwa ni pamoja na kuwataka viongozi, kuyafanyia kazi masuala yote yanayoikabili nchi hii ikiwemo hili la kushuka kwa thamani ya shilingi.

SERIKALI, MADAKTARI WAFIKISHANA PABAYA.

2012-01-27T13:07:00.001+03:00

Serikali, madaktari wafikishana pabaya

*Sasa wapashana kupitia vyombo vya habari pekee
*Wagonjwa wataabika, ndugu wahaha kuwahamisha
*Watangaza athari za mgomo ndani ya siku 12

Anneth Kagenda na Rehema Maigala

WAKATI afya za wagonjwa wanaotibiwa katika

hospitali mbalimbali nchini zikizidi kudhoofika kwa

kukosa matibabu, kwa mara nyingine tena madaktari

na serikali jana wameendelea kutunishiana misuli,

hali inayodhihirisha kuwa muafaka wa sakata hilo

bado kitendawili.

Hali hiyo ilijidhihirisha Dar es Salaam jana wakati

umati mkubwa wa madaktari hao ulipojikusanya kwenye

mkutano wa hoteli moja jijini, na kutoa tamko la

kutorudi nyumba, huku wakisisitiza kuwa matokeo ya

mgomo wao yataanza kuonekana siku 12 zijazo na

kuendelea.

Wakati madaktari hao wakitangaza msimamo wao huo,

siku hiyo ya jana maofisa waandamizi wa Wizara ya

Afya na Ustawi wa Jamii wakiongozwa na waziri wao,

Dkt. Hadji Mponda, walikutana na waandishi wa

habari na kutoa majibu ya madai yao ambayo

hayaoneshi nuru ya kumaliza mgogoro unaoendelea,

bali kukuza ukubwa wa tatizo.

Pamoja na Dkt. Mponda kuwaambia waandishi wa habari

jana kuwa milango ya wizara yake ipo wazi tayari

kwa kukutana nao, madaktari hao nao walijibu kuwa

mgomo unaendelea hadi pale watakapokutana na Waziri

Mkuu, Bw. Mizengo Pinda, au ujumbe kutoka ofisini

kwake.

Akizungumza na waandishi wa habari Dar es

Salaam jana Mwenyekiti wa Jumuiya Mpya ya Madaktari

Dkt. Steven Ulimboka, alisema mgomo bado upo pale

pale na kwamba wao wanamtaka Waziri Mkuu Bw.

Pinda.

"Tunachosema ni kwamba milango iko wazi kwa

ajili ya mazungumzo na serikali, lakini serikali

iache kupotosha umma kwamba hakuna mgomo, ukweli ni

kwamba mgomo upo pale pale hadi kieleweke,"

alisema, Dkt. Ulimboka

Aliongeza kuwa hivi karibuni walikutana na uongozi

wa juu katika ofisi ya Waziri Pinda ambao ni Katibu

na Naibu Waziri, na kuzungumza nao kwa saa tatu,

lakini walishindwa kufikia muafaka, hatua

iliyosababisha mgomo kuanza.

"Serikali iache propaganda kwani kuna kamchezo kanachezwa, ndiko kanakowafanya wazunguke zunguke, hawana jibu moja la kutujibu, badala yake wanaitisha mikutano na

vyombo vya habari... kwanini wasije kuzungumza na

sisi ili muafaka upatikane?"Alihoji Dkt.

Ulimboka.

Alisisitiza kuwa; "Sisi tunachokifanya

tuko sahihi na wala hatujakosea, kama wao wanasema

tutafika mahali tushindwe hiyo si kweli, ila

waache siku ziendelee kusogea mbele na ikifika siku

ya 12 na kuendelea majibu yatapatikana katika

hospitali zote nchini."

Alisema madaktari watashangaa ikiwa watapata

taarifa kwamba Waziri Pinda anasafiri wakati

wananchi wanaendelea kufa hospitalini, eti kwa

madai kuwa serikali imeshindwa kufikia muafa na

wao.

Wakati madaktari wakitoa msimamo huo, Dkt.

Mponda naye alikuwa na waandishi wa habari

akipangua kwa majibu hoja nane za msingi

zilizofikishwa na madaktari hao mezani kwake ili

zijadiliwe na hatimaye waweze kurejea kazini.

Alianza kwa kutoa mwito kwa madaktari ambao wapo

kwenye mgomo, kuacha mara moja ili kunusuru maisha

ya Watanzania wanaofika hospitalini kwa ajili ya

kupata tiba.

"Ni vyema madaktari wakatambua juhudi zinazofanywa

na serikali za kuboresha maslahi ya Sekta ya Afya

na wanatakiwa kuziunga mkono, hivyo basi tunawasihi

kurejea kazini", alisema Dkt. Mponda.

Katika hatua nyingine serikali imekiri mgomo huo kusambaa katika baadhi ya mikoa ingawa badohainataarifa ya athari zake.

Wakati huo huo waandishi wetu waliotembelea

baadhi ya hospitali mbalimbali jijini na mikoani,

wameshuhudia baadhi ya ndungu wakifanya mipango ya

kuwahamishia wagonjwa wao hospitali za binafsi.

"Ndugu yangu hali ni mbaya, sielewi tunaenda wapi

hapa hospitali (Muhimbili) hakuna madaktari

tunaambiwa wapo kwenye mikutano wamegoma, ni bora

tuhamishe wagonjwa wetu tuwapeleke nyumbani,kwani

wengine hatuna kipato cha kuhamishia hospitali

binafsi," alisema.Mhudumu wa chumba cha kuhifadhi

maiti katika hospitali ya Muhimbili alipoulizwa

kama vifo vya wagonjwa vimeongezeka tangu mgomo huo

uanze, alijibu huku akitabasamu; "Hiyo siri ya

jeshi, lakini simama hapa mwenyewe uanze kuhesabu

zitakazoletwa.

"Mitaani nako walionekanakusikitika pale walipokuwa wakipitwa na magari ya wagonjwa (Ambulance) yakipiga ving'ora wakati wanakopelekwa kwa ajili ya matibabu ya juu zaidi madaktari wamegoma.

Wakati huo huo; taasisi inayojishughulisha na masuala ya afya na elimu kwa jamii nchini (SIKIKA) imeitaka wizara hiyo kuchukua hatua za haraka kumaliza mgogoro huo, ili

kuepusha madhara makubwa yanayoendelea

kujitokeza.

Kwa mujibu wa taarifa iliyotumwa jana

kwa vyombo vya habari na SIKIKA ilifafanua kuwa

wizara ina jukumu la kushirikiana na madaktari ili

kuboresha afya za wananchi.

"Ijulikane kuwa, jukumu la awali la wizara kwa kushirikiana na madaktari ni kuboresha afya za wananchi na kuokoa maisha yao, hivyo ni wajibu wao kufanya kazi kwa pamoja ili kufanikisha hili," ilisema taarifa na kuongeza.

Naye Mashaka Mhando,anaripoti Mwanza

Mkuu wa Mkoa wa Mwanza,Bw. Evarist Ndikilo, amesema

madaktari wa Hospitali ya Rufaa ya Bugando mkoani

hapa, hawajaanza mgomo kama wenzao katika baadhi ya

mikoanchini, isipokuwa wanaweza kuungana nao

kuonesha mshikamano.

Hata hivyo alisema ofisi yake

imeongea nao kuona uwezekano wa kuepusha mgomo huo.

Akizungumza na Kamati ya Bunge ya Huduma za Jamii

iliyokuwa na ziara mkoani hapa, alisema madaktari

wa hospitali hiyo na zingine zilizopo mkaoni hapa,

wanaendelea na kazi na wala hawajagoma kama

wengine.

CHEKA,NYILAWILA KUPIMA UZITO LEO.

2012-01-27T12:51:00.001+03:00

Na Mwali Ibrahim

MABONDIA Karama Nyilawila na Francis Cheka leo wanatarajia kupima uzito kwa ajili ya kujiandaa na pambano lao lisilo kuwa la ubingwa linalotarajia kufanyika kesho.

Pambano hilo la raundi 10 uzito wa kg 75 linatarajia kufanyika katika uwanja wa Jamuhuri mkoani Morogoro.

Katika pambano hilo pia kutakuwa na mapambano mengine makubwa matano yakisindikiza pambano hilo ambalo ni kati ya Maneno Osward 'mtambo wa gongo'na Pasco Ndomba raundi nane uzito wa kg 75, Chaulembo Palasa na Deo Njiku kg 68.

Wengine ni Venance Mpoji na Ibrahim Clases kg 63, Anthon Mathias na Juma Afande kg 54 na pambano la mwisho kati ya Hassan Kidebe na Arbert Mbena kg 54 ambapo mapambano hayo yatakuwa ya raundi sita kila moja.

Wakizungumza kwa njia ya simu kutoka Morogoro Cheka alisema, tayari wameishapima UKIMWI na amekutwa yupo sawa na hivyo anasubiri vipimo vya mwisho ambavyo vitaenda sambamba na upimwaji uzito.

Akizungumzia maandalizi yake kwa ujumla alisema, yupo tayari kwa kupanda ulingoni na anauhakika wakufanya vyema na kuacha ushindi mkoani humo ikiwa ni kama shukurani ya kumsapoti.

"Mimi nasubiri muda tu ufike nimepima UKIMWI nipo sawa na maandalizi pia nipo sawa sasa kilichobaki ni kusubiri muda wa kupanda ulingoni tu na kuweza kuchukua ushindi," alisema Cheka.

Naye kwa upande wake Nyilawila alisema, raundi hizo 10 ndio zitaamua nani mshindi kwani kama alivyosema hana kwa waida ya kupigwa ugenini hivyo nilazima aendeleze historia yake.

"Hata kama tukimaliza raundi zote lazima ni nyakuwe ubingwa hivyo raundi 10 zitaamua nani bingwa," alisema.

MAHAKAMA KUU KUANZA KUSIKILIZA KESI YA ALIYEKUA MGOMBEA URAIS WA BURUNDI.

2012-01-26T15:18:00.001+03:00

Na Grace Ndossa

MAHAKAMA Kuu kanda ya Dar es Salaam itaanza kusikiliza kesi ya kumshikilia aliyekuwa mgombea urais nchini Burundi Bw. Alex Sinduhije Febuari 6 mwaka huu.

Uamuzi huo ulitolewa jana mahakamani hapo na jaji Laurence Kaduri baada ya mawakili wakuu wa serikali Bw. Obed Kameya na Bw. Edwin Kakolaki walipofika mahakamani kwa ajili ya kuwakilisha mkuu wa jeshi la polisi (IGP) Ofisi ya mwanasheria Mkuu
wa serikali.

Wakili wa serikali Bw.Obed Kameya aliieleza mahakama kuwa walipata amri ya kuitwa mahakamani jana mchana, hivyo wanaomba wapewe muda wa siku saba ili waweze kujibu madai hayo.

Jaji Kaduri alikubalina na ombi hilo na kutoa muda wa siku saba wawe wamejibu kwa njia ya maandishi hadi 31 januari wawe wameshajibu.

Hata hivyo wakili anayemtetea Bw. Senduhiji Bw. Hurbet Nyange atatoa majibu ya nyongeza februari 3 mwaka huu.

Bw. Sinduhiji alikamtwa katika uwanja wa ndege wa Kimatifa wa Mwalimu Julias Nyerere kwa hati ya shirika la polisi la kimataifa la (Interpol)akitokea Uganda kluja Nchini na Januria 13 alifikishwa mahakamani kisutu lakini hakusomewa mashtaka.

Mtuhumiwa huyo alikamatwa na polisi na kushikiliwa na polisi kwa siku mbili mfululizo katika kituo cha polisi kati Dar es Salaam huku kukiwa hakuna maelezo yoyote kutoka serikalini na jeshi hilo kuhususababu za kukamtwa kwake.

Wakati akikamatwa na Interpol Bw. Sinduhiji alituhumiwa na serikali ya burundi kuhusika na mauaji ya mwakili wa shirika la afya la umoja wa Mataifa(WHO)Dkt KassiManlan raia wa Ivory coast na aliyekuwa mtumishi wake na pia mauaji ya halaiki ya katumba.

MAHAKAMA KUU KANDA YA DAR ES SALAAM KUTOA MAAMUZI JUU YA PINGAMIZI LA DOWANS.

2012-01-26T15:15:00.000+03:00

Na Grace Ndossa

MAHAKAMA Kuu Kanda ya Dar es Salaam, imesema itatoa uamuzi wa pingamizi lililowasilishwa na Kampuni ya Dowans la kuitaka mahakama hiyo isiwape Tanesco kibali cha kukataa rufaa Febuari 16 mwaka huu .

Amri hiyo ilitolewa mahakamani hapo jana na Jaji Fauz Twalib ambapo alieleza kuwa hawawezi kusikiliza kesi hiyo leo kwani Wakili wa Kampuni ya Dowans Bw. Kennedy Fungamtama ameshawasilisha pingamizi.

Pingamizi hilo la Dowans l;inahusu kupinga Tanesco wasipewe kibali kwani hukumu iliyotolewa hawawezi kukata rufaa kutokana na makubaliano waliyokubaliana kwenye mkataba.

Jaji Twaib alidai kuwa hataweza kusikiliza kesi hiyo hadi hapo watakaposikiliza pingamizi lilowasilishwa na Kampuni Dowans.

Awali baada ya hukumu kutolewa na mahakam kuu Tanesco iliwasilisha maombi yao kuomba kibali cha kukata rufaa kupinga hukumu iliyotolewa na Jaji Mushi ya kuitaka tanesco kusajili tuzo ya fidia ya sh bilioni 94 ya kampuni ya Dowans mahakama hiyo kwa njia ya maandishi

Kesi hiyo ambayo ilifunguliwa na wakili wa Dowans,Bw. Kennedy Fungamtama kwa ajili ya kuiomba mahakama hiyo iiweze kuisajili tuzo waliyoipewa Novemba 15 mwaka juzi na Mahakama ya Kimataifa na Usuluhishi wa Migogoro ya Biashara(ICC)

KATIBU MKUU TUCTA AWATAKA MADAKTARI KUTOKURUDI NYUMA KWA MADAI YAO.

2012-01-26T14:58:00.000+03:00

Na Rehema Maigala

KATIBU Mkuu wa Shirikisho la Vyama vya Wafanyakazi (TUCTA), Nicholaus Mgaya amewataka madaktari wasirudi nyuma katika maslahi ya kuomba haki yao mpaka pale kitakapoeleweka.

Akizungumza na madaktari katika ukumbi wa DonBosco jijini Dar es Salaam, jana Mgaya alisema kama madakatari wameamua kufanya mgomo wa kudai haki zao za msingi ni vizuri washirikiane kwa pamoja ili kupata matunda yaliyo bora.

"Hakuna maslahi yanayopatikana katika sahani ni lazima mpiganie kwa umoja wenu na muwahakikishe akuna hata mmoja kati yenu anayeenda kinyume na nyinyi"alisema Mgaya.

Aliongeza kuwa Kamati mlizoziunda akikisheni mnaziamini zisije baadae zikanunuliwa na serikali mkakosa pakulilia.

Alisema kuwa yupo tayari kufanya kazi na madaktari ila anachokiomba shughuli hizo zote ziendeshwe kwa kufuata sheria jinsi inavyosema ili tuzae matunda mazuri.

Hata hivyo Mgaya alisema kuwa halikuwa hana taarifa na mgomo wa madaktari ila amehujua kupitia katika magazeti.

"Nilikuwa sielewi chochote kinachoendelea katika Hospitali ya Taifa ya Muhimbili lakini nilivyosoma katika magazeti ndio nikajua na leo na nimeelezwa yote yanayowasibu"alisema Mgaya.

Vilevile alisema kuwa anajua kuwa Tanzania hakuna haki ya wafanyakazi wapo baadhi ya watu ndio wanaopewa haki kama vile wabunge lakini si mfanyakazi.

Hata hivyo Mgaya aliwambia madakatari kuwa watakapokuwa katika majadiliano na Serikali kuhusu haki zao wafikirie suala la kuludi kazini .

Madaktari waliposikia kauli hiyo waliipinga kwa kupiga makelele katika ukumbi huo.

Vilevile Ofisi ya Waziri Mkuu ilimtuma mwakilishi wake ambaye ni Mkuu wa Upelelezi wa Kanda maalumu ya polisi Dar es Salaam ili aje achukue hoja za msingi ili zipelekwe katika ofisi hiyo.

Hata hivyo madaktari hao walikataa na kudai kuwa hawataki mwakilishi yeyote mpaka waonane na Waziri Mkuu.

BENKI YA KCB YATOA MISAADA KWA HOSPITALI YA BUGURUNI NA CCBRT.

2012-01-26T14:48:00.000+03:00

Na Rehema Mohamed

BENKI ya KCB Tanzania imetoa msaada wa mbalimbali vya hospitali katika hospitali ya Buguruni na CCBRT vyenye zaidi ya thamani ya sh.milioni 22.3

Akikabidhi msaada huo Dar es Salaam jana katika hospitali ya Buguruni,Mwenyekiti wa Bodi ya Benki hiyo Dokta Edmund Mndolwa alisema hospitali ya Bunguruni ilipata vifaa vyenye thamani ya sh.milioni 8.8 na CCBRT sh.milioni 13.5.

Dkt.Mndolwa alitaja baadhi ya vifaa hivyo kuwa ni vitanda vya kufanyia upasuaji,Mashine za digitali za kupimia presha na meza ya kufanyia upasuaji wa macho.

Dkt.Mndolwa alisema benki yake inazingatia wajibu wakusaidia jamii inayoizunguka katika sekta ya elimu,mazingira,maafa na afya ili kupunguza umasikini nchini.

Alisema kuwa hivi karibuni benki hiyo pia ilitoa msaada wa vifaa mbalimbali vya hospitali katika hospitali ya Mwananyamala na Mkuranga wenye thamani ya zaidi ya sh.milioni 39.

Naye Mwakilishi wa Mganga Mfawidhi wa Hospitali ya Bunguruni Dkt.Mwanahawa Lesso aliishukuru KCB Tanzania kwa msaada huo na kusema kuwa bado wanahitaji msaada zaidi kutokana na uhitaji kuwa mkubwa.

Dkt.Lesso alisema inahudumia zaidi ya wananchi 7653 ambapo kwa siku hupokea wagonjwa kati ya 400 hadi 500.

"Hospitali hii hujiendesha kwa kutegemea fedha za ruzuku kutoka serikalini ambazo hazitoshi kulingana na idadi kubwa ya wagonjwa tunaowapokea,hivyo tunashukuru tunapopata misaada kama hii kutoka kwa wafadhili kwani inazuia pale panapokuwa na mapungufu"alisema Dkt.Lesso.

SERIKALI imeshauliwa kutimiza malengo ya Milenia

2012-01-26T14:43:00.003+03:00

Na Rehema Mohamed

SERIKALI imeshauliwa kutimiza malengo ya Milenia na mpango wa sera ya afya ili kupunguza vivyo vya watoto ambavyo vinavyoweza kuzuilika.

Hayo yamesemwa Dar es Salaam jana na Naibu Makamu Mkuu wa Chuo cha Afya na Sayansi Shirikishi Muhimbili (MUHAS) Profesa Eligius Lyamuya wakati akifungua semina ya wadau wa afya waliokuwa wakijadili hatua za awali za mradi wa kuhusisha jamii katika kupunguza vifo vya mama na mtoto Mkoani Morogoro.

Prof. Lyamuya alisema asilimia 47 ya vifo vya watoto nchini hutokea mwezi mmoja baada ya kuzaliwa kutokana na sababu mbalimbali ikiwemo baadhi ya watoto hao kuzaliwa wakiwa dhaifu.

Prof.Alisema kuwa baadhi ya wanawake hubeba mimba wakiwa na manonjwa ya kuambukiza kama Ukimwi hivyo wanaweza kuwaambukiza watoto wao kama hawajajijua mapema na kufuata sheria za afya.

"Utafiti huu utasaidia kuboresha afya ya Mama na Mtoto kwasababu vifo vingine husababushwa na matatizo ambayo wakati mwingine yanaweza kuzuilika, kama tutaweza kutimiza malengo ya milenia katika upande wa sekta ya afya tunaweza kupunguza vifo hivi "alisema Prof.Lyamuya.

Kwa upande wake Mkuu wa mradi huo Bw.ChristomLipingu alisema mradi huo utakuwa ukishirikisha jamii kuanzia ngazi ya chini ili waweze kuelewa masuala muhimu ya kuzingatia baada ya mtoto kuzaliwa ili kuimarisha afya yake pamoja na mama.

Bw.Lipingu alisema tatizo la vifo vinavyotokana na uzazi nchini bado ni kubwa licha ya serikali kupitia Wizara ya Afya na Ustawi wa Jamii kujitahidi kulipunguza.

Bw.Lipingu alisema wakati mwingine matumizi ya njia ya uzazi wa mpango kwa wanawake baada ya kujifungua zinasaidia kupunguza vifo hivyo ingawa ni wanawake wachache wanaofanya hivyo.

AZAM FC YAINYWESHA AFRICAN LYON 2-1

2012-01-26T12:45:00.001+03:00

Na Speciroza Joseph

TIMU ya Azam FC, jana ilitoka kifua mbele katika mechi ya Ligi Kuu Tanzania Bara baada ya kuichapa African Lyon, mabao 2-1 iliyopigwa Uwanja wa Chamazi nje kidogo ya Dar es Salaam.

Kwa matokeo hayo Azam imepanda hadi nafasi ya tatu katika msimamo wa ligi hiyo kwa kuwa na pointi 26, sawa na JKT Oljoro isipokuwa zimetofautiana kwa idadi ya mabao ya kufunga na kufungwa.

Katika msimao wa ligi hiyo, Simba inaongoza kwa kuwa na pointi 31 ikifuatiwa na Yanga yenye pointi 28.

Azama ndiyo iliyoanza kupata bao dakika ya 16, baada ya beki wa African Lyon kujifunga akiwa katika harakati za kuokoa shuti la Agrey Morris.

Baada ya bao hilo, African Lyon ilikuja juu na kusawazisha dakika ya 21 kupitia kwa Semmy Kesi, kwa shuti kali lililomshinda kipa wa Azam FC, Mwadini Ally.

Dakika ya 36, John Bocco aliipatia Azam bao la pili baada ya kuunganisha mpira wa kona iliyochongwa na Abdi Kassim 'Babi'.

Kipindi cha pili kilianza kwa timu zote kucheza kwa nguvu, huku kila moja ikijaribu kutafuta mabao, lakini mabeki wa pande zote walikuwa imara kuondoa hatari.

Azam iliwatoa Bocco, Jabir Azzi na Kipre Tchetche na nafasi zao kuchukuliwa na Gaudence Mwaikimba, Ibrahim Mwaipopo na Abdulhalim Humud.

African Lyon nayo iliwatoa, Hood Mayanga na Justine Anene na kuwaingiza Idd Mbaga na Hamis Thabit.

Mabadiliko hayo yaliiongezea kasi, African Lyon ambayo ilikuja juu na kufanya mashambulizi ya nguvu langoni mwa wapinzani wao lakini mshambuliaji wake, Sino Agustino dakika ya 87 alishindwa kufunga baada ya kupiga mpira nje akiwa katika nafasi nzuri ya kufunga.

Dakika ya 89, African Lyon ilifanya shambulizi lingine la nguvu lakini Razak Khalfan, aliachia shuti kali lililodakwa na kipa wa Azam.

'Wafanyabiashara Mbeya acheni kuibia serikali'

2012-01-25T08:38:00.002+03:00

Na Esther Macha, Mbeya

WAFANYABIASHARA wa Mbeya wameshauriwa kuacha kuibia serikali mapato baada ya kupangishwa na halmshauri na wao kupangisha watu wengine bila kulipa ushuru .

Halmashauri hiyo imetoa onyo kali na kusema kuwa yeyote atakae bainika kufafanya hivyo ataondolewa ili vyumba hivyo wapewe watu wengine ambao ni waaminifu na
ambao wako tayari kufanya biashara pamoja na kulipa ushuru kama inavyotakiwa.

Hayo yalisemwa mwishoni mwa wiki na Mkurugenzi wa Jiji la Mbeya Bw.Juma Iddi alipokuwa akizungumza na waandishi wa habari ofisini kwake.

Bw.Iddi alisema wamegundua mchezo mchafu unaofanywa na wafanyabiashara hao wanapopangishiwa vyumba na Halmashauri ya jiji kwa bei ndogo lakini wao hupangisha kwa wengine kwa gharama kubwa zaidi kitendo ambacho si cha kizalendo.

Alisema kitendo hicho ni kuiibia mapato serikali hivyo kwa yeyote atakaye bainika anafanya hivyo ataondolewa ili vyumba hivyo wapewe watu wengine ambao ni waaminifu na ambao wako tayari kufanya biashara pamoja na kulipa ushuru kama inavyotakiwa.

Alisema Serikali imekuwa ikiwapangisha kwa gharama ya shilingi 50,000 kwa chumba kimoja lakini wao hupangisha kwa watu wengine kwa zaidi ya shilingi 500,000 ambapo yule mtu ananufaika na kulipia gharama ndogo halmashauri huku yeye akivuna fedha nyingi.

“Natoa onyo kwa mfanyabiashara yeyote atakayebainika kufanya wizi huo tutamuondoa halafu tutamfikisha kwenye vyombo vya sheria kwa kuhujumu uchumi maana kama sisi tulimpangisha chumba kwa shilingi 50,000 iweje yeye apangishe kwa gharama kubwa,” alisisitiza Mkurugenzi.

Aliongeza kuwa wapo katika mpango wa kuandaa mikataba mipya ambayo watabaini wote ambao hawatakuwa wafanyabiashara na wanachukua vyumba ili wapate udalali kwa kuwapangisha watu wengine watawafukuza mapema ili kuongeza mapato kwa serikali.

Uchumi kwa waathirika wa vipodozi kushuka

2012-01-25T08:37:00.000+03:00

Na Esther Macha,
Mbeya

MKURUGENZI Mkuu Mamlaka ya chakula na dawa nchini (TFDA )Kanda ya Nyanda za Juu Kusini na Bw.Paul Sonda amesema mbali na athari za matumizi ya vipodozi vilivyopigwa marufuku kuna hatari ya uchumi kushuka kwa waathirika kutokana na gharama kubwa za matibabu
na wengine kupoteza maisha.

Alisema kuwa pia kuna hatari wengine kupata ulemavu wa maisha kwani hatua hiyo imekuja baada ya utafiti kuonesha bado baadhi ya wafanyabiashara wanavipitisha kwa njia ya panya.

Hayo yalibainishwa na Mkurugenzi huyo katika Mkutano Mkuu wa Madaktari wa Hospitali na Zahanati binafsi uliofanyika jiji hapa.

Bw.Sonda alisema kuwa watu wanaotumia vipodozi hivyo wanahatari kubwa ya kukumbwa na magonjwa ya kupoteza fahamu, kansa ya damu, kansa ya ini, ubongo, pia kwa akina mama wajawazito kujifungua watoto wenye
mtindio wa ubongo, muwasho mwilini na kunenepa kupita kiasi.
Hata hivyo Bw.Sonda amesikitishwa na kitendo cha wakazi wa Songwe ambapo vipodozi hivyo viliteketezwa baada ya kuchukua masalia ya vipodozi hivyo na kuvitumia.

Hivi karibuni Mamlaka ya Chakula na Dawa kwa kushirikiana na Mamlaka ya Mapato nchini waliteketeza vipodozi vyenye thamani ya sh.mil.129.

Vijana 1600 kupata ajira Namtumbo

2012-01-25T08:36:00.000+03:00

Na Muhidini Amri
Ruvuma

KAMPUNI inayojishughulisha na uchimbaji wa madini ya Uran ya Mantra Tanzania Ltd iliyopo Wilaya ya Namtumbo mkoani Ruvuma imesema itatoa ajira kwa vijana 1600 kutoka vijiji mbalimbali baada ya kupatiwa kibali cha kuanza kazi ya uchimbaji.

Hayo yamebainishwa hivi karibuni na Mjeolojia Mkuu kampuni hiyo Bw. Emanuel Nyamsika wakati alipokuwa akitoa taarifa mbalimbali kwa Kamati ya Ulinzi na Usalama ya Mkoa wa Ruvuma chini ya mwenyekiti wake Mkuu wa Mkoa huo Bw.Said Mwambungu waliotembelea eneo la mgodi wa madini hayo kwa lengo la kujiridhisha baada ya kupata malalamiko kutoka vijijini vilivyo jirani mgodi huo.

Alisema,licha ya kutoa ajira hizo kwa vijana,kampuni hiyo imeshaanza kutekeleza kwa vitendo agizo la serikali ya awamu ya nne kwa kuwahamisha wakazi wa vijiji jirani na mgodi huo kuanzisha vikundi vya kiuchumi na tayari imeshaanza kutoa fedha za
kuwawezesha wanavikundi hao kuifanya shughuli za maendeleo kama ufugaji wa kuku wa mayai na nyama.

Alisema,lengo la kufanya hivyo ni kutaka wananchi hao kunufaika na uwepo wa mgodi huo na pia kuunga mkono juhudi za serikali.

Alisema, mpaka sasa bado wanaendelea na kazi ya utafiti kwa eneo lote lilokusudiwa ambalo ni km za mraba 332,lakini wameshindwa kufanya utafiti wao kwa
eneo lote ilo kwa sasa na kufanikiwa kufanya utafiti wao kwa km za mraba 100.

"Tunategemea kuendelea na utafiti katika maeneo yaliyobaki baada ya kupata kibali cha kazi ya
uchimbaji,lengo letu ni kutaka kuyafikia maeneo yote ya mradi huu,hata kuongeza ukubwa wa eneo kwani tunaamini pori ili lina hazina kubwa ya madini ya
Uran,"alisema,

Pia ameiomba serikali,kusaidia upatikaji wa kibali cha uchimbaji ili waanze kutekeleza baadhi ya mipango yake ikiwemo ya ujenzi wa nyumba za watumishi katika
vijiji jirani na eneo la mgodi kwakuwa hairuhusiwi mtumshi kuishi kambini na familia yake.

Akizungumzia kuhusu uharibifu wa mazingira, Bw.Nyamsika aliwatoa shaka wajumbe wa kamati ya ulinzi na kusema kuwa watakuwa na utaratibu wa kufukia mashimo hayo ,na kupanda nyasi na baadhi ya mimea itakayosaidia kurudisha maeneo hayo katika hali yake ya
kawaida.

Kampuni zashauriwa kujiunga na 'Bacordes'

2012-01-25T08:34:00.000+03:00

Na Agnes Mwaijega

KAMPUNI na wazalishaji wa bidhaa mbalimbali nchini wametakiwa kujiunga na mfumo mpya wa kuweka alama za utambulisho za mistari 'Bacordes' katika bidhaa zao ili kuongeza kiwango cha manunuzi ya bidhaa hizo.
Akizungumza Dar es Salaam jana katika Mkutano Mkuu wa Taasisi ya GS1 (TZ) National Limited, Katibu Mkuu wa Wizara ya Viwanda na Biasahara Bi.Joyce Mapunjo alisema kwa muda mrefu bidhaa zinazotengenezwa nchini zimekuwa zikitumia 'Bacordes' za nchi zingine hivyo kuifanya nchini yetu kushinwa kujulikana.

Alisema mfumo huo ni muhimu na utasaidia uchumi wa nchi kukua na bidhaa zinazotengenezwa nchini kuweza kutambulika duniani kote.

Alisema mfumo huo pia utasaidia kupunguza na kudhibiti wizi wa bidhaa unaofanywa na watu mbalimbali hivi sasa.

"Mfumo huu umewezesha nchi nyingi zilizoendelea kuwa na mafanikio makubwa kiuchumi na kuwaongezea kipato wafanyabiasahara," alisema.

Aliongeza kuwa mfumo huo pia utasaidia kupunguza gharama za uendeshaji wa biashara nchini na kuwajengea mazingira bora wafanyabiashara na wazalishaji wa bidhaa mbalimbali.

Hata hivyo alitoa mwito kwa taasisi hiyo kuhakikisha inahamasisha uzalishaji wa bidhaa bora na zenye tija kwa maendeleo ya taifa na wafanyabiashara kwa ujumla.

Alisisitiza kuwa mfumo huo uendelee kufanyiwa utafiti zaidi ili uweze kuleta mafanikio makubwa katika sekta ya uchumi nchini.

2012-01-25T08:32:00.000+03:00

Makamu wa Rais wa Jamhuri ya Muungano wa Tanzania, Dkt. Mohamed Gharib Bilal, akiangalia ukuta unaozuia maji ya Bahari kuingia kwenye makazi ya watu ulivyobomoka kutokana na mawimbi makali katika Mji wa Pangani Kivukoni, wakati wa ziara yake mkoani Tanga jana, ukuta huo ulijengwa miaka 100 iliyopita, kubomoka kwa ukuta huo kunatishia usalama wa wakazi wa eneo hilo. (Picha na Muhidin Sufiani-OMR)

2012-01-25T08:26:00.000+03:00

Na Rachel Balama

NAIBU Waziri wa Viwanda na Biashara Lazaro Nyarandu amesema kuwa nchi haiongozwi kwa wizi, ufisadi bali inaongozwa kwa kufanyakazi kwa bidii na ataendelea kuchapa kazi si kwa kutafuta urais bali kwa kujitolea ili kumsaidia rais na kutekeleza ilani ya Chama cha Mapinduzi.

Ataka makundi yanayorumbana na kuchafuana ndani ya CCM kwa kutafuta urais wa mwaka 2012 kusubiri kwa kuwa muda wa kufanya hivyo bado haijafika na kuwataka wafanye kazi.

Ameyataadharisha makundi hayo kwamba yeye hana nia na wala hataki kugombea urais hivyo hakuna haja ya Tanzania kuwa na makundi ya kisiasa kwa lengo la kutafuta urais.

"Sifanyikazi kwa kutafuta sifa ya kuwa mgombea urais mwaka 2015 ila nafanyakazi kwa kuwa rais aliniteua ili nimsaidie katika baadhi ya majukumu na nitafanya hivyo ili kutekeleza ilani ya CCM.

"NIlipewa nafasi ya unaibu waziri na rais si kwa ajili kwamba hapo baadaye nije kuwa rais hapana nafanyakazi ili kutekeleza ilani ya chama changu kwa kujua kwamba nawatumikia watanzania wenzangu.

Alisema hawezi kukaa bila kuzungumza na mtu yoyote hapa nchini eti kwa kuonekana kwamba yupo kundi fulani, wenye nia ya urais wasubiri.

Bw. Nyarandu alikanusha habari kwamba anafadhiliwa na marekani ili awe rais na kuongeza kwamba wanaomzushia wana lengo la kumchafulia jina kwa kuwa wanadhani kwamba yeye ni miongoni mwa wagombea urais..

Ataka watanzania wote bila kujali itikadi kufanyakazi kwa bidii, ubunifu ili kuwa sehemu ya nchi inayopiga hatua kimaendeleo.

Awataka wanasiasa wa CCM kutekeleza ilani ya chama chao kwa vitendo na kusimamia utekelezaji wa ilani hiyo na kuachana na siasa za makundi kwa kutojengeana chuki.

Kuhusu umeme

Alisema kuwa athari za kupanda kwa bei ya umeme hakuwezi kuwafanya wawekezaji kuondoka kama ambavyo nchi isingekuwa na umeme kabisa hata hivyo umeme umepanda kwa muda.

ALisema kuwa umeme umepanda kutokana na tatizo la upatikanaji wa umeme ni kubwa lakini serikali inajitahidi kuwekeza vya kutosha kuzalisha umeme kwa wenye viwanda na majumbani.

Alisema kuwa japo bei imepanda lakini serikali inajitahidi kuhakikisha umeme unapatikana muda wote na tayari Tanzania itakuwa ni nchi inayozalisha umeme wa makaa ya mawe.

Ubinafsishaji

Alisema kuwa kuna baadhi ya viwanda mfano wa kiwanda cha korosho ambacho kimekufa, serikali inaangalia mikataba mipya na kama kuna ulazima wa viwanda hivyo vitarudishwa kwa uuma.

Kwa upande wa vile vilivyobadilisha matumizi sio tatizo ili mradi waongeze mitaji yao.

Kuhusu kiwanda cha General Tyre kilichopo Arusha, alisema kiwanda hicho kilikuwa ni muhimili mkubwa wa viwanda mkoani Arusha na serikali imesikika kwa kiwanda hicho kufungwa.

Hata hivyo kwa kutambua umuhimu wa kiwanda hicho kitafunguliwa na kitamilikiwa na SHirika la MAendeleo la Tifa(NDC) ambapo pia atatafutwa mbia atakayefanya kazi na shirika hilo.

Alisema kiwanda hivho kitaanza kazi mara baada ya taratibu zote kukamilika.

ALisema shirika la NDC lina uwezo wa kutekeleza majukumu yote na tayari limeashaanza mradi wa kuchimba na kuyeyusha chuma cha pua katika eneo la linganga na limekwisha saini dola bilioni tatu.

ALisema katika mradi hyo yale mabaki ya makaa ya mawe yuatatumiaka kutengeneza umeme wa megawati 600 ambapo alisema kuwa katika mradi huo hakutakuwa na ufisadi wa aina yoyote

Kuhusu bidhaa feki

Alisema kuanzia Januari mwaka huu serikali imeamua kukagua bidhaa kabla hazijaingia nchini kupitia shirika la viwango nchini tbs.

Alisema ni vyema wazalishaji wa bidhaa zozote nchini ni lazima wapate vibari kutoka TBS ikiwani ni pamoja na matuta ya barabarani ambayo ni lazima yawe na viwango

Ajira

Alisema kuwa katika viwanda vingi hapa nchini wazalishaji wake ni vibarua amabo hawana mikataba ya kudumu lakini serikali imeliona hilo na sheria za kazi zipo wazi.

Aliwataka watanzania kupewa fursa kwa kazi ambazo wanaziweza na utofauti uwepo kwenye zile kazi zenye utaalamu wa kutosha.

CAF yairudishia TFF mzigo wa Simba, Yanga

2012-01-25T08:24:00.000+03:00

Na Zahoro Mlanzi

SHIRIKISHO la Mpira wa Miguu Afrika (CAF), limesema halina matatizo na mechi za marudiano za kimataifa za Simba na Yanga, kusogea mbele ila Shirikisho la Mpira wa Miguu Tanzania (TFF), lizungumze na vyama vya soka vya nchi husika.

Hatua hiyo ya CAF, imekuja baada ya TFF kuiandikia barua kuomba mechi hizo zisogee mbele kutokana na Februari 29, timu ya Taifa (Taifa Stars) itaumana na Msumbiji katika mechi za mchujo wa kuwania kufuzu Mataifa ya Afrika kwa 2014.

Simba na Yanga zilipangwa kucheza mechi zao za marudiano dhidi ya Kiyovu ya Rwanda na Zamaleki ya Misri kati ya Machi 2,3 na 4 mwaka huu.

Akizungumza Dar es Salaam jana, Ofisa Habari wa shirikisho hilo Boniface Wambura, alisema juzi wamepokea taarifa kutoka CAF ikielekeza kwamba wao hawana tatizo na mechi hizo, kusogea mbele ila wanapaswa wazungumze na wahusika kuona kama inawezekana.

“Tunashukuru CAF wamekubali katika hilo, ila tunapaswa kuzungumza na FA ya Misi na Rwanda juu ya jambo hilo na tayari tumeshawatumia barua ya maombi, hivyo tunasubiri majibu yao kuona itakuwaje,” alisema Wambura.

Alisema sababu kubwa ya kuomba mechi hizo zisogee mbele ni kutoa nafasi kwa wachezaji wa timu hizo, kupata muda wa kupumzika ili pia wapate muda mzuri wa kuzitumikia timu zao kama mechi hizo zitasogea mbele.

Wambura alisema mechi ya Taifa Stars itapigwa Februari 29 alafu Machi 2, 3 au 4 wachezaji hao hao wanatakiwa kwenda kucheza mashindano mengine makubwa kitu ambacho si kizuri, hivyo kama zitasogezwa mbele itakuwa vizuri zaidi.

Katika hatua nyingine, Wambura alisema Kamati ya Mashindano iliyokutana juzi kujadili mambo mbalimbali yanayohusu Ligi Kuu Bara, imeamua kubadili baadhi ya michezo ya ligi hiyo.

Aliitaja baadhi ya michezo hiyo ni uliokuwa wa Toto African ya Mwanza dhidi ya African Lyon uliotakiwa kufanyika Februari 5, mwaka huu sasa utapigwa Aprili 18 na ule wa Aprili 18 kati ya Villa Squad na Lyon sasa utapigwa Aprili 22, mwaka huu.

MOTO wateketeza Nyumba na Baa katika maeneo tofauti jijini

2012-01-25T08:21:00.000+03:00

Zourha Malisa

MOTO wateketeza Nyumba na Baa katika maeneo tofauti jijini Dar es Salaam ikiwemo Bw. Anna Lusiba (52),mkazi wa Mikocheni B, moto kuzuka ghafla.
Akizungumza na Majira Dar es Salaam jana, Kamanda wa Mkoa wa kipolisi Kinondoni Charles Kenyela, alisema tukio hilo limetokea eneo la Mikocheni B, kwenye nyumba ya vyumba 3 yenye plot namba 227.

Alisema moto huo uliozuka ghafla uliteketeza nyumba hiyo pamoja na mali zilizokuwemo ndani ikiwemo bastola na risasi 50 ambazo ni mali ya mpangaji wake, ambaye ni mfanyabiashara Bw. Michael Kufrey (62), raia wa Ufaransa.

"Moto ulizimwa na kikosi cha zimamoto na hakuna madhara zaidi kwa binadamu na upelelezi unaendelea,"alisema kamanda Kenyela.

Katika eneo la Kiwalani Relini katika baa iitwayo Gombero mali ya Afisa Uhamiaji Bw. Hussein Mayeto (50), mkazi wa Buza Kipera.

Kamanda wa Mkoa wa kipolisi Ilala, Faustine Shilogile, alisema tukio hilo lilitokea juzi katika ukumbi wa baa hiyo uliojengwa kwa makuti moto uliwaka ghafla na kuteketeza ukumbi huo pamoja na viti na meza.

Alisema chanzo cha moto huo bado hakijafahamika na hakuna madhara kwa binadamu na thamani ya vitu hivyo bado haijafahamika.

Wakati huo huo gari yenye namba za usajili T 774 ATY aina ya Honda ilikamatwa ikiwa na viroba 13 vya dawa za kulevya aina ya bangi.

Kamanda wa Mkoa wa Kipolisi Temeke,David Misime, alisema gari hilo ilikamatwa eneo la Kongowe na askari wa doria walipoitilia mashaka gari hiyo na kuisimamisha kwa ajili ya kuipekuwa ndipo walipokuta dawa hizo.

Alisema baada ya gari kusimamishwa dereva wa gari hilo aliruka na kukimbia, gari hilo pamoja na viroba vya dawa hizo vimehifadhiwa katika kituo cha polisi Mbagala na jitihada za kumtafuta dereva huyo zinaendelea.

2012-01-25T08:19:00.000+03:00

Wasukuma mikokoteni wakiwa wameketi juu ya mikokoteni, wakati wakisubiri mizigo kando ya Barabara ya Mosque, Dar es Salaam jana. wingi wa vyombo hivyo katikati ya jiji kunachangia msongamano barabarani. (Picha na Charles Lucas)

MAHAKAMA Kuu Kanda ya Dar es Salaam-yatoa Amri

2012-01-25T08:10:00.002+03:00

Na Rehema Mohamed

MAHAKAMA Kuu Kanda ya Dar es Salaam imetoa amri ya kuitaka ofisi ya Mwanasheria mkuu wa serikali na ofisi ya Mkuu wa Jeshi la Polisi (IGP) kufika mahakamani hapo kwa ajili ya kuieleza Mahakama hiyo uhalali wa kumkamata na kumshikilia aliyekuwa mgombea urais nchini Burundi Bw.Alex Sinuhnje (46).
Amri hiyo ya mahakama imetolewa jana mahakamani hapo na Jaji Lowlance Kaduli iku moja baada ya wakili anayemtetea Bw.Sinduhnje,Bw.Hurbet Nyange juzi kuwasilisha ombi linalotaka mahakama hiyo itowe amri ya kuachiwa huru kwa mteja wake.

Jaji Kaduli alitoa amri hiyo akitaka wawakilishi wa ofisi hizo kufika mahakamani hapo saa 3 asubuhi leo kwa ajili ya kutoa maelezo hayo.

Ombi lililowakilishwa Mahakamani hapo juzi na Bw.Nyange ni namba 7/2012 ambapo Bw.Sinduhnje anamshitaki Mkuu wa Jeshi la polisi (IGP) na Mwanasheria Mkuu wa serikali kwa kile anachodai kuwa mteja wake ameshikiliwa kwa muda wa siku 14 bila ya kufikishwa mahakamani.

Habari kutoka nje ya mahakama kutoka kwa wakili wake Bw.Nyange zilidai kuwa Bw.Sinduhnje aliwaeleza polisi kuwa yeye ndiye aliye andika habari za kifo cha Dokta Kassy Leopad wa Shirika la Afya Duniani (WHO) akiwa kama mwandishi wa habari za uchunguzi na kusababisha watuhumiwa wa mauwaji hayo kukamatwa

Alidai kuwa wakati mauwaji hayo yanatokea Novemba mwaka jana yeye alikuwa nchini Ufaransa.

Hata hivyo Bw.Nyange alidai kuwa kwa kawaida serikali ya Burundi ilipaswa kuleta ushahidi wa kuonesha kuwa Bw.Sinduhnje ni mshtakiwa nchini humo jambo ambalo halikufanyika licha ya kukamatwa nchini.

Alidai kuwa yeye kama wakili wake amepata mkanda wa video kutoa nchini Burundi unaoeleza kuwa serikali ya nchi hiyo haikutoa maelekezo ya mteja wake kukamatwa kama ilivyofanyika.

Januari 13 mwaka huu ,Bw.Sinduhnje alifikishwa katika maabusu ya Mmahakama ya Hakimu Mkazi Kisutu lakini hakupandishwa kizimbani na kusomewa mashtaka ya mauwaji aliyodaiwa kukabiliwa nayo.

2012-01-25T08:09:00.000+03:00

Mshambuliaji wa Tunisia, Youssef Msakni (kushoto) akimtoka beki wa Morocco, Badr El Kaddouri wakati wa mechi za Kundi C za fainali za Mataifa ya Afrika, iliyofanyika juzi Uwanja wa Stade De L'Amitie,Libreville, Gabon.Tunisia ilishinda mabao 2-1.(Picha na AP).

2012-01-24T10:56:00.000+03:00

Dkt. Bilal
Makamu wa Rais, Dkt. Mohammed Gharib Bilal, akizungumza na wanafunzi wa Shule ya Sekondari ya Wasichana ya Ilulu, mkoani Lindi, baada ya kuzindua rasmi, Bwalo la shule hiyo, wakati wa ziara ya kukagua miradi ya Maendeleo ya Mkoa huo juzi. (Picha na Muhidin Sufiani-OMR)

Equatorial Guinea waitia nguvu Gabon

2012-01-24T10:52:00.000+03:00

LIBREVILLE, Gabon

USHINDI ilioupata Equatorial Guinea dhidi ya Libya umewatia matumaini wenyeji wenzao Gabon katika mashindano ya Kombe la Mataifa ya Afrika 2012.

Kumekuwa na usemi kuwa "kama Equatorial Guinea imeweza, sisi wa wa-Gabon tunaweza pia”, wakimaanisha ushindi wa Nzalang wa bao 1-0 dhidi ya Libya katika Uwanja wa Bata Jumamosi ambapo Gabon ilianza mechi yake ya kwanza dhidi ya Niger mjini Libreville.

Kutokana na nchi hizo kuwa karibu na utamaduni wao kufanana wa- Gabon walikuwa wakiishangilia Equatorial Guinea dhidi ya mahasimu wao kutoka Kaskazini.

Equatorial Guinea maarufu kama Nzalang Nacional, imekuwa na mshikanano na kucheza soka ya kufurahisha, ilishinda bao 1-0 na kufanya mashabiki wa Gabon kufurahi kwa kushangilia.

Ushindi huo ulikuwa ukiwapa matumaini kuwa wao pia wanaweza kufanya vizuri katika mechi yao ya jana dhidi ya Niger katika Uwanja wa d’Amitie mjini Libreville.

Gabon wanashiriki mashindano ya Afrika kwa mara ya tano ikiwa ni timu ya Ukanda wa Afrika ya Kati ambao timu kama Cameroon na Kongo zimekuwa zikitawala.

Coach Gernot Rohr aliwataka wachezaji wake katika mkutano wa Jumapili waoneshe mfano mzuri kama wa Equatorial Guinea na kuwataka kujifunza kutokana na kupoteza mechi kwa timu kubwa kama Senegal iliyofungwa Zambia akawataka kuwa makini na kutowadharau wapinzani wao ambao wanashiriki mashindano hayo ambayo ni ya 28 kwa mara ya kwanza.

Kocha Sudan adai wasiwasi uliwaponza

2012-01-24T10:51:00.000+03:00

LIBREVILLE, Gabon

KOCHA wa Sudan, Mohamed Abdalla ametaja sababu kubwa iliyochangia timu yake kufungwa bao 1-0 dhidi ya Ivory Coast ni kucheza kwa wasiwasi dhidi ya wapinzani wao.

Kwa mujibu wa mtandao wa Goal, Ivory Coast ambayo inapewa nafasi ya kutwaa ubingwa wa AFCON, waliwafunga Sudan bao 1-0 katika mechi iliyopigwa Malabo ambapo bao liliwekwa kimiani na Didier Drogba dakika ya 39 kwa kichwa.

"Kucheza na timu kama ya Ivory Coast ikiwa na nyota wake wote na ikiwa inapewa nafasi ya kutwaa ubingwa katika fainali, tulikuwa na wasiwasi.

Abdalla alisema kuwa kwa sasa timu yake inawaza kuhusu mechi ijayo dhidi ya Angola ambayo itachezwa Alhamisi.

"Ninainoa timu ambayo inawachezaji vijana na wasio na uzoefu. Sijasikitishwa na uchezaji wa wachezaji. Lakini haina maana kuwa nimeridhishwa na matokeo. Tutarejea kazini kwa ajili ya mechi ijayo.”

Kuutokana na Angola kushinda bao 2-1 dhidi ya Burkina Faso, Sudan imejikuta ikiwa na mwisho kwenye Kundi B ikiwa haina pointi sawa na The Stallions, wakati Ivory Coasti ikiwa na pointi tatu sawa na Angola.

Kocha Libya asikitika kupoteza mechi

2012-01-24T10:49:00.002+03:00

MALABO, Equatorial Guinea

KOCHA wa Libya, Marcos Paqueta amesema itakuwa vigumu kutosikitika baada ya kupoteza mechi kwa kufungwa bao 1-0 dhidi ya Equatorial Guinea katika Kombe la Mataifa ya Afrika, Jumamosi.

Mchezaji Javier Balboa alifunga bao pekee kwa wenyeji huku ikiwa zimesalia dakika nne, ambapo aliwainua mashabiki wenyeji waliokuwa na hamu kubwa ya kushangilia huku Libya wakisikitika.

"Tulianza vizuri sana na walikuwa katika udhibiti wetu. Ghafla timu ilijisahau na kuachia mpira. Tulimiliki mpira kipindi cha pili na walifunga bao lao kwa shambulizi la kushitukiza," Paqueta aliiambia Cafonline.

"Sisi tulijua itakuja kuwa vigumu kucheza dhidi ya wenyeji na umati mkubwa ukiwa nyuma yao. Sio mwisho wa hadithi kuna mechi nyingine mbili zaidi mbele."

Kocha huyo kutoka Brazil alikiri kuhusu kupatwa na mshtuko kwa kupoteza mechi na kufanya safari yao ya kutaka kufuzu hatu ya mtoano kuwa ya mashaka.

"Kama unapoteza mechi ya ufunguzi, mara nyingi ni vigumu kwenda mbele. Hii ilikuwa ni mechi muhimu kwa ajili ya kufuzu kwa raundi ya pili," alisema.

Alisema watacheza kwa kujituma ili kushinda mechi nyingine zijazo licha kwamba kundi lao lina timu ngumu.

Libya katika mechi ijayo itapambana na Zambia kesho, na kisha itachuana na Senegal siku nne baadaye.

Kocha Zambia ajiamini kuifunga Senegal

2012-01-24T10:47:00.003+03:00

MALABO, Equatorial Guinea

KOCHA wa Zambia, Herve Renard ameanza kujiamini baada ya kuona timu yake ya Zambia ikiibuka na ushindi wa mabao 2-1 dhidi ya Senegal katika mechi yao ya kwanza ya Kombe la Mataifa ya Afrika Jumamosi.

Zambia ilifunga mabao mawili ya kuongoza katika mechi ambayo yaliwekwa kimiani na Emanuel Mayuka na Rainford Kalaba katika kipindi cha kwanza.

Senegal ilirudisha bao moja kupitia kwa Dame N'Doye, lakini hakuweza kubadilisha matokeo kwani mechi iliisha kwa Zambia kuibuka na ushindi wa mabao 2-1.

Renard alisema Zambia ilivuruga mipango ya wapinzani wao.

"Sisi tulijua fursa ya kufunga ilikuwa kucheza nyuma ya mabeki wao, kwa sababu wana nguvu sana katika mipira ya juu," Renard alisema.

"Sisi tulifanya hivyo kwa ukamilifu katika nusu ya kwanza."

Alipoulizwa juu ya matokeo kuwashangaza watu wengi, Renard alisema upande wake ulikuwa na ujasiri wa kwenda katika mechi dhidi ya moja ya timu zinazopewa nafasi kutwaa ubingwa katika mashindano hayo.

"Haikutushangaza. Ni matokeo yaliyotokana na kufanya kazi ngumu. Sisi tulijua tulikuwa na uwezo wa kufanya hivyo," alisema.

Zambia katika mechi yao ijayo ya Kundi A itacheza na Libya kesho.

Mshambuliaji Burkina Faso ahangaika kujiweka sawa

2012-01-24T10:47:00.000+03:00

LIBREVILLE, Gabon

KOCHA wa Burkina Faso, Paulo Duarte amesema kuwa mshambuliaji, Alain Traore anahangaika kujiweka fiti kwa ajili ya michuno ya Kombe la Mataifa ya Afrika 2012 iliyoanza Jumamosi.

Mchezaji huyo mwenye miaka 23 anakipiga katika timu ya Auxerre, ni muhimu katika timu yake ya taifa na kocha wake amekuwa na mashaka juu ya kukosekana kwake.

"Alain Traore amekuwa akipambana na umajeruhi ambao umemweka nje ya uwanja kwa zaidi ya siku nne. Bahati mbaya kwa kuwa hii imeathiri uchezaji wake alisema," Duarte wakati akizungumza na Sidwaya.

"Ninatumini anarejea na kuwa fiti haraka na si kuwa katika asilimia 50 hadi 60. Kitu cha muhimu zaidi kwake ni kuendelea na mazoezi."

Burkina Faso iko katika Kundi B sambamba na Sudan, Angola na Ivory Coast ambayo inapewa nafasi ya kutwaa ubingwa. Burkina Faso ilifungwa mabao 2-1 katika mechi yake ya kwanza dhidi Angola mjini Malabo.

Traore ndiye alifunga bao pekee la Burkina Faso baada ya kuchezeshwa akiwa hajawa fiti kabisa.

2012-01-24T10:46:00.000+03:00

Kocha Polisi afurahia ushindi

Na Speciroza Joseph

KOCHA wa Polisi Dodoma, Rashid Chama amefurahia matokeo ya ushindi katika mechi yake, dhidi ya JKT Ruvu na kupanga kuendeleza ushindi ili kuiweka timu hiyo katika nafasi nzuri.

Polisi Dodoma juzi ilipata ushindi wake wa ugenini kwa kuifunga JKT Ruvu bao 1-0 katika mechi ya Ligi Kuu iliyochezwa katika Uwanja wa Chamazi, Dar es Salaam ushindi ambao umeiongezea pointi tatu na kufikisha pointi 12, ikiwa imevuka nafasi moja kutoka 13 hadi 12.

Akizungumza mara baada kumalizika kwa mchezo huo, Chama alisema matokeo hayo yametokana na kujituma na jitihada za wachezaji wake kwa kujua majukumu yao.

“Kupata ushindi wa ugenini ni furaha kwangu hii imetokana na kila mchezaji kujua majukumu yake, nitahakikisha hali ya ushindi inaendelea katika mechi zote za ligi,” alisema Chama.

Aliongeza kuwa hana muda mrefu tangu aanze kukinoa kikosi hicho, hivyo atatumia muda uliobaki kuhakikisha timu hiyo inakaa katika nafasi nzuri kwenye msimamo wa ligi hiyo.

Kocha huyo alisema wachezaji wote wapo katika hali nzuri kwa kuwa wamepata mazoezi ya kutosha na mbinu za kuhimili kumalizia mzunguko huu katika nafasi nzuri.

Doreen kushiriki mkutano wa uchumi duniani

2012-01-24T10:44:00.000+03:00

Mwandishi wetu

NYOTA imeanza kung’ara kwa mbunifu wa mavazi anayekuja juu kwa kasi nchini, Doreen Estazia na lebo yake ya Estado Bird baada ya kualikwa kuhudhuria mkutano wa kujadili masuala ya Uchumi duniani (World Economic Forum) utakaonza kesho mjini Devos –Klosters, Uswisi.

Doreen ambaye mwishoni mwa mwaka jana aliibuka na mavazi yaliyojulikana kwa jina la What’s Your Freedom (WYF?) kwa ajili ya kuadhimisha miaka 50 ya Uhuru wa Tanzania Bara alisema amealikwa kama mjasiriamali katika masuala ya ubunifu wa mavazi na atakuwa chini ya Global Shapers.

Alisema hii ni faraja kubwa kwake, kwani kipaji chake ndicho kimempa nafasi hiyo na kuwa mbunifu wa kwanza nchini kushiriki katika mkutano huo mkubwa.

Alifafanua kuwa sekta ya ubunifu wa mavazi, inajulikana kimataifa kwani mbali ya kupromoti nchi nje ya mipaka pia ni vivutio vya utalii kwa upande wa mavazi.

“Nashukuru kupata nafasi hii na nitaiwakilisha vyema Tanzania, hii ni fursa pekee ya kujitangaza kimataifa na hasa ikizingatiwa kuwa nimeanza kujihusisha na masuala ya ubunifu mwaka mmoja uliopita,” alisema kabla ya kuondoka juzi usiku.

Alisema ameanza kupata mwanga wa mafanikio na lengo lake kubwa ni kufikia hatua ya juu kabisa katika masuala ya ubunifu wa mavazi na wala si viginevyo.

Mchakato uchaguzi CHANETA kuanza Oktoba

2012-01-24T10:43:00.000+03:00

Na Amina Athumani

MCHAKATO wa Mchaguzi Mkuu wa Chama cha Netiboli Tanzania (CHANETA), unatarajia kuanza Oktoba mwaka huu.

Kwa mujibu wa taarifa iliyotolewa na CHANETA, fomu za kuwania nafasi mbalimbali za uongozi zitaanza kutolewa mwanzoni mwa Oktoba, huku uchaguzi ukitarajiwa kufanyika Desemba mwaka huu.

Akizungumzia mchakato huo Katibu Mkuu wa CHANETA, Rose Mkisi alisema chama hicho kitapata viongozi wapya mwishoni mwa mwaka huu, hivyo wadau wanaotaka kuwania nafasi mbalimbali za uongozi wajitokeze mara baada ya kutangazwa mchakato wa uchaguzi huo.

CHANETA ambayo Mwenyekiti wake Anna Bayi, anayemaliza muda wake, alitangaza dhamira kutogombea uongozi katika uchaguzi ujao ili kutoa nafasi kwa wadau wengine, wenye uchu wa maendeleo waweze kuongoza.

Viongozi wengine wanaomaliza muda wao katika chama hicho ni Makamu Mwenyekiti Shy-rose Banji, Katibu Mkisi, Mhazini Rose Kisiwa na Wajumbe ni Damian Chonya Marry Protus.

2012-01-24T10:40:00.000+03:00

TFF yaomba makato U/Taifa yapungue

2012-01-24T10:38:00.002+03:00

*Twiga Stars kukipiga Wabunge

Na Zahoro Mlanzi

SHIRIKISHO la Mpira wa Miguu Tanzania (TFF), limeiandikia barua serikali kuomba ipunguze gharama za Uwanja wa Taifa, Dar es Salaam katika mechi ya marudiano kati ya timu ya taifa ya wanawake (Twiga Stars) na Namibia, itakayochezwa Januari 29, mwaka huu.

Mbali na hilo, timu hiyo inatarajia kushuka uwanjani Alhamisi kuumana na Wabunge wa Bunge la Jamhuri wa Muungano wa Tanzania, katika mechi ya hisani itakayochezwa kwenye Karume, Dar es Salaam.

Akizungumza Dar es Salaam jana, Ofisa Habari wa shirikisho hilo Boniface Wambura, alisema wameiandikia barua serikali kupitia Wizara ya Habari, Vijana, Utamaduni na Michezo waondoe gharama za uwanja kama moja ya msaada wao katika mechi hiyo.

"Unajua kuutumia uwanja ule ni gharama sana, sasa sisi tunaomba watuondolee gharama za usafi, ulinzi ambazo zinakaribia sh. milioni 1, zile za kuwalipa wachina ambazo karibu sh. milioni 2, kuna asilimia 10 ya uwanja na maandalizi ya uwanja," alisema Wambura.

Pia Wambura aliongeza kwamba, timu hiyo Alhamisi itacheza na wabunge katika mchezo maalumu wa hisani kwa ajili ya kutafuta fedha, zitakazoisaidia timu hiyo kujiandaa na mechi yao dhidi ya Namibia.

"Hilo kama shirikisho tumelikubali na mechi hiyo itapigwa Alhamisi kwenye Uwanja wa Karume, Dar es Salaam na baada ya mchezo huo wabunge watatoa walichonacho na hiyo itakuwa ni moja ya msaada kwa timu na pia kucheza nayo itawasaidia wachezaji wa Twiga, kujiweka sawa," alisema.

Alisema bado wanasisitiza kampuni na taasisi mbalimbali kujitokeza kwa wingi kuisaidia timu hiyo, katika maandalizi yake licha ya kwamba baadhi ya wadau wa soka wameshaanza kujitokeza, lakini misaada bado haitoshi.

Twiga Stars katika mechi ya marudiano inahitaji ushindi au sare ya aina yoyote, ili kusonga mbele hatua inayofuata ambapo itakutana kati na Misri au Ethiopia.

Mechi ya kwanza iliyopigwa Winghoek, Namibia Twiga ilichomoza na ushindi wa mabao 2-0, mabayo yaliyofungwa na Mwanahamisi Omari na Asha Rashid.

Yanga yaipa ahuweni Azam FC

2012-01-24T10:36:00.000+03:00

Na Speciroza Joseph

KOCHA Mkuu wa Azam FC, Stewart Hall amesema sare waliyoipata Yanga ya maboa 2-2 dhidi ya Moro United, imempa matumaini ya kukaa nafasi za juu kwenye msimamo wa Ligi Kuu Bara kwa kuwa uwiano wa pointi unazidi kupungua.

Kocha huyo alisema hayo Dar es Salaam jana katika mazoezi ya kikosi hicho yaliyofanyika Uwanja wa Chamazi, kuwa matokeo hayo yamepunguza kazi kwa kuwa Yanga ni moja ya timu iliyoko juu na kupoteza kwao pointi mbili, kunaipa nafasi timu yake kuweza kukaa katika nafasi hiyo.

Azam FC kesho itacheza mechi yake ya kwanza katika mzunguko huu wa lala salama dhidi ya African Lyon kwenye uwanja huo, kama watashinda watakuwa nafasi ya tatu sawa JKT Oljoro, hivyo kupishana na Yanga kwa pointi mbili.

"Matokeo ya Yanga yana manufaa kwa Azam kwa kuwa tofauti ya pointi zinapungua, hivyo tunahitaji kushinda michezo ijayo ili kuwa katika nafasi za juu,” alisema.

Aliongeza kuwa mbali na Yanga, wanaingalia pia, JKT Oljoro ambayo imeshashinda mechi yake ya kwanza na kuvuka nafasi moja na kuwa katika nafasi ya tatu.

“Tunaangalia timu za juu na chini yetu, tunakwenda sawa, kitu kitakachotupa nafasi ni kupata ushindi katika michezo ijayo, hatutakiwi kupoteza mchezo wowote, hayo ndiyo malengo yetu katika mzunguko huu,” alisisitiza Hall.

Alisema timu nyingine iliyompa matumaini ni kupoteza kwa Mtibwa Sugar, ambao wamebaki na pointi 22 lakini kama wangeshinda wangekuwa na pointi 25, pointi ambazo timu yake ingekuwa katika kibarua kigumu kuweza kukabiliana na timu tatu za juu yake.

Azam FC ina pointi 23 iko katika nafasi ya nne, imetanguliwa na Simba na Yanga zenye pointi 28 na Oljoro yenye pointi 26, timu hiyo ipo juu ya Mtibwa yenye pointi 22 na Kagera Sugar yenye pointi 19 ikiwa katika nafasi ya sita.

TFF yaomba makato U/Taifa yapungue

2012-01-24T10:22:00.000+03:00

2012-01-24T10:17:00.000+03:00

Wasanii wa kikundi cha ngoma za asili cha Jeshi la Kujenga Taifa (JKT), wakicheza ngoma kwa mtindo wa Makhilkhil, inayochezwa na watu wa kabila la Waswana, Dar es Salaam juzi. (Picha na Nyakasagani Masenza)

Migogoro ya ardhi inaweza kuepukika

2012-01-24T10:14:00.002+03:00

Na Rachel Balama

ARDHI ni rasilimali ya msingi katika uhai wa maendeleo ya binadamu, wanyama, mimea na viumbe vyote. Nchi ya Tanzania ambayo uchumi wake unategemea kilimo kama sekta muhimu kukidhi mahitaji ya wananchi walio wengi.

Ardhi inakuwa rasilimali muhimu ambayo kila mwananchi hana budi kuipata na kuimiliki, kuitumia na kuitunza.

Ardhi ni rasilimali inayohitajika ili kuendeleza sekta nyingine za uchumi, ikiwepo viwanda, biashara, pia makazi ya binadamu ambayo hutegemea ardhi kwa ujenzi wa nyumba, barabara na matumizi mengineyo.

Hivyo basi ardhi ni haki ya kila binadamu na kumnyima mtu yeyote haki ya kuitunza, kuitumia na kuimiliki ni uvunjaji wa haki za binadamu.

Kwa muda mrefu sasa mila na desturi nyingi katika nchi yetu zimekuwa zinamnyima mwanamke haki.

Kabla ya Sheria mpya ya ardhi ya mwaka 1999 kutungwa, Sheria iliyokuwepo na. 113 ilionekana kuwa na mapungufu mengi suala lililopelekea kuundwa kwa Sheria mpya.

Kutokana na mapungufu yaliyopo kwenye sheria hiyo Bunge la Jamuhuri ya Muungano wa Tanzania ilitunga Sheria mbili kuu za ardhi.

Sheria hizo ni Sheria ya ardhi na. 4 ya mwaka 1999, na Sheria ya Vijiji na. 5 ya mwaka 1999, Sheria hizi zimetungwa kuboresha mapungufu ya Sheria ya ardhi ya zamani ikiwa ni pamoja na kuboresha utaratibu wa utatuzi wa migogoro ya ardhi.

Mwaka 2002 Bunge lilitunga Sheria nyingine iliyoanzisha mahakama za kutatua migogoro ya ardhi na. 2 ya mwaka 2002 ni Baraza la kijiji la Ardhi, Baraza la kata, Baraza la Ardhi na Nyumba la Wilaya, Mahakama kuu (idara ya Ardhi) na Mahakama kuu ya rufaa ya Tanzania.

Japo kumekuwepo na sheria za ardhi lakini migogoro ya ardhi imekuwa kijitokeza kila kukicha na tawkimu zinaonyesha kwamba kwa siku kumekuwa na migogoro ya ardhi isiyozidi 5-6.

Migogoro mingi ya ardhi inaletwa na sheria mama ambayo inamruhusu rais kuwa na mamlaka makubwa ya kuchukua rais, pia inamruhusu rais kuwekeza hilo ni tatizo.

Nini kifanyike,Uandaaji wa ramani ya mipango bora ya mipango miji na matumizi ya ardhi, kuwepo na usimamizi, sheria za ardhi zifanyiwe marekebisho.

Sheria ya madini ya mwaka 1999 inatakiwa ifanyiwe marekebisho kwa kuwa kuna kipengele kina tamka kwamba eneo la madini si sehemu ya ardhi kwani hilo ni tatizo.

Halmashauri zipunguziwe majukumu kwa kuwa sheria ya mipango miji ya mwaka 2007 imezipa mamlaka hizo suala zima la upangaji wa miji wakati halmahsuri hizo zina kazi nyingi na kujikuta zikizidiwa na kushindwa kupanga miji.

Pia sheria ya mwaka 1982 ina tamaka wazi kwamba serikali inauwezo wa kuchukua ardhi lakini wananchi kutolipwa fidia hilo pia ni tatizo.

Serikali iangalie ni namna gani itamaliza migogoro ya ardhi, sera za uwekezaji zifanyiwe marekebisho kwa mujibu wa sheria na taratibu juu ya ulipaji wa fidia.

Fidia haziendani na gharama za wakati ujao, wawekezaji wananufaika. serikali zisimamie sio kuachia halmashauri, serikali ina wataalamu wengi wa ardhi lakini haitambui umuhimu wa ardhi.

Maofisa wa aardhi waache kufanyakazi mezani pasipo kwenda kuangalia eneo husika pale wanapoombwa vibari vya maeneo na wanananchi ndio maana wengi wanauza maeneo.

Muda wa umilikishwaji wa ardhi kwa wawekezaji upunguzwe na kuwa miaka 10 badala ya miaka 99 iliyoelekezwa kwenye sheria, serikali pia ina udhaifu katika kusimamia utawala wa sheria.

Kasi ya upimaji wa ardhi iongezwe ili kupunguza wimbi la watu kuvamia maeneo pasipo viongozi wa vijiji kujua na serikali za vijiji zipewe madaraka juu ya usimamizi wa ardhi.

Yatengwe maeneo makubwa ya wafugaji na wakulima pamoja na kuwawekea sheria zitakazowazuia wao kuingiliana kwa kuogopa sheria, ziwepo sheria za kumdhibiti mmiliki wa ardhi.

Pia wawekezaji watengewe maeneo yao si lazima wawe sehemu ambazo watu tayari wanaishi pamoja na wananchi kushirikishwa katika utaratibu wa ugawaji wa viwanja kwa kuwa ardhi ni maisha ya mtanzania.

Misaada kukatwa nchi zinazoendelea

2012-01-24T10:13:00.000+03:00

*Tanzania ni ya 3 duniani kwa kupokea misaada

NCHI zinazoendelea duniani, zimetakiwa kujipanga kutokana na mdororo wa uchumi ambao umeanzia nchini Ugiriki na kusambaa katika nchi za Ulaya.

Mdororo huo ulisababisha nchi za ulaya kuwa na madeni makubwa ambapo kutokana na hali hiyo, Benki ya Dunia (WB), imelazimika kutoa angalizo kwa nchi zinazoendelea ambazo zinategemea misaada kutoka mataifa makubwa duniani.

Utabiri huo umeonesha mwaka 2012, uchumi wa dunia unakua pole pole kuliko ilivyotegemewa hata kama nchi za Ulaya, zitafanikiwa kushinda mdororo huo.

Wachumi kutoka WB wamedai kuwa, uchumi utashuka kwa asilimia nne hivyo ni wazi kuwa, matarajio ya nchi maskini kupata misaada yatakuwa madogo.

Habari zilizoandikwa katika mtandao wa Financial Times, London, nchini Uingereza, Januari 18 mwaka huu, Mkuu wa Kitengo cha Uchumi kutoka WB, Bw. Andrew Burns, alikaririwa akisema nchi maskini ziombe mema pia zitegemee mabaya zaidi.

Akisisitiza umuhimu wa mpango maalumu kwa nchi maskini, Bw. Burns aliongeza kuwa, mdororo huo wa kiuchumi hautamsamehe yeyote ambapo Kukua kwa uchumi wa nchi zilizoendelea na zinazoendelea, kutashuka zaidi ukifananisha na mwaka 2008-2009.

Alisema uchumi wa dunia utayumba sana na itakuwa ngumu kukua kutokana na midororo tofauti katika vipindi tofauti.

"hii ni kwa sababu nchi tajiri duniani hazina pesa za kutosha pia zina madeni makubwa hivyo hazitakuwa na uwezo wa kusaidia nchi nyingine.

"Nchi maskini pia zina mitaji midogo zaidi, fursa mbalimbali za biashara zinazidi kupungua pamoja na misaada kutoka sekta binafsi na za umma ukifananisha na mwaka 2009," alisema Bw. Burns.

Hata hivyo, WB iligoma kubashiri matokeo ya hali hiyo na kusema kuwa, hakuna jambo linaloweza kufanyika kuzuia janga hilo.

Utabiri huo umeonesha jinsi hali ilivyo mbaya ukifananisha na juni 2011. Kwa kutegemea na kununua fedha sokoni, uchumi wa dunia unaweza kukua kwa asilimia asilimia 2.5 mwaka huu asilimia 3.1 mwaka 2013.

Inatarajiwa kuwa, uchumi wa Ulaya utashuka kwa asilimia 2.1 mwaka 2012 ambapo hali hiyo inasababishwa na matukio mbalimbali yaliyopita katika nchi zenye uchumi mkubwa.

Tukio hilo litasababisha biashara ya dunia kushuka na kuathiri uchumi wa nchi zinazoendelea hivyo mahitaji ya nchi maskini yatapungua.

"Injini ya uchumi wa dunia haswa nchi zinazoendelea inakwenda pole pole sana wakati ambao hata uchumi wa Umoja wa Ulaya uko katika hali mbaya, hali hii itaambukiza maeneo mengine," alisema Bw. Burns.

Aliongeza kuwa, kama hali itakuwa hivyo nchi zinazoendelea hazitafanikiwa kupata misaada kutoka nchi za Ulaya ambazo nyingi zitaumizwa kutokana na kuanguka kwa bei ya mafuta na mazao ya biashara.

Alisema suala la kuhamisha fedha kutoka kwa waafrika waishio Ulaya kupeleka nchi wanazotoka hususani ndugu zao, litapungua kwa asilimia tano kutokana na pato la nchi tajiri kushuka.

Benki za Afrika nazo zitakuwa katika wakati mgumu kwani benki nyingi katika nchi zinazoendelea, zina mikopo ambayo mingi inafikia mwisho wake mwaka 2012.

China ni nchi pekee kati ya nchi zenye uchumi mkubwa duniani ambayo itaweza kupambana na tatizo hilo lakini nchi zenye uchumi wa kati zitayumba sana ukifananisha na yaliyotokea mwaka 2008.

Mwaka 2008, kulitokea mdororo mkubwa kiuchumi duniani ambao chanzo chake ni mikopo mikubwa ambayo ilitolewa katika sekta ya nyumba.

Nyanja nyingine za kukuza uchumi, zikiendelea kukua pole pole na kusababisha kushuka kwa mahitaji duniani.

Kutokana na hali hiyo, Marekani ndio nchi inayongoza duniani kwa kutoa misaada mingi.

Hadi sasa, nchi hiyo imetoa zaidi ya sh. bilioni 35 (sawa dola za marekani milioni 21.787), Ujerumani inashika nafasi ya pili kwa kutoa zaidi ya sh. bilioni 19.6 (sawa na dola za Marekani milioni 12.291).

Wengine ni Ufaransa ambayo inashika nafasi ya tatu kwa kutoa zaidi ya sh. bilioni 15.8 (sawa na dola za Marekani milioni 9.884), Uingereza inashika nafasi ya tano kwa kutoa sh. bilioni 15.7 (sawa na Dola za Marekani milioni 9.849).

Japan inashika nafasi ya sita kwa kutoa zaidi ya sh. bilioni 12.2 (sawa na dola Marekani milioni 7.679).

Uchambuzi huo unaonesha mchanganuo wa nchi kwa mujibu wa mtandao wa Visual Economics, hivi karibuni.

Kwa mujibu mtandao huo, Umoja wa Ulaya ungechukua nafasi ya pili kwani imetoa misaada isiyopungua sh. trilioni 18.8 (sawa na dola za Marekani bilioni 11.774)

Katika mchanganuo huo, nchi inayoshika nafasi ya kwanza kupokea misaada mingi duniani kutoka Marekani ni Iraki.

Itakumbukwa kuwa, Marekani na washirika wake waliivamia nchi hiyo miaka tisa iliyopita na kumkamata kiongozi wake Sadam Hussein hivyo kusababisha umaskini mkubwa.

Umaskini huo ulichangiwa na uharibifu wa miundombinu pamoja na makazi ya watu. Nchi hiyo imepokea trilioni 6.825 (sawa na dola za Marekani bilioni 4.266), ikifuatiwa na Afghanistan iliyopokea trilioni 2.33 (sawa na dola za Marekani bilioni 1.45).

Afghanistani nayo ilihusishwa na migogoro ya kivita kutokana na magaidi wa Al qaeda kujificha katika nchi hiyo, hata hivyo kiongozi wa kundi hilo, Osama Bin Laden, aliuwawa chini ya utawala wa Rais wa Marekani Bw. Barak Obama mwaka 2011.

Nchi ya tatu ni Sudan ambayo imepokea bilioni 1.16 (sawa na dola za Marekani milioni 725), ikifuatiwa na Colombia iliyopokea bilioni 899 (sawa na dola za Marekani milioni 562).

Nchi ya tano ni Misri ambayo imepata bilioni 865 (sawa na dola za Marekani milioni 541) na ya sita DRC Congo iliyopokea bilioni 777 (sawa dola za Marekani milioni 486).

Inayofuata ni Pakistani ambayo imepokea dola za Marekani milioni 465, Nigeria ikishika nafasi ya nane kwa kupokea dola za Marekani milioni 414.

Ethiopia inashika nafasi ya tisa kwa kupokea dola za Marekani milioni 344 na nchi ya mwisho katika orodha ya 10 bora ni Kenya ambayo imepokea dola za marekani milioni 304.66666666

Nchi 20 zinazopokea misaada ya maendeleo duniani, inayoongoza ni Iraki ambayo imepokea dola za Marekani bilioni 9. Nchi ya pili ni Afghanistan iliyopata dola za Marekani bilioni 3.951.

Tanzania ni nchi ya tatu ambayo imepokea dola za Marekani bilioni 2. 811, nchi ya nne ni Vietnam, ambayo imepokea dola za Marekani bilioni 2.497.Ya tano ni Ethiopia iliyopokea dola za Marekani bilioni 2.422

Nchi ya sita ni Pakistan iliyopokea dola za Marekani bilioni 2.212, Sudan iliyopokea dola za Marekani bilioni 2.104, Nigeria dola za Marekani bilioni 2.042, Cameroon dola za Marekani bilioni 1.933. Nchi ya mwisho katika 10 bora ni Palestina, iliyopokea dola za Marekani bilioni 1.868.

Nyingine ni Msumbiji ikiwa ni nchi ya 11 kupokea dola za marekani bilioni 1.777, Uganda dola za Marekani bilioni 1.728, Bangladeshi dola za Marekani bilioni 1.502 na China ilipokea dola za Marekani bilioni 1.439.

India ilipokea dola za Marekani bilioni 1.298, Kenya dola za Marekani bilioni 1.275, Ghana dola za Marekani bilioni 1.151, Morocco dola za Marekani bilioni 1.090 na Misri dola za Marekani bilioni 1.083.

Makala-ukatili uliofanywa na mfanyabiashara mmoja maarufu mjini Arusha

2012-01-24T10:06:00.000+03:00

Na Kassian Nyandindi, Nionavyo.

HIVI karibuni vyombo mbalimbali vya habari vimeripoti juu ya
ukatili uliofanywa na mfanyabiashara mmoja maarufu mjini Arusha, juu ya
kumnyanyasa mtoto mwenye umri wa miaka 15.

Unyanyasaji kama huu umekuwa ukipigwa vita mara kwa mara na
taasisi binafsi au za serikali ambazo zinashughulika na haki za binadamu, hivyo
kuna umuhimu mkubwa kuendelea kukemea hali hii ili jamii iweze kubadilika.

Nikirudi nyuma katika suala la udhalilishaji wa mtoto yule
ambao ulifanywa na mfanyabiashara Festo Hingi na kutokomea kusikojulikana,
inadhihirisha wazi mtu huyu? alikuwa na
nia mbaya na mtoto huyo.

Mbaya zaidi Bw. Hingi na wenzake wanadaiwa kumlawiti mtoto
huyo huku wakimfunga kamba miguuni na mikononi wakiwa wamemvua nguo na baadaye
kumpiga kwa mikanda ya suruali.

Mimi binafsi nasema huu ni unyama wa ajabu na watu wa namna
hii ni vyema wachukuliwe hatua kali za kisheria ili iwe fundisho kwa wengine
wenye tabia kama hiyo.

Nasema huu ni ukatili na sasa mtoto yule wamemwachia maumivu
makali ambayo anateseka nayo wakati kiumbe hiki cha mwenyezi Mungu hakina hatia
yoyote ile.

Nampongeza Bi. Catherine Mosha ameokoa maisha ya mtoto huyo
ambapo alilazimika kumficha kwa ndugu zake ili kuepusha mpango wa kumtorosha
ambao? ulikuwa ukifanywa na watuhumiwa wa
tukio hilo kwa lengo la kufuta ushahidi mbele ya jamii na vyombo vya kisheria.

Hatua hiyo ya Bi. Mosha kufanya hivyo imefikia sasa kupata vitisho
vya aina mbalimbali kutoka kwa ndugu wa watuhumiwa hivyo nashauri mama huyo
apewe nafasi ya uangalizi mzuri ili isije ikafikia mahali naye akadhurika kwa
namna moja au nyingine.

Vitisho vimekuwa vikitoka kwa ndugu wa watuhumiwa wa tukio
hilo tena kwa njia ya simu, nionavyo mimi hao wanaotoa vitisho dhidi ya mama
huyo nao wachukuliwe hatua za kisheria.

Natambua mama huyu aliamua kumsaidia mwathirika wa tukio hili
kutokana na hali mbaya aliyomkuta nayo mtoto akiwa barabarani usiku amezimia
kutokana na kipigo kilichotokana na unyama aliofanyiwa.

Nionavyo sasa ni wakati muafaka kwa mashirika yanayotetea
haki za binadamu hususani kwa watoto, hii ni fursa pekee ya kufuatilia suala
hili kwa kina na kuchukua hatua stahiki ili kukomesha vitendo hivyo.

Shirika la Action for Children(AFC) linalotetea haki za
watoto mkoani Arusha, nalipongeza kwa kutoa tamko la kulaani kitendo hiki cha
kinyama na kilichopitiliza na kuitaka jamii itambue kuwa watoto wote wana haki
sawa kwa mujibu wa sheria ya watoto ya mwaka 2009.

Sasa ni wakati muafaka kwa serikali kupitia vyombo vyake vya
sheria kufanya uchunguzi wa kutosha na wa haraka ili mtoto huyo aliyefanyiwa
unyama huu aweze kupata haki yake.

Vilevile mashirika ya kutetea haki za watoto hapa nchini tujitokeze
na kumsaidia mtoto huyu ili haki yake iweze kupatikana, na kwamba watuhumiwa
watukio hili wachukuliwe hatua za kisheria ili iwe fundisho kwa watu wengine
wenye tabia kama hiyo.

Natambua unyanyasaji kama huu ni suala ambalo limekuwa
likipigwa marufuku hata katika vitabu vyetu vya dini, hivyo mtu kama huyu
aliyefanya unyama huu kamwe hawezi kufika mbinguni badala yake amejitengenezea
shimo la dhambi.??

Kinachotakiwa sasa amrudie Mungu wake kwa kutubu makosa
aliyoyafanya ikiwemo hata mbele ya vyombo vya sheria ambavyo sasa vimekuwa
vikimtafuta kutokana na mhusika mkuu wa tukio hili kukimbia na kwenda
kusikojulikana.

Hata hivyo nasema sina shaka katika hili hata huko kukimbia
kwake iko siku atakamatwa tu mikononi mwa vyombo vya sheria ili viweze
kumchukulia hatua, na hatimaye atuambie alikuwa na lengo gani la kufikia hatua
ya kumdhalilisha na kumjeruhi mtoto huyo.

Mwandishi wa makala
haya anapatikana kwa simu namba 0712432952 au Barua pepe
nyandindi2006@yahoo.com

WATU wawili wamefariki jijini Dar es Salaam

2012-01-24T10:03:00.002+03:00

Na Zena Mohamed

WATU wawili wamefariki jijini Dar es Salaam katika matukio tofauti likiwemo la mfanya biashara Bw. Aloyce Asenga (27),kunywa sumu.

Kamanda wa Mkoa wa Kipolisi Temeke,David Misime aliema tukio hilo lilitokea eneo la Tandika Mango ambapo Bw.Asenga alikutwa ndani ya chumba kimoja cha baa iitwayo Ngekewa akiwa hajitambui huku akitapika.

Alisema alikimbizwa katika Hospitali ya Temeke na kufariki baada ya muda, chanzo cha kifo chake bado hakijajulikana na maiti imehifadhiwa hospitalini hapo kwa uchunguzi.

Katika tukio jingine Bi. Sauda Abdu (35),alifariki baada ya kugongwa na gari akiwa kwenye bajaji.

Misime,alisema tukio hilo lilitokea barabara ya Kilwa eneo la Mbagala Sabasaba ambapo gari lenye namba za usajiri T 170 BBD aina ya Toyota Rav 4 ikitokea Mbagala Mission kwenda Mbagala Kizuiani wakiwa ikiwa katika uelekeo mmoja iligonga pikipiki aina ya Bajaj yenye namba za usajiri T 843 ARA iliyokuwa ikiendeshwa na Bw.Mohamed Mkekenda (42),mkazi wa Mbagala.

Alisema ndani ya pikipiki hiyo kulikuwa na abiria ambaye alifariki papo hapo baada ya pikipiki aliyopanda kugongwa na dereva kupata majeraha na kulazwa katika Hospitali ya Taifa Muhimbili.

Hata hivyo dereva wa gari hilo alikimbia na maiti imehifadhiwa katika Hospitali ya Temeke na jitihada za kumtafuta dereva wa gari hilo zinaendelea.

Wafanyabiashara wadaiwa kutumia leseni za wenzao

2012-01-24T10:02:00.002+03:00

Na Theonestina Juma,
Bukoba

WAFANYABIASHARA wasio na leseni ya biashara ya kahawa wanadaiwa kufanya biashara ya zao hilo mkoani hapa kwa kupitia mgongo wa leseni za wafanyabiashara wa kahawa wenye kibali hicho.

Hayo yamebainishwa katika taarifa ya Mkurugenzi Mtendaji wa Kampuni ya COOPedec,Bw. Jovin Banturaki, ilioteuliwa na Wizara ya Viwanda, Biashara na Masoko kufanya kazi ya mshauri mwelekezi juu ya uanzishaji wa mfumo wa stakabadhi za maghala kwa wakulima wa kahawa mkoani hapa.

Alisema wafanyabiahara hao kupitia mgongoni mwa walio na leseni wamekuwa watafutaji wa kahawa vijijini, ambapo hupita nyumba hadi nyumba kununua kahawa bila kujali ni aina gani iwe hata ambayo bado ipo katika mti haijavunwa hulangua tu.

Alisema watu hao hupata fedha za kununulia kahawa ya agendo kutoka kwa wafanyabiashara wa magendo hata kwa wale wenye leseni huku baadhi yao nao wakipata kutoka kwenye vyama vya ushirika.

Bw. Banturaki alisema kufuatana na hali hiyo, wakulima wametumbukizwa katika dimbwi la umasikini kutokana na kulazimika kuuza kahawa kwa bei ya chini bila vipimo vya mizani.

Alisema kuwepo kwa njia haramu ambayo imeenea mkoa mzima, uharibifu mkubwa tayari umekisha rekodiwa na hivyo kusababisha athari kama hali mbaya ya kiuchumi na kifedha kwa wakulima wa zao hilo, huku ubora wa kahawa nayo ukififia.

Aidha magendo ya kahawa kwenda nje ya mipaka ya nchi huku ushuru wa kahawa hiyo ikiwa hailipwi katika halmashauri za wilaya na hivyo kuzikosesha mapato muhimu kutokana na ndiyo zao tegemeo la mkoa huu.

Hata hivyo, akizungumzia juu kutambua na kuchambua changamoto zilizopo katika mauzo ya zao hilo mkoani hapa ni pamoja na kuweka kikundi cha kuhakikisha takwimu sahihi zinapatikana na zinakusanywa manunuzi ya kahawa vijijini yanafanywa na wafanyabishara binafsi.

Pia alibainisha kuwa ni pamoja na uelewa juu ya mambo gani yanayofanikisha thamani ya kahawa, kufanikisha uanzishwaji wa mfuno wa stakabadhi wa maghala na kusitisha biashara ya magendo ya kahawa kuvuka mipaka ya nchi na ulazimishaji wa kufuata kanuni zinazotawala mauzo ya kahawa pia imekuwa miongoni mwa athari.

Madini ya shabaghafi, jasi yagundulika Singida

2012-01-24T10:01:00.003+03:00

Na Thomas Kiani
Singida

WIZARA ya Nishati na Madini kupitia ofisi ya madini Kanda ya Kati Singida imeanza mchakato wa kutoa elimu kwa wananchi wa Mkoa wa Singida kuhusu rasilimali za madini ziliyoko kwenye mkoa huo baada ya kugundua kuwepo kwa madini ya shaba na Jasi wilayani Iramba na Manyoni.

Katika taarifa yake kwa vyombo vya habari liyopita Kamishina Msaidizi wa Madini Kanda ya Kati Singida Bw. Manase Mbasha alieleza Mkoa wa Singida una rasilimali
nyingi za madini yenye tija kwa maendeleo ya mkoa na taifa lakini unakabiliwa na changamoto nyingi katika sekta ya madini zikiwepo utafiti, utaalamu, uchimbaji
vitendea kazi vya kisasa, miundo mbinu, mikopo na soko zuri la madini.

Kamishina Mbasha alisema Mkoa wa Singida una madini mengi katika baadhi ya maeneo yake lakini madini ya dhahabu ndio yanayopatikana katika maeneo mengi hata kabla ya vita vikuu vya dunia kulikuwa na migodi ya dhahabu wilayani Iramba iliokuwa ikimilikiwa na serikali ya Uingiereza na iliendesha utafiti wa madini hayo na mengine hadi mwaka 1962.

Katika taarifa yake Kamishina Mbasha alithibitisha kugunduliwa kwa madini ya shaba
ghafi kata ya Ibaga Tarafa ya Kirumi Wilayani Iramba na baada ya utaratibu, utafiti
na utaalamu kukamilika uchimbaji wake utaanza mara moja kwa sababu madini ya shaba
soko lake liko wazi.

Mbasha aliendelea kusema kuwa madini ya jasi yamegundulika wilayani Manyoni Kata ya
Itigi na tayari serikali iko katika hatua za mwisho katika mikakati ya uchimbaji na
kutafuta soko la uhakika kwenye viwanda vya simenti vya ndani na nje ya nchi.

Mhandisi wa migodi Kanda ya kati Singida Bwana Gabriely Senge katika taarifa hiyo
amesema mabadiliko mbali mbali ya Kisera na utawala, serikali iliamua kweka
kipaumbele katika utafiti na uchimbaji wa madini kote nchini na kufungua ofisi za
madini karibu kila mkoa ili kutoa leseni ndogo na kubwa na kutoa vibali kwa
wachimbaji wadogo, watu binafsi na Makampuni.

“Mchakato mkubwa wa serikali hivi sasa ni kuweka mikakati ya nguvu kuhakikisha kila mwananchi popote pale alipo anaondokana na umaskini kwa njia zote halali za kiuchumi kwa kutumia rasilimali za madini, misitu, ardhi na bahari,” alisema Senge.

Mhandisi Senge alidokeza kwamba bado kuna maeneo mengi mkoani Singida ambayo hayajafanyiwa utafiti wa kina na imeamua kulifufua Shirika la utafiti na uchimbaji
madini taifa “STAMICO” ili liweze kuwasaidia wachimbaji wadogo utafiti, utaalamu,
mikopo na kuwapa wachimbaji hao vifaa vya kisasa vya uchimbaji ili madini wanayopata
yapate bei nzuri kwa kuthamanishwa.

NSSF yakusanya bil.16745/-

2012-01-24T10:01:00.000+03:00

Na Queen Lema,
Arusha

MFUKO wa Hifadhi ya Jamii(NSSF)mkoani Arusha umefanikiwa kukusanya sh. bilioni 16,745 kwa kipindi cha Julay hadi Desemba 2011 ambapo fedha hizo ni sawa na asilimia 92 ya lengo walilokusudia

Hayo yalisemwa na Meneja Kiongozi wa mfuko huo mkoani hapa Bw. Jackton Ochieng' alipokuwa akizukuhusu maendeleo ya mfuko huo.

Alisema kuwa mfuko huo umeweza kuandikisha wanachama 3582 ambapo ni sawa na asilimia 49.8 ambapo hilo ndilo lengo halisi na wamendikisha waajiri 72 ambapo ni sawa na asilimia 79 ya lengo hilo.

Bw. Ochieng' alisema kuwa mfuko huo umeweza kulipa mafao kwa wanachama wake 2416 ambapo kifedha wamelipwa sh. bilioni 4033.65.

Alisema changamoto zinazoukabili mfuko huo kuwa ni pamoja na watu kutojua dhana ya elimu ya mfuko wa jamii na hivyo kuwafanya kuwa waoga kujiunga na mfuko huo ambapo wamejitahidi kutoa elimu hiyo kwa waajiri 53.

Ushirika washauri kushiriki katiba mpya

2012-01-24T10:00:00.000+03:00

Na Heckton Chuwa,
Moshi

WADAU wa sekta ya ushirika nchini, wameshauriwa kushiriki kikamilifu katika mchakato wa katiba mpya hatua itayochangia kutoa maoni yao kuhusu masuala ya ushirika

Ushauri huo umetolewa na Mkuu wa Chuo Kikuu cha Ushirika na Biashara, (MUCCoBS), kilichopo mjini Moshi, mkoani Kilimanjaro, Prof. Faustine Bee, wakati akifungua semina maalum kwa ajili ya vyama vya ushirika vya akiba na mikopo, (SACCOS), vyenye mitaji
mikubwa, mwishoni mwa wiki na kuandaliwa na Mungano wa Vyama vya Akiba na Mikopo nchini, (SCCULT).

“Sekta ya ushirika ni muhimu sana kwa maendeleo ya nchi na watu wake, hivyo basi ni muhimu kutumia fursa hii kwa kushiriki mchakato wa katiba mpya ili ushirika nao uwe na nafasi yake katika katiba mpya ya nchi”, alisema.

Kuhusu maendeleo ya Saccos nchini, Prof. Bee alisema dalili zinaonyesha kuwa zina fanya kazi vizuri na kwamba bado juhudi zinahitajika ili kuziimarisha
zaidi.

“SACCOS nyingi zinaonekana kuanzishwa ili zipate mikopo kama ile ya mfuko wa Rais Jakaya Kikwete au taasisi zingine za kifedha, si vibaya kuchukua mikopo ila ni vyema uanzishwaji wa SACCOS ulenge zaidi kupunguza umasikini na kuleta maendeleo," aliongeza.

Aidha alitoa mwito kwa SACCOS nchini kuwajengea wanachama wake uwezo wa ujasiriamali na pia kuanzisha miradi yenye tija kwa mfano uanzishwaji wa viwanda vya
kuongeza dhamani ya mazao yanayozalishwa mashambani.

Akizungumza katika semina hiyo, Mwenyekiti SCCULT,
Bw. Ambrose Shayo, alisema kuwa idadi ya wanachama wake imeongezeka kutoka 205 mwaka 1992 hadi kufikia 1,217 mwaka 2011.

“Ili kusogeza huduma karibu zaidi kwa walengwa wake,
SCCULT tayari imefungua ofisi zake katika mikoa 19 ya Tanzania Bara na pia imeanzisha huduma mpya ambazo zimesaidia taasisi zingine kufahamu umuhimu wa
SACCOS katika maendeleo ya nchi,” alisema.

Kwa upande wake, meneja wa SCCULT mkoani Kilimanjaro, Bw. Godrick Natai, alisema kuwa kati ya SACCOS 240 zilizosajiliwa mkoani humo ni SACCOS 68 tu ambazo ni
wanachama wa SCCULT.

2012-01-23T14:30:00.000+03:00

Mwenyekiti wa NCCR Mageuzi, Bw. James Mbatia, akizungumza na waandishi wa habari (hawapo pichani), Dar es Salaam jana, wakati akifafanua walichozungumza na Rais Jakaya Kikwete Ikulu, kuhusu muswada wa Katiba mpya.

2012-01-23T14:26:00.000+03:00

Mkuu wa mkoa wa Ruvuma, Bw. Said Mwambungu (wa pili), akikagua gwaride la askari wapya 822 wa Jeshi la Kujenga Taifa (JKT), wakati wa kufunga mafunzo yao ya miezi sita kwenye uwanja wa Mlale JKT jana. Kushoto ni Kamanda wa gwaride hilo Meja Aman Ramadhan.

JKT wamuomba Amiri Jeshi Mkuu kuhamasisha uwajibikaji

2012-01-23T14:23:00.000+03:00

Na Mwandishi Maalumu, Kigoma

VIJANA wa Jeshi la Kujenga Taifa (JKT) Operesheni ya Miaka 50 ambao wamehitimu
mafunzo ya awali ya kijeshi Kambi ya JKT Bulombora wameiomba Serikali chini ya Rais na Amiri Jeshi Mkuu, Jakaya Kikwete kudumisha mafunzo yake kwa maelezo kuwa ni moja ya vyanzo vianavyochangia kuimarisha mshikamano na udugu wa kitaifa hapa nchini.

Waliyasema hayo juzi mkoani Kigoma huku wakifafanua kuwa uelekeo wao hivi sasa, baada ya kuhitimu mafunzo ya JKT katika kambi hiyo umeboreka na kustaarabika tofauti na vijana waliopo vijijini na mijini ambao hawakufanikiwa kupitia JKT na wanaendelea kujihusisha dhidi ya vitendo viovu vinavyochangia kuhatarisha amani miongoni mwa jamii.

Akisoma risala ya vijana hao miongoni mwa Askari hao, Nuru Adamu kwa niaba ya wahitimu wenzake mbele ya mgeni rasmi ambaye alikuwa Mkuu wa Mkoa wa Kigoma, Luteni Kanali Issa Machibya, wakati wa hafla ya ufungaji mafunzo ya JKT Bulombora alisema uelekeo wao sasa umebadilika.

“Mheshimiwa mgeni rasmi, uelekeo wetu hivi sasa ni tofauti kulinganisha na vijana wenzetu ambao hawajapitia JKT, hivyo tunaiomba Serikali kuhusu suala la JKT liwe la lazima kwa vijana wanaomaliza elimu ya kidato cha nne, sita na vyuo wapitie JKT," alisema.

Vijana hao waliishukuru Serikali kwa kurejesha mafunzo hayo, kwani yamewasaidia kujitambua tofauti na hapo awali yaliposimamishwa mwaka 1994 kwa sababu mbalimbali za kiuchumi na waliahidi kuyanzingatia zaidi kwa ajili ya maisha yao ya baadaye.

Awali Mkurugenzi wa Utawala wa JKT, Luteni Kanali Eslom Lubinga, aliwakumbusha wahitimu hao na wananchi kwa ujumla kwamba, lengo la kuanzishwa JKT Julai 10 mwaka 1963 lilikuwa ni kujenga utaifa, uzalishaji mali na kuandaa Jeshi la Akiba tayari kukabiliana na maafa na adui atakayethubutu kujipenyeza na kuhatarisha amani ya nchi.

Aliongeza, JKT ni jando la kitaifa linalowaunganisha vijana wa Tanzania pamoja bila kujali tofauti zao na kuwapatia mafunzo ya awali ya kijeshi, malezi yenye utamaduni wa taifa na stadi za kazi zinazowawezesha kujitegemea na kuajiriwa katika sekta za umma.

Akifafanua zaidi, Luteni Kanali Lubinga alisema, askari wanapaswa kuheshimu sheria na kuwa tayari kuelimisha umma katika hoja za msingi na zenye utata kwa nidhamu, uadilifu na unyenyekevu.

"Askari ni mtu aliyeteuliwa miongoni mwa jamii na kupewa mafunzo maalumu kwa ajili ya kulinda na kutetea umma na tabaka tawala," alisema

Pamoja na mambo mengine, mafunzo hayo yalijikita katika kutoa elimu ya afya, madhara ya wizi, ulevi, dawa za kulevya na Ukimwi hali iliyochangia kuleta utulivu na mbadiliko ya kitabia kwa vijana hao.

Naye Kamanda wa Kikosi cha Mafunzo na Malezi JKT Bulombora, Meja Damian Sanga alisema mafunzo yalifunguliwa Julai 26 mwaka jana, ambayo yaliwashirikisha jumla ya vijana 721.

Meja Sanga aliongeza kuwa kati yao wavulana walikuwa 558, wasichana 163 na 10 miongoni mwao hawakumaliza mafunzo hayo kwa sababu mbalimbali ikiwemo utoro, hivyo kufanya waliohitimu kuwa 710, wavulana 549 na wasichana 161.

Udhaifu wa tiba za asili wabainishwa

2012-01-23T14:20:00.000+03:00

Na Mohamed Hamad, Arusha

WATANZANIA wameshauriwa kutumia madawa ya asili ambayo hayana kemikali yoyote
ili kukabiliana na maradhi mbalimbali yanayowasumbua hususani kisukari, shinikizo la damu pamoja na magonjwa ya zinaa.

Mwito huo ulitolewa mwishoni mwa wiki mkoani Arusha na Dkt.Namdeo Shastri kutoka nchini India wakati akizungumza na waandishi wa habari ofisini kwake mjini humo mara baada ya kutaka kujua sababu za ongezeko la madawa ya asili kila kona ya jiji la Arusha.

Alisema, ongezeko hilo limetokana na idadi ya watu wenye matatizo mbalimbali ya magonjwa kusaka dawa baada ya kuona zile za hospilali haziwasaidii wakati mwingine kutokana na kukosekana kwa utaalamu wa kugundua ukubwa wa tatizo kabla ya tiba.

"Binafsi nina utaalamu wa muda mrefu niliopata toka Chuo cha Madawa ya Asili
kilichopo India ambapo pamoja na mambo mengine, niliweza kufika hata Mlima
Everest nchini India;

"Katika ziara hiyo niligundua madawa mengi yasiyo na kemikali, ambayo huwa yanawasaidia wagongwa mbalimbali isipokuwa kinachotakiwa ni utaalamu wa kutoa tiba hiyo na namna ya kutumia dawa wakati wa kuanza tiba,"alisisitiza Dkt. Shastri.

Alisema, yameibuka makundi ya watu wanaojiita waganga wa tiba za asili ambao wanatibu wagonjwa na hawajasomea wala hawana utaalamu wa kazi hizo.

"Na ukienda kwa kina utakuta shida ndizo zinazowasukuma kufanya kazi ili wapate kipato. Huko Ulaya hakuna mtu anayeweza kufanya kazi ya tiba kama hii bila kuwa na utaalamu hasa ikizingatiwa kuwa wanagusa maisha ya watu na wakati mwingine ukitokea uzembe maisha yao yanakuwa hatarini," alisema.

Programu masoko kusaidia wakulima vijijini

2012-01-23T14:18:00.000+03:00

kuwafikia wananchi milioni 15

Na Ibrahimu Hamidu

SERIKALI imeazimia kuinua sekata ya kilimo nchini ili kuongeza uzalishaji
na pato la Taifa.

Elimu kuhusu kilimo bora na umwagiliaji ikitolewa kwa wananchi, wanaweza kuondokana na umaskini kwa kuwa, hawana ulelewa wa kutumia kilimo kusaidia maendeleo katika maendeleo ya sekta nyingine.

Ili kufanikisha hilo, Programu mpya ya Miundombinu ya Masoko, uongezaji thamani na huduma za kifedha vijijini (MIVARF) ilizinduliwa kusaidia lengo hilo.
Waziri wa Nchi Ofisi ya Waziri Mkuu Sera, Uratibu na Bunge Bw.William Lukuvi akizindua program hiyo anasema, itadumu kwa miaka miaka saba 2011/2012 hadi 2017/2018.

Anasema, programu hiyo itaangalia katika miundombinu ya mifumo ya masoko, uendelezaji wa huduma za kifedha vijijini na uratibu wa programu.
Uchambuzi wa kiuchumi uliofanyika unaonesha kuwa, program hiyo itakuwa na matokeo mazuri kwani huduma zake zitawafikia zaidi ya wananchi milioni 15.

”Serikali imeshirikiana na wabia wa maendeleo mfuko wa kimataifa wa maendeleo ya kilimo , benki ya maendeleo ya afrika na umoja wa mapinduzi ya kijani afrika,”anasema Bw. Lukuvi

Utekelezaji wa MIVARF utaongeza fursa za masoko ya mazao ya kilimo pia pato la wazalishaji wadogo 500,000 watakaoshiriki katika programu.
Anasema, program hiyo itaongeza fursa za huduma za kifedha kwa wananchi 500,000, kaya 20,000 watakaoshiriki katika mafunzo na kuboresha asasi za akiba mikopo na benki ya jamii.

Anasema, itasimamia na kudhamini utoaji mikopo kwa sekta ya kilimo kufikia shilingi bilioni 350 kwa kushirikisha na benki za biashara nchini ambapo itawafikia wakulima zaidi ya 250,000 na vikundi vya wajasiliamali zaidi ya 16,500.

Anasema, program hiyo itatekelezwa kwa mtindo wa kutumia vigezo mbalimbali ili kupata ushiriki unaokidhi mahitaji halisi badala ya kupeleka huduma kwa mazoea.

“Utekelezaji wake utaongozwa na utayari wa mikoa, halmashauri za wilaya, watoa huduma wa sekta binafsi, wakulima, wazalishaji na wafanyabiashara wadogo kutumia fursa zilizopo katika program anasema na kusisitiza kuwa,

“Uelewa mzuri wa washiriki kuhusu vigezo vitakavyotumika ni muhimu sana ili kujihakikishia ufanisi katika utekelezaji,kwa wale ambao watakuwa hawakukidhi vigezo itatolewa fursa ya kurekebisha upungufu utakaojitokeza ili kufikia vigezo na kuanza utekelezaji bila kuchelewa” anasema Bw. Lukuvi

Anasema, vigezo hivyo vimewekwa bayana kwa watendaji wote ili wavielewe na kutoa wito kwa uongozi wa program kuhakikisha kazi hiyo inafanyika kwa umakini na kusingatia weledi ili kuongeza ufanisi katika utekelezaji wake.

Anasema, kilimo kitaendelea kuwa sekta kiongozi katika uchumi nchini inayotoa ajira asilimia 77.5 ya watanzania wote na kuchangia asilimia 95 ya chakula.

Anasema, hatua zilizochukuliwa kilimo ni pamoja na kuimarisha miundombinu ya umwagiliaji,kuongeza ruzuku ya pembejeo na utekelezaji wa program hiyo.

Anasema, pamoja na mafanikio yaliyopatikana wakulima wengi vijijini bado wanakabiliwa na changmoto za uzalishaji duni, ukosefu wa masoko, mawasiliano na uchukuzi dhaifu, ukosefu wa huduma za vyombo vya fedha na uwezo mdogo wa kujiwekea akiba.

Anasisitiza kuwa, MIVARF ni mojawapo ya juhudi za serikali kuwasiadia wakulima hasa wanaoishi vijijini kuondokana na umasikini kwa kuwaongezea kipato pia kuwa na uhakika wa upatikanaji wa chakula.

Bw.Lukuvi anasema, programu hiyo ni mwendelezo wa mafanikio yaliyopatikana katika utekelezaji wa uendelezaji wa mfumo wa stakadhi ghlani.

“Katika hizo takwimu kumekuwa na mafanikio katika mfumo wa stakabadhi za mazao ghalani ambapo wakulima walioshiriki waliweza kupata bei nzuri kwa wastani wa mara mbili au tatu zaidi ya bei wakati wa mavuno” anasema Bw.Lukuvi.

Akitolea mfamo bei ya zama alitoa mfano wa kilo moja ya mahindi kuuzwa shilingi 357 badala ya shilingi 150 wakati wa kuvuna na mpunga kuuzwa 850 kwa kilo badala ya 257.

Alisisitiza kuwa, katika kipindi cha utekelezaji wakulima 4,066 waliweka mazao yao yaliyofikia tani 15,600 zilizowawezesha kupata mikopo ya shilingi bilioni 4.1.

Katika kuimarisha mfumo huo maghala 13 ya kuhifadhi mazao ya kilimo kukarabatiwa, pia masoko 24 yalijengwa kwa sera za vijijini zenye na kuongeza uwezo wa kufikisha mazao sokoni wka gharama nafuu.

“Ukarabati wa barabara uliofanywa uliwezesha kupunguza muda wa safari kwa mkulima kutoka saa moja na nusu kwa trekta au saa sita kwa mkokoteni wa punda hadi nusu saa kwa magari magari madogo ya abiria, “ anasema.

Anasema, programu hiyo iliwezesha halmashauri 16 kupitia na kurekebisha taratibu za ufuatiliaji na ukusanyaji wa kodi ili kuongeza ufanisi wa vyanzo vya mapato.

Asasi za akiba na mikopo zilizowezeshwa ziliongezeka toka 180 mwaka 2005 hadi 276 mwaka 2010, katika wilaya 22 huku katika kipindi hicho wanachama waliongezeka toka 35,581 kuwa 117,524 na amana, hisa na akiba kzikiongezka toka bilioni 1.68 kuwa bilioni 19.72.

Anasema, ni lazima kuboresha sekta ya kilimo na kubuni fursa zaidi za kuongeza kipato kwa wananchi, fursa hizo ni pamoja na masoko ya mazao ya kilimo maeneo ya vijijini, kuongeza tija katika kilimo na sekta za uchumi vijijini na kuwawezesha wananchi kuhimili ushindani katika utandawazi.

Anasema, bima ya mazao ni chombo kinachoweza kutumiwa na wazalishaji wa mazao ya kilimo ili kujilinda na upotevu unaoweza kusababishwa na majanga ya asili kama ukame, mafuriko au upotevu unaosababishwa na kushuka kwa bei za bidhaa za kilimo.

“Ili kuvutia wawekezaji katika sekta ya kilimo ,ni muhimu kwa mawakala wa bima kupitia mamalaka ya mapato nchinikiano na mamlaka ya hali ya hewa) kuwa na bima ya mazao ili kupunguza utegemezi wa udhamini wa mikopo ya sekta ya kilimo” anasema bw.Lukuvi

Katibu Mkuu Wizara ya Kilimo na Maliasili Zanzibar, Affan Othman Maalim alimuahidi waziri kutumia vigezo vilivyopo katika program hiyo ili kuepuka upendeleo na kuhakikisha program hiyo inafanikiwa

2012-01-23T14:15:00.000+03:00

Lori la mizigo namba T 926 BUE, likishusha shehena ya mahindi kutoka mikoani, kwenye Soko la Tandale, lililoko Manispaa ya Kinondoni, Dar es Salaam jana.

Ruvuma yapaa kilimo cha mahindi, kahawa

2012-01-23T14:11:00.000+03:00

Na Mwandishi Wetu

SEHEMU kubwa ya maisha ya Watanzania hutegemea kilimo, kwa kutambua hivyo
Mwalimu Julius Nyerere aliita ‘Kilimo Uti wa Mgongo.’
Pamoja na kauli hiyo, bado kuna kauli mbalimbali zilizoasisiwa na Mwalimu Nyerere pia viongozi wengine wa kitaifa kama ‘Kilimo cha Kufa na Kupona,’ ‘Kilimo cha Kijani’ ikiwa ni njia ya kuwatia moyo wakulima pamoja na kuongeza ufanisi wake kwa kutambua kwamba, kuyumba kwa kilimo ndio kuyumba kwa uchumi wa taifa.
Kwa kufanya hivyo, serikali kila mwaka hufanya juhudi kuhakikisha kuwa, wakulima nchini wanaboreshewa mazingira ikiwa ni pamoja na kuhakikisha kuwa, wanapata mavuno yanyoweza kuwanufaisha pamoja na kuongeza pato la Taifa.
Mkoa wa Ruvuma ni miongoni mwa mikoa inayoitikia wito katika kuhakikisha kuwa, kila mwaka matokeo ya mavuno yanakuwa yenye mafanikio kulinganisha na mwaka uliopita.
Juhudi za Mkuu wa Mkoa wa Ruvuma Bi. Christine Ishengoma pamoja sekretarieti yake wamekuwa katika mikakati ya kuhakikisha kuwa, kilimo kinakuwa kimbilio la wana Ruvuma wengi kwa kuweka mikakati mbalimbali.
Mikakati hiyo imeonesha mafanikio kutokana na wakulima kunufaika na kilimo chao kwa kuweza kupata mafanikio na kuhimili vishindo vya maisha yao.
Mipango ya utekelezaji wa malengo ya kilimo yalianza kushika kasi katika msimu wa 2009/10 ambapo wakati huo Mkoa wa Ruvuma ulilenga kulima hekta 503,388 za mazao ya chakula na biashara zilizotarajiwa kutoa mazao ya tani 1,020,475.
Katika mazao hayo, mazao ya chakula yalikuwa hekta 393,323 yaliyotarajiwa kutoa tani 63,770. Kutokana na juhudi za Ofisi ya Mkuu wa Mkoa wa Ruvuma kufikia Juni mwaka jana hekta 501,220 sawa na silimia 99 ya malengo zililimwa na kutoa mavuno ya tani 1,127,589 sawa na zaidi ya asilimia 10 ya malengo.
Katika juhudi hizo kwa mwaka huo, mazao ya chakula yalilimwa hekta 417,314 yaliyotoa mavuno ya tani 1,065,015 na mazao ya biashara hekta 83,906 na kutoa mavuno ya tani 40,983.
Juhudi za kuongeza uzalishaji katika kilimo zinazofanywa na Bi. Ishengoma pamoja na watendaji wake zinalenga kuhakikisha kwamba, hekta 555,072 za mazao ya chakula na biashara kwa mwaka 2010/11 zinalimwa na kuwa na matarajio ya kutoa tani 1,149,164.
Katika upande wa mazao ya biashara mkoa ulijiwekea malengo ya kulima hekta 105,807 kwa matarajio ya kupata mavuno kiasi tani 107,882. Eneo lililowekewa malengo kulimwa ni ongezeko la asilimia 10.3 zaidi ya awali.
Kutokana na kujali wakulima, Ofisi ya Mkuu wa Mkoa wa Ruvuma kwa mwaka 2010/11 iliomba ruzuku ya pembejeo ya kutosheleza wakulima 300,000 sawa na tani 55,000, pamoja na juhudi hizo Wizara ya Kilimo, Chakula na Ushirika imetenga vocha kwa wakulima 203,412 sawa na asilimia 68.7 ya maombi ya mkoa.
Pia, kutokana na utafiti uliofanywa na Ofisi ya Mkuu wa Mkoa kwa msimu 2010/11 ulibaini kuwa, mkoa wote unahitaji jumla ya tani 57,000 za pembejeo.
Mchanganuo huo unaonesha kuwa, Halmashauri ya Wilaya ya Songea inahitaji pembejeo tani 19,550, Manispaa ya Songe inahitaji tani 2,300, Wilaya ya Mbinga inahitaji tani 15,525, Wilaya ya Namtumbo inahitaji tani 15,525 na pia Wilaya ya Tunduru inahitaji tani 4,600.
Pamoja na kilimo kushika hatamu mkoani humo, kumekuwa na juhudi za dhati katika kuhakikisha Vyama vya Ushirika vinashiriki katika kuhakikisha maisha ya wananchi yanasonga mbele.
Mkoa wa Ruvuma una Vyama vya Ushirika ambavyo vinasaidia katika kukombo amaisha ya wana Ruvuma.
Pamoja na hivyo, kama ilivyo katika sekta zingine, katika sekta ya vyama vya ushirika nako changamoto ni nyingi ambapo wakati mwingine husababisha kutofikiwa malengo.
Changamoto kubwa katika sekta hiyo ni pamoja na kutokuwepo kwa masoko ya kuaminika kwa ununuzi wa mazao ya wakulima, upungufu wa watumishi wa fani ya ushirika katika halmashauri.
Uhaba wa mitaji katika vyama vya ushirika ni miongoni mwa mambo ambayo yanasababisha kuzorota kwa sekta hiyo, pia elimu ya ushirika bado ni ndogo kwa wanaushirika pamoja na wadau wa ushirika.
Kwa kuwa ushirika ni moja ya nyenzo muhimu katika kufikia mafanikio, Ofisi ya Mkuu wa Mkoa wa Ruvuma imeweka mikakati ili kukabiliana na hali hiyo.
Miongoni mwayo ni pamoja na kuimarisha mfumo wa stakabadhi ghalani ili kuimarisha masoko ya wakulima, kuajiri watumishi wapya na kuwaendeleza wale waliokuwepo, kuimarisha vyama vilivyopo ili kujenga mitaji na taasisi za fedha kama mabenki pamoja na kuendeleza kutoa elimu ya elimu ya ushirika kwa wanaushirika na wadau.
Hali ya bishara kwa upande wa mazao ya kilimo kwa Mkoa wa Ruvuma bado inaridhisha kutokana na ubora na wingi wa mavuno kwa wakulima.
Pamoja na kuwepo kwa hali nzuri ya mavuno Ofisi ya Mkuu wa Mkoa inatoa angalizo kwa bidhaa zinazotoka viwandani kuwa, zinapanda kiholela na hivyo kusababoisha maisha magumu kwa wananchi.
Kwa kuwa Ofisi ya Mkuu wa Mkoa inahusika moja kwa moja katika kuhakikisha maisha ya wananchi yanakuwa ya faraja, ofisi hiyo imeweka utaratika katika kukabiliana na kupanda holela kwa bei za bidhaa.
Mikakati hiyo ni pamoja na kutoa elimu kwa wadau wote juu ya soko huria, kuendelea kukaa na wafanyabiashara ili kujali athari za upamndaji holeala kwa bidhaa na kuona uwezekano wa kuunda umoja wa walaji kwa lengo la kudhibiti upandaji holela wa bei.
Hatua nyingine ni kudhibiti uuzaji wa bidhaa bandia, uuzaji wa bidhaa zenye viwango dhaifu pia kutotumia vipimo sahihi na vifungashio sahihi.
Kwa kujua umuhimu wa kuaznisha usindiakji wa kahawa, Mkoa wa Ruvuma kwa sasa una jumla ya viwanda vitatu vya usindikaji kahawa katika Wilaya ya Mbinga.
Viwanda hivyo vinamilikiwa Kampuni za DAE Ltd, Mbinga Coffee Curing Company na LIMA Ltd ambapo kuna kiwanda kimoja cha kubangua korosho wilayani Tunduru kinachomilikiwa na Afrika Ltd.
Katika kipindi cha Mwezi Mei 2010-Oktoba 2010 Ofisi ya Mkuu wa Mkoa imeweza kutoa leseni 925 za bishara za aina mbalimbali, utoaji wa leseni za vileo zimefikia 536 hadi Oktoba mwaka jana.
Juhudi zinazofanywa na Ofisi ya Mkuu wa MKoa wa Ruvuma ni kuhakikisha kuwa, lengo lililokusuduwa na serikali katika kuhakikisha kuwa wananchi wanaondokana na umasikini wa kipato.
Katika kuhakikisha hilo, ofisi imekuwa ikishawishi wananchi kuingia katika biashara kwa kuwa, kufanya hivyo kunawakomboa wananchi ikiwa ni pamoja na kuiingizia serikali mapato.
Kwa mfano, mwaka 2010 MKoa wa Ruvuma kupitia nyumba za kulala wageni umeweza kukusanya ushuru kiasi cha sh. 19,280,910, pia ukaguzi wa leseni za biashara ulifanyika na kuiingizia mkoa sh. 1,792,600 kutokana na vyanzo mbalimbali ikiwemo wafanyabiashara wasiokuwa na leseni, ada za matangazo pamoja na ushuru wa soko.
Wananchi wa Ruvuma wametakiwa kuchangamkia kilimo pamoja na biashara ili kuhakikisha wanabadili maisha yao ikiwa ni pamoja na kuondoa njaa nchini.

Serikali yahimiza wananchi kutunza miradi ya maendeleo

2012-01-23T14:07:00.000+03:00

Na Mwandishi Wetu, Mwanga

WANANCHI wilayani Mwanga Mkoa wa Kilimanjaro wametakiwa kulinda na kutunza
miradi ya maendeleo inayotekelezwa kwa misaada ya wahisani na Serikali kwa
lengo la kuharakisha maendeleo.
Mwito huo ulitolewa kutokana na kuwapo kwa baadhi ya watu ambao siyo waaminifu ambao licha ya kuharibu pia huwa wanaiba vifaa vya miradi ikiwemo umeme wa nishati ya jua.
Rai hiyo ilitolewa na Mkurugenzi wa Halmashauri ya wilaya hiyo, Bw.willy Njau wakati alipotembelea na kukabidhiwa miradi ya utengenezaji wa majiko banifu na umeme wa nishati ya jua katika zahanati na shule za sekondari wilayani humo.
Alisema, suala la utunzaji wa mazingira ni muhimu na kwamba majiko hayo yanasaidia kwa kiasi kikubwa kupunguza uharibifu wa mazingira yatokanayo na kukata miti ovyo.
Alisema, ni vema wananchi wakatumia vizuri misaada inayotolewa na wafadhili
na kuilinda kwa kuwa lengo lake ni huduma muhimu nishati ya umeme hazijafika kuhakikisha wanananchi wanapata huduma bora hususani maeneo ya vijijini ambapo bado.
“Wananchi nawaombeni mtunze miradi mnayokabidhiwa na wafadhili kwani ni kwa
faida yenu na vizazi vijavyo, na kwa kufanya hivyo mtaweza kukua
kimaendeleo kupitia miradi mnayokabidhiwa,”alisema Bw. Njau.
Awali akikabidhi misaada hiyo Mkurugenzi wa shirika lisilo la Kiserikali
la Nishati Endelevu na Utunzaji wa Mazingira (TaTEDO), Bw. Estomih Sawe
alisema, lengo la miradi hiyo ni kuhakikisha wanaleta mabadiliko katika
jamii hususani vijijini na kutunza mazingira kwa kupanda miti kwa kuwa
majiko hayo yanatumia kuni kidogo ikilinganishwa na majiko ya mafiga
matatu.
Naye Meneja wa Nishati na Mazingira TaTEDO, Bi.Gisela Ngoo alisema, ujenzi
wa majiko banifu katika ngazi za kaya utapunguza hewa ya ukaa inayotokana
na matumizi ya kuni na kwamba mpaka sasa jumla ya majiko banifu 1,000
yamejengwa na lengo ni kujenga majiko 10,000.

kosefu wa huduma za afya waongeza idadi ya vifo

2012-01-23T14:05:00.000+03:00

Na Florah Temba, Moshi Vijijini

IDADI ya wagonjwa wanaofariki dunia katika Hospitali ya TPC
kutoka katika
vijiji jirani vya Mikocheni, Magadini na Chemchem Wilaya ya Moshi
Vijijijni mkoani Kilimanjaro inazidi kuongezeka mara kwa mara kutokana
na kukosekana kwa huduma za afya katika vijiji hivyo.

Hayo yalibainishwa mwishoni mwa wiki na Ofisa Utawala Mkuu wa Kampuni ya TPC Bw.Jafary Ally ambapo alisema, wagonjwa hao huwa wanafika katika hospitali hiyo wakiwa katika hali mbaya kutokana na maeneo hayo kutokuwa na vituo vya afya na vyombo vya usafiri.

Alisema, pamoja na kukosekana kwa vituo hivyo na vyombo vya usafiri pia
kuna umbali mrefu kufika katika hospitali hiyo ili kupata huduma hususani akina mama wajawazito.

Alisema, kutokana na kukosekana kwa vyombo vya usafiri wagonjwa hao
hulazimika kusafirishwa kwa kutumia baiskeli na mikokoteni hadi hospitalini hapo hali ambayo aliishauri halimashauri ya wilaya hiyo kuangalia uwezekano wa kupeleka huduma za afya na wataalamu ili kuokoa maisha ya wananchi hao.

“Vijiji vinavyozunguka hospitali hii, havina vituo vya afya na kutokana na
hali hiyo wananchi wa maeneo haya wanalazimika kuja kupata matibabu katika
hospitali yetu ya TPC,”alisema Bw.Jafari.

Naye Diwani wa Kata ya TPC, Bw.Rojas Mmari alisema, kata hiyo ina zahanati moja ambayo haina madakatari wala dawa na kusema kuwa nyakati za mvua hali inakuwa mbaya zaidi kutoka na wananchi kushindwa kutoka kwenda kutafuta huduma ya afya kutokana na hali ya mazingira yalivyo.

Kwa upande wake Mwenyekiti wa Kijiji cha Chemchem, Karebia Malekule alisema,
hali ya upatikanaji wa huduma za afya ni mbaya hususani kipindi cha mvua za
masika kutokana na miundombinu ya barabara kuwa mibovu na dawa kutofika kwa
wakati katika kijiji hicho.

2012-01-23T14:02:00.000+03:00

Mama huyu ni mfano wa kuigwa na wengine, alikutwa na kamera yetu, kando ya Barabara ya Kigogo, Manispaa ya Kinondoni, Dar es Salaam jana, akiwa amebeba beseni lililojazwa maembe, wakati akitafuta wateja pamoja na mwanae mchanga.

Uzembe wa viongozi wadaiwa kuwanyima haki wananchi

2012-01-23T13:31:00.000+03:00

Na Zuhura Semkucha, Shinyanga

VYAMA vya siasa hapa nchini vimetupiwa lawama kwa kuwakumbatia viongozi wenye

matatizo ambao wanashindwa kuwajibika kwa wananchi kwa sababu ya maslahi yao binafsi.
Madai ambayo yalidaiwa kuwa viongozi wengi huwa hawawajibiki kwa sababu wameingia kwenye madaraka kwa njia tofauti ikiwemo ya rushwa.
Madai hayo yalitolewa na Diwani wa Kata ya Mwadui Luhombo Wilaya ya Kishapu mkoani Shinyanga, Bw.Paulo Magembe wakati akichangia mada kwenye mkutano kuimarisha mahusiano kati ya viongozi waliochaguliwa na kuteuliwa na jamii sambamba na uwajibikaji kwa ufadhili wa Shirika la The Foundation for Civil Society chini ya uratibu wa Mtandao wa Mashirika yasiyokuwa ya Kiserikali mkoani humo (SHINGONET).
Alisema, kutokuwajibika kwa viongozi kwa kiasi kikubwa kunatokana na jinsi walivyochaguliwa kwa sababu utaratibu wa kuwachagua hadi watoe zawadi kwa wananchi hivyo hakuna kinachofanyika zaidi ya kujinufaisha wao.
"Huwezi kumuuliza swali kiongozi aliyechaguliwa, kwa sababu wakati wa mchakato wa kumpata alitupatia zawadi kidogo, sasa kwa mtindo huu daima hatutakuwa na viongozi wawajibikaji bali wananchi kila siku tutakuwa tunalalamika tu," alisema.
Bw.Magembe alisema, wananchi wanatakiwa kujua kuwa viongozi waliowachagua
wanapaswa kuwajibika kwao na si wao ndio wawajibike kama ambavyo wanafanya kwa sasa, kwa kumtetemekea kiongozi waliyempigia kura kwa kushindwa kumuhoji anawajibika tuliyempigia kura kwa kushindwa kumuuliza anawajibikaje kwetu.
Alisema, wananchi wengi hawafahamu uwajibikaji wa viongozi ndio maana
wanaendeshwa na viongozi kadri wanavyotaka wao kwa sababu ya madaraka yao ambayo wamepewa jambo ambalo si sahihi hivyo wananchi watambue kuwa wao ndiyo wenye jukumu la kuwaendesha viongozi na si vinginevyo.
Pia alisema, Serikali itunge sheria kuwa mbunge anaposhindwa kufanya kazi
wachukuliwe hatua kwa sababu kwa upande wa mwenyekiti wa kijiji, kata wanapokosea kidogo tu wanawajibishwa hivyo sheria itungwe kwa wabunge.

Viti maalumu CCM watakiwa kuiga wenzao wa CHADEMA

2012-01-23T13:24:00.000+03:00

Na Pendo Mtibuche, Dodoma

WABUNGE wa viti Maalumu wa Chama cha Mapinduzi (CCM) wametakiwa kuiga mfano
wa wabunge wa Chama cha Demokrasia na Maendeleo (CHADEMA) ambao wamekuwa wakichangia kiasi cha sh.100,000 kila mwezi kwa ajili ya kusaidia jumuiya za wanawake ndani ya chama chao.
Hayo yalielezwa jana na Mwenyekiti wa Umoja wa wanawake Tanzania (UWT), Bi.Sofia Simba wakati akifungua mkutano wa mafunzo ya siku mbili kwa makatibu wa wilaya na mikoa wa jumuiya hiyo ya umoja wa wanawake nchini shughuli ambayo ilifanyikia mkoani Dodoma.
Bi.Simba alisema, jumuiya hiyo ya umoja wa wanawake lazima isaidiwe na wabunge wa viti maalumu wanawake kwa kuwasaidia kutoa kiasi cha sh.100,000 kwa kila mwezi lakini akabainisha kuwa jambo hilo limekuwa halifanyiki kutokana na wabunge wengi wa viti maalumu kutotekeleza jambo hilo.
“Hapa nataka niseme kuwa wenzetu wabunge wa viti maalumu hasa wa Chadema wamekuwa wakifanya vizuri katika utekelezaji wa jambo hili, kwani kila mwezi wamekuwa wakitoa fedha hizo kwa ajili ya kuzisaidia jumuiya zao kwanini, na sisi wabunge wa viti maalumu wasitekeleze hilo kwa kuwasaidia, hivyo mnachotakiwa ni kuwa waadilifu katika masuala ya fedha na kuwafuatilia kwa karibu,” alisema
Alisema, wabunge wa viti maalumu wapo wengi hivyo wangechangia kiasi hicho
katika jumuiya hiyo ya wanawake wangeweza kupata fedha nyingi kwa kuwa wale wa Chadema wameweza kufikia hapo walipo kwa kuwa huwa wanajitolea.
Hata hivyo, Bi.Simba alisema, amekuwa akipata taarifa kuwa ni kwanini wabunge hao wa viti maalumu hawachangii fedha zao katika jumuiya hiyo na kusema kuwa wengi wao wanadai kuwa hawafuatwi ili kudaiwa fedha hizo lakini wengine wanadai kuwa fedha hizo zikichangiwa katika jumuiya hiyo zinaliwa.
Kutokana na changamoto hizo pia mwenyekiti huyo alilazimika kuwaeleza wajumbe hao ambao ni makatibu wa wilaya na mikoa wa jumuiya hiyo ya wanawake Tanzania
kuhakikisha kuwa wanafuata kanuni za fedha kwa kutoa risti pindi mtu anapotoa fedha pamoja na kuzisimamia fedha hizo vizuri.
Akizungumzia suala la kuingiza wanachama katika jumuiya hiyo alisema, kuwa wakati umefika kwa jumuiya hiyo kuingiza wanachama wengi na hasa wasomi na wale wanaofanya kazi katika maeneo mbalimbali ili kuifanya jumuiya hiyo kwenda na wakati.
Alibainisha kuwa wakati huu si wa kufanya kazi kwa mazoea kwani ni wakati wa
mabadiliko hivyo wanawake lazima wabadilike na kujieleimisha zaidi ili waweze
kupata nafasi za uongozi ndani ya jumuiya hiyo na hata katika chama.
Bi.Simba akizungumzia suala la umoja aliwataka wanawake hao kujenga mshikamano na kuwaonya wanawake hao kutojiingiza katika masuala ya uanaharakati kwa kukikosoa chama na serikali badala ya kujibu mapigo yanayotolewa na wapinzani.
Alisema, yapo mambo mengi ambayo wapinzani wamekuwa yakiyazungumza na chama chao kimekuwa kikisemwa vibaya lakini wanawake hao wamekuwa kimpya jambo ambalo alisema, wanapaswa kutafuta taarifa za kujibu mapigo na wasikalie kulalamika tu.

Afya ya Asamoah yazidi kuimarika

2012-01-23T10:59:00.000+03:00

FRANCEVILLE, Gabon

MSHAMBULIAJI Asamoah Gyan anaendelea kupona majeraha ya nyama za paja yanayomkabili
, baada ya kufanya ya juzi kufanya mazoezi na kikosi cha Ghana katika fainali za Mataifa ya Afrika.
Kwa mujibu wa Shirika la Habari la Marekani (AP), Shirikisho la Soka la nchi hiyo lilisema juzi kuwa Gyan anaendelea vyema baada ya wachezaji wote 23 wa Black Stars kufanya mazoezi mjini Franceville.
Kabla ya taarifa hiyo ushiriki wa Gyan katika mechi ya ufunguzi ya Ghana, dhidi ya Botswana katika mechi za Kundi D ulikuwa kwenye hatihati baada ya kuumia mwanzoni mwa mwezi huu.
Hata hivyo Ghana inasisitiza kuwa mshambuliaji huyo, anaendelea vyema baada ya kupatiwa matibabu wakati timu hiyo ikiwa kambini Afrika Kusini chini ya mataalamu kutoka Serbia, Marijana Kovacevic.

Ilala yaamisha taka zilizokaa muda mrefu

2012-01-23T10:41:00.000+03:00

Heri Shaaban

TAKATAKA zilizokuwa zimetelekezwa katika eneo la shule ya msingi Kisukuru Kimanga
na kulamamikiwa na wakazi wengi zimeondolewa na Manispaa ya Ilala.
Akizungumza mara baada ya kumaliza mpango wa kuhamisha taka hizo, Ofisa Usafishaji Ilala,Bw.Samwel Bubegwa alisema kuwa manispaa imeweka upelelezi kwa atakayeonekana akitupa taka.
"Manispaa yangu inafanya upelelezi wake ili kubaini magari yaliyokuwa yana mwaga taka eneo la shimo hili ambalo lipo jirani na makazi ya shule na wananchi na wahusika wakipatikana watapelekwa katika vyombo vya sheria,"alisema Bubegwa.
Alisema kuwa manispaa hiyo tayari imechukua hatua mbalimbali zikiwemo za kupulizia dawa katika vyumba vya madarasa ya shule ili kuuwa wadudu ili wanafunzi waweze kusoma.
Bw.Bubegwa alisema magari hayo ya taka yalikuwa yakitumia upenyo wa kumwaga taka eneo hilo kutokana na kuwa na shimo kubwa bila wahusika kufahamu.
Pia alisema kuwa kila wiki manispaa hiyo imeweka utaratibu wa kuondosha taka katika mitaa kwa kutumia magari ya manispaa ikiwa ni pamoja na kuweka kila mtaa kasha la uchafu.
Kwa upande wake mwalimu Mkuu wa shule ya Msingi Kisukuru, Bw.Josephat Sambua alisema kuwa hali ya hewa katika shule hiyo ilibadilika kutoka na uchafu huo kuwa karibu na shule na wanafunzi kushindwa kusoma.

2012-01-23T10:39:00.000+03:00

Meneja Uhusiano wa Benki ya Posta Tanzania (TPB) Noves Moses (kulia) akikabidhi hundi yenye thamani ya shilingi milioni 2 kwa Mkuu wa shule ya msingi Temeke Said Mbolembole (kushoto). Fedha hizo ni kwa ajili ya kusaidia kutatua changamoto mbalimbali zinazoikabili shule hiyo. Katikati ni mwenyekiti wa kamati ya shule Rajab Ndunda na Meneja wa kitengo cha mikopo benki ya Posta Abdallah Mtandika

2012-01-23T10:34:00.000+03:00

Meneja wa kitengo cha mikopo benki ya Posta Tanzania Abdallah Mtandika akitoa maelezo kuhusu umuhimu wa wadau mbalimbali kuchangia elimu ya watoto wetu kwenye hafla ya kukabidhi msaada wa shilingi milioni 2 kwa shule ya Msingi Temeke.Kulia ni Meneja Uhusiano wa Benki ya Posta Noves Moses na mwenyekiti wa kamati ya shule Rajab Ndunda,kushoto ni mkuu wa shule hiyo Said Mbolembole.

Wanawake waandamana kupinga kuvuliwa suruali Malawi

2012-01-23T10:26:00.000+03:00

BLANTYRE, Malawi

WATU takriban watu 3,000 juzi walikusanyika Blantyre nchini Malawi wakiandamana kupinga
mashambulio dhidi ya wanawake wanaovaa suruali na nguo fupi.
Baadhi ya wachuuzi wa kike wiki hii walipigwa na kuvuliwa nguo kwenye mitaa ya mji mkuu, Lilongwe na Blantyre kwa kutovaa mavazi ya asili.
Mmoja wa aliyeandaa maandamano hayo ameiambia Shirika la Utangazaji la Uingereza (BBC) amewasihi wanawake kujitokeza wakiwa wamevaa suruali na fulana nyeupe kuonesha kukasirishwa kwao.
Wanawake hao walijitokeza huku wengi wao wakiwa wamevaa suruali na fulana nyeupe zilizoandikwa Peace ikimaanisha 'amani'.
Rais wa Malawi, Bw. Bingu wa Mutharika alisema kupitia redio ya taifa kuwa wanawake wana haki ya kuvaa mavazi wanayotaka.
Alikana uvumi kuwa aliamuru wanawake waache kuvaa suruali.
Mpaka mwaka 1994, wanawake kwenye nchi hiyo ya kusini mwa Afrika yenye misimamo mikali walikatazwa kuvaa suruali au sketi fupi chini ya uongozi wa kidikiteta wa Marehemu Hastings Banda.
Wanaume pia walikatazwa kufuga nywele ndefu.
Wanawake pia wamewahi kushambuliwa kwa kuvaa suruali katika nchi za Kenya, Afrika Kusini na Zimbabwe katika miaka ya hivi karibuni.
Mwandishi wa BBC aliye Blantyre, Bw. Raphael Tenthani alisema Makamu wa Rais Joyce Banda, waziri wa jinsia, wabunge kadhaa, wahadhiri wa chuo kikuu na wanaharakati ni miongoni mwa waliohudhuria maandamano ya Ijumaa.
Seodi White, mwanasheria na mwanaharakati wa haki za wanawake na aliyeandaa maandamano hayo, alisema wanawake hao hawakuvaa mavazi yasiyo ya heshima.
"Ndio Malawi ni nchi yenye msimamo mkali. Lakini tumekuwa tukivaa tunavyotaka, kwa kiwango cha heshima inayotakiwa, ambayo ni kiwango cha watu wote duniani, kwa miaka 18. Na hakuna anayeweza kusimama akasema ni kinyume na Wamalawi, " alikiambia kipindi cha Network Afrika cha BBC.

Jk,Tibaijuka watendaji hawa mnawaona?

2012-01-23T10:21:00.000+03:00

Na Gladness Mboma

SERIKALI imekuwa ikipiga kelele kuhusu ujenzi holela hasa jijini Dar es Salaam,
ambapo watu wamekuwa wakijenga barabarabi na mabondeni bila kujali kwamba, kufanya hivyo ni kinyume na sheria za ardhi.
Watu wengine wamekuwa wakijenga hata katika maeneo yasiyohusika bila kujali kwamba, wanakwenda kinyume na mipango miji husika.
Siyo tu kuvunja sheria za ardhi, pia ni hatari kwa maisha yao, lakini ujenzi holela umekuwa kama tatizo sugu maeneo mengi nchini hususan Dar es Salaam.
Ninaandika makala haya kutokana na hali halisi ambayo kwa kiasi kikubwa inasababishwa na watendaji wetu wa chini nikimanisha viongozi wa Serikali za Mitaa.
Mara nyingi nimekuwa nikimweleza Rais Jakaya kikwete kupitia chambuzi zangu mbalimbali kwamba, wanaomuangusha katika utendaji ni watendaji wake wa chini na wala siyo vinginevyo.
Ujenzi holela kwa kiasi kikubwa umesababishwa na watendaji wetu nikimaanisha viongozi wa Serikali za Mitaa ambao wamewekwa karibu na wananchi kwa ajili ya kusimamia miundombinu mpangilio wa miji na mambo mengine katika maeneo wanayoishi wananchi.
Cha kusikitisha viongozi hao wamekuwa ni mstari wa mbele kuruhusu wananchi kujenga hovyo katika maeneo ambayo hayatakiwa ikiwemo barabarani kwa madai kwamba, maeneo hayo yana wenyewe.
Ninazungumza hivi kwa sababu nimeshuhudia tukio moja la mtu kujenga barabarani tena kwa kushawishiwa na watu wasiopenda maendeleo kwa madai tu ya kuwakomoa watu.
Ninachopenda kusema ni kwamba, mwananchi unapojenga barabarani hawawakomoi wananchi wenzako bali unaikomoa serikali.
Mtu kujenga nyumba bila kujali sehemu ya dharura hasa usafiri, ni kushindwa kufikiri.
Jamani, katika suala hili la barabara ni lazima tuwe makini tusikurupuke kujenga njiani eti kwa ajili ya kuwakomoa watu fulani wenye magari, tunaelekea wapi Watanzania?
Wiki hii kuna tukio moja la ajabu lilitokea katika maeneo ya Kimara Mavurunza, ambapo mwananchi mmoja alijenga njiani kwa madai kuwa ni eneo lake.
Wapenda maendeleo na wakazi ambao waliona ujenzi huo si sawa walilazimika kutoa taarifa kwa mjumbe husika, lakini cha kusikitisha na kushangaza mjumbe huyo alipokwenda katika eneo husika na kusema kuwa, ujenzi huo ni halali kwa sababu ni lake ila alichelewa kujenga, kweli huu ndio uongozi?
Viongozi wa stahili hii wanaokubaliana na vitu ambavyo vinazorotesha maendeleo ya serikali hawastahili kamwe katika jamii na wanatakiwa kuchukuliwa hatua za kinidhamu.
Rais Kikwete na Waziri wa Ardhi na Maendeleo ya Makazi, Bi. Anna Tibaijuka naamini wanatambua jinsi watendaji wao wanavyowaangusha? kutokana na ujenzi holela kuendelea katika maeneo mbalimbali kutokana na watendaji wasiojua sheria za ardhi kuruhusu hali hiyo bila kuwa na chembe ya huruma kwa serikali yao.
Kutokana na hali hiyo, suala hilo lilipelekwa ngazi ya juu, Serikali za Mitaa nao, ambapo walifika eneo la tukio na kuonesha waziwazi kumtetea mtuhumiwa bila kuwa na vigezo vyovyote.
Kwa kiongozi yoyote mpenda maendeleo na anayezijua vyema sheria za ardhi na anayesikia jinsi serikali inavyopiga kelele juu ya mipango miji asingetaka kusikia hoja yoyote na badala yake angeamuru jengo hilo livunjwe.
Kama wananchi wenyewe wanashangzwa na hali ya ujenzi huo na kisha viongozi wanaona kawaida, hiyo ni kuwakatisha tamaa Watanzania.
Cha kusikitisha ni kwamba, mnunuaji wa kiwanja hicho aliponunua kiwanja hicho aliona kabisa mpangilio wa mipango miji unakoelekea, lakini kwa jeuri aliamua kununua.
Lawama zangu zote ninawatupiwa watendaji wa serikali za mitaa mbao sasa wamekuwa ndio vyanzo vya kukubaliana na hali hiyo, hali inayosababisha mipango miji kuwa shagalabagala.
Serikali hususan wizara husika mnatakiwa kuwa macho na watendaji wenu, kwani wamekuwa ndio chanzo cha ujenzi holela wenyewe wakiongoza kwa kuuza maeneo ambayo yametengwa na serikali kwa ajili ya shughuli za maendeleo.
Suala hili lisipofuatiliwa na wananchi kuwa macho na watendaji hawa wabovu hakika mipango miji itageuka kuwa uchochoro.
Kila siku kunakuwepo na itilafu za umeme watu wanajenga barabarani, hilo gari la zimamoto litapitia wapi, achilia hali hiyo, wagonjwa watapitishiwa wapi kama njia zenyewe sasa zinajengwa na kubakizwa uchochoro.

Hivi watendaji nikimaanisha wajumbe wa nyumba kumi, na Serikali za Mitaa mnajua wajibu wa kazi zenu au mnakaa maofisi na kusubiria kuletewa taarifa za ugawaji wa viwanja.
Sasa basi kama mlikuwa hamjui kazi zenu leo ninawaeleza kwamba mnatakiwa kutembelea maeneo yenu kila siku na kuangalia miuondo mbinu na mipango miji inavyokwenda na kuwasimamia wananchi na siyo kukaa maofisi ili mfuatwe.
Kimara ni mji ambao kwa sasa umekuwa kwa kasi na umegeuka kichaka kwa sasa, kutokana na watendaji waliopewa thamana ya kuusimamia kutofanya hivyo na badala yake wananchi wanajenga wanavyotaka.
Serikali inatakiwa kuwa macho na watendaji hawa ambao kwa kiasi kikubwa wamekuwa wakididimiza jitihada za serikali na hivyo kuonekana haifanyi kazi.

2012-01-23T10:17:00.000+03:00

Wachezaji wa Yanga wakimpongeza mshambuliaji wa timu hiyo, Keneth Asamoh, baada ya kuifungia timu yake bao la kwanza dhidi ya Moro United, Uwaja wa Taifa, Dar es Salaam jana. Timu hizo zilifungama mabao 2-2.

2012-01-23T10:15:00.000+03:00

Kiungo wa Moro United, Meshack Abel, akijaribu kumzuia mshambuliaji wa Yanga, Hamisi Kiiza, asimfikie golikipa wa timu yake, Jackson Chove, (mwenye mpira), wakati wa mchezo wa Ligi Kuu ya Tanzania Bara, uliochezwa Uwanja wa Taifa, Dar es Salaam jana. Timu hizo zilifungana mabao 2-2.

2012-01-23T10:13:00.000+03:00

Wachezaji wa timu ya soka ya Simba, wakifanya mazoezi kwenye Uwanja wa TCC Chang'ombe, Dar es Salaam jana, kujiandaa na Ligi Kuu ya Tanzania Bara.

Sumari kuagwa leo Dar

2012-01-23T10:04:00.001+03:00

Na Waandishi Wetu

MWILI wa Mbunge wa Arumeru Mashariki (CCM) Bw. Jeremiah Sumari, unatarajiwa kuagwa leo
katika Kanisa la Kiinjili la Kirutheli (KKKT) Msasani, Dar es Salaam na baadaye kupelekwa katika Ukumbi wa Karimjee kwa heshima za mwisho.
Viongozi wa serikali, dini na vyama vya siasa nchini wanatarajiwa kuhudhulia ibada ya misa takatifu kanisani hapo na baada ya kuagwa kwa mwili huo utasafirishwa Jumapili asubuhi kwenda kijijini kwao Akeri, Meru mkoani Arusha kwa mazishi yatakayofanyika Jumatatu.
Akizungumza na Majira nyumbani kwa marehemu Mbezi, Dar es Salaam jana, msemaji wa familia hiyo Bw. Emmanuel Olekambainei alisema kuwa, taratibu zote za kuaga mwili wa marehemu zimekamilika.
Alisema, kabla ya mauti yake, mbunge huyo alikuwa akisumbuliwa na maradhi ya saratani ya ubongo ambapo aliwahi kutibiwa nchini India zaidi ya mara mbili.
Aliongeza kuwa, mwaka 2010 alikwenda India na kupatiwa matibabu na baadaye alirejea jimboni kwake na kufanya kampeni kabla ya hali yake kubadilika.
Bw. Olekambainei alisema kuwa, baada ya kubadilika kwa hali yake, mbunge huyo alikwenda nchini Kenya kwa ajili ya kupima afya yake kabla ya kurejea tena India na kisha kupelekwa katika Taasisi ya Mifupa (MOI) kwa uchunguzi zaidi hadi mahuti yalipomfika.
Makada wa CCM kutoka Tawi la Malecela lililopo kando ya nyumba ya Marehemu Sumari walisema kuwa, wameguswa na msiba huo wa mwanachama mwenzao kutoka na mchango wake wa hali na mali.
Akizungumza kwa niaba ya wanachama hao, Mwenyekiti wa Jumuia ya Wazazi Tawi la Malecela Bw. Juma Mponda alisema kuwa, wamepokea msiba huo kwa simanzi kubwa huku akiacha pengo lisiloweza kuzibika.
Viongozi waliohudhuria msiba huo ni pamoja na Waziri wa Fedha Bw. Mustafa Mkulo, Katibu wa Bunge Dkt. Thomas Kashililah na makada mbalimbali wa chama hicho.
Marehemu Sumari alifariki juzi katika Hospitali ya Taifa Muhimbili (MNH), alikokuwa amelazwa kutokana na kusumbuliwa na saratani ya ubongo, mbunge huyo ameacha mjane, watoto wanne, na wajukuu saba.

CUF waanzisha 'changia Pemba'

2012-01-23T10:02:00.000+03:00

Na Peter Mwenda, Pemba

CHAMA cha Wananchi (CUF) kimekubaliana na wananchi waliotoka Kisiwa cha Pemba kuchanga sh. 100
kila wiki kwa ajili ya maendeleo ya kisiwa hicho.
Uamuzi huo umefikiwa jana baada ya kufanyika kwa mkutano wa viongozi wa ngazi zote kutoka wilaya nne za Pemba na kuamua kuanzisha mfuko maalumu ambao fedha zitakazokusanywa, zitatumika kushughulikia changamoto zinazoakabili kisiwa hicho.
Mfuko ambao utatumika kukusanya fedha hizo utafahamika kwa jina la shilingi 100 kutokana na fedha ambazo kila wananchi aliyefikia umri wa miaka 18 atachangia.
Akizungumza na viongozi hao, Katibu Mkuu wa CUF na Makamu wa Kwanza wa Rais wa Serikali ya Umoja wa Kitaifa Zanzibar Maalim Seif Sharif Hamad alisema kuwa, umefika wakati kwa wananchi wa Pemba kuchanga fedha zao bila kushirikisha serikali kwa ajili ya maendeleo.
"CUF imefanya makubwa katika siasa hasa Pemba kutoka Uchaguzi Mkuu wa mwaka 1995, chaguzi zote tumechukua kila kitu sasa tuangalie upande wa pili wa maendeleo, tumeingia serekalini lakini serikali haiwezi kufanya kila kitu, Kilimanjaro na Arusha wamefanya maendeleo yao wenyewe, je sisi hatuwezi?" aliuliza Maalim Seif.
Alisema kuwa, wananchi wa Kisiwa cha Pemba wanatakiwa kutambua kuwa, wamefanikiwa kwa asilimia kubwa katika kujenga siasa lakini sasa wanatakiwa kubadili mtazamo na kuangalia katika kujenga uchumi wao.
Aliwaambia viongozi hao kuwa, kwa kutumia ushawishi wa kisiasa wanaweza kutumia fursa hiyo kuhimiza maendeleo yao ili kuboresha huduma mbalimbali za kijamii na kutolea mfano kuwa, fedha hizo zitasaidia katika kuboresha elimu, afya, miundombinu na barabara.
"Watafiti wa masuala haya wanasema kuwa, Pemba wakiamua wanaweza kupiga hatua kubwa ya maendeleo maana wananchi watashiriki kikamilifu baada ya kutolewa elimu," alisema Maalim Seif.
Kuhusu mfuko huo kujenga taswira tofauti kwa wananchi alitumia nafasi hiyo kuwatoa hofu wananchi kuwa, sera ya serikali inahimiza wananchi kuchangia maendeleo yao hivyo hakuna kitu kipya katika hilo na haoni kama kutakuwa na tatizo lolote.
Alisisitiza kuwa, CUF imekuwa ikishinda katika chaguzi mbalimbali na kutoa viongozi karibu wote kutoka chama hicho hivyo kwa kutumia nafasi hiyo, wanaweza kufanikiwa na kwamba, hakuna sababu ya kushirikisha kiongozi wa serikali katika kufanikisha utaratibu huo.
Maalim Seif alisema kuwa katika kufanikisha hilo, wameamua kutoa wiki sita kwa kamati na watalaamu ambao ndiyo wanaofanikisha kuanza kwa mfuko huo kujipanga na kisha baada ya muda huo watatakiwa kutoa uamuzi wa walipofikia ili sasa kuweza kuwajilisha wananchi.
Awali Mbunge wa Jimbo la Chakechake, Mussa Haji Kombo alisema, alikaa na watalaamu mbalimbali na kubaini kuwa, kama wananachi wa Pemba watachanga sh.100 watakusanya fedha nyingi ambazo zitasaidia katika kujenga Pemba yenye maendeleo makubwa.

CHADEMA yajibu mapigo

2012-01-23T10:00:00.000+03:00

*Yakana kutumiwa na Ujerumani
*Dkt. Slaa asema mpaka kieleweke
*Sengerema wamvaa Ngeleja

Na Zena Mohamed

CHAMA cha Demokrasia na Maendeleo (CHADEMA) kimekanusha tuhuma dhidi yao kwamba
, kinapokea fedha za msaada kutoka Shirika la Konrad Adenauer Stiftung (KAS) la Ujerumani ili kuchochea maandamano na kuvuruga nchi.
Akizungumza katika semina ya dharura ya umuhimu wa mabadiliko ya hali ya hewa kwa sera ya upinzani, viongozi na wanakamati wa CHADEMA, katibu mkuu wa chama hicho Dkt. Willbrod Slaa alikiri kwamba, chama hicho kinapokea fedha kutoka KAS na kwamba, ni kwa ajili ya mambo ya maendeleo ya jamii.
"CCM imekuwa ikishutumu CHADEMA kwamba tunapokea fedha kutoka KAS kwa ajili ya kuchochea vurugu, madai haya sio ya kweli," alisema Dkt. Slaa na kuongeza
"Sisi tunawahaidi wananchi kwamba, tutaweka pamba masikio na kutoogopa maneno yao hadi kuweza kuitoa nchi mahali ilipo sasa kwenda kwenye neema kwani maisha bora kwa Mtanzania hayapatikani kwenye jukwaa la siasa," alisema.
Alisema, chama hicho kimeitisha semina hiyo na Kamati Kuu ya Wataalam wa Mazingira ili kujadili na kupata tathimini jinsi ya kutunza mazingira kwa lengo la kupata nyaraka sahihi kuhusu mazingira pindi watakapokutana kwa mara nyingine.
Mkurugenzi wa KAS Bw. Stefan Reith alisema, shirika lake limeshawishika kukisaidia chama hicho kutokana na kuonesha mwelekeo mzuri katika kusaidia wananchi.
Alisema, kwa mtazamo wa KAS, CHADEMA ndio chama kilicho na mwelekeo wa maendeleo nchini hasa katika suala la mazingira.
Bw. Reith alisema, hawawezi kulala hadi pale chama hicho kitakapowe kitakapoweza kuboresha uhuru wa wananchi katika sehemu zao za kazi na sio kufanya kazi bila kupumzika kama ilivyo sasa.
Katika Bunge la kufunga ngwe ya Awamu ya Kwanza ya Rais Jakaya Kikwete kabla ya Uchaguzi Mkuu mwaka juzi, Waziri wa Mambo ya Nje Bw. Benard Membe aliwaambia wandishi wa habarik kuwa, wapo baadhi ya mabalozi nchini wanaijishughulisha na siasa za nchini.
Alisema, baadhi yao wamekuwa wakiweka mikakati na vyama vya upinzani ili kuiangusha CCM na kwamba, kitendo hicho ni kinyume na sheria za nchi.
Pia alisema, serikali haitakuwa tayari kuona mabalozi hao wanakuwa chanzo cha migogoro ndani ya nchi na kwamba, yoyote atakayebainika atawajibishwa kulingana na sheria za nchi.
Katika suala la kulinda mazingira, Dkt. Slaa aliitaka serikali kuwa makini katika mabadiliko ya hali ya hewa katika nchini kwasababu maisha bora hayaji bila mikakati sahihi ya kutunza mazingira.
Pia aliitaka serikali kutekeleza yale yanayotakiwa ikiwa ni pamoja na kukabiliana na majanga makubwa yanayotokana na mabadiliko ya hali ya hewa. kudhibitiwa kwa kuchukua hatua ya kujenga nchi kwa kuitunza ndipo nayo iwatunze.
Wakati huo huo Gabriel Moses anaripoti kwamba, CHADEMA imepinga vikali madai ya kupokwa kwa viongozi wake wa ngazi za juu mkoani Shinyanga.
Kaimu Mwenyekiti wa CHADEMA, Sengerema Bw. Said Shaaban alisema jana kuwa, taarifa zilizoenezwa na Waziri wa Nishati na Madini Bw. William Ngeleja ambaye pia ni Mbunge wa Jimbo la Sengerema (CCM) kuhamisha uongozi wote wa juu wa CHADEMA Wilaya ya Sengerema hazina ukweli wowote.
"CHADEMA Wilaya ya Sengerema tunapinga uzushi huo. Tunajua kuwa uzushi huo ni sehemu tu ya mpango na mkakati ambao CCM inafikiri itaweza kujinusuru, kuwasahaulisha na hatimaye kuirejesha Kanda ya Ziwa katika Nchi ya Misri, baada ya watu Kanda ya Ziwa kuonesha kasi ya ajabu kuikimbia nchi hiyo ya mateso kwenda nchi ya ahadi," alisema.
Alisema, CHADEMA ililazimika kutopuuza uzushi huo kwa kuwa, malengo yake ni kutaka kuwavunja nguvu wananchi na wanachama wa chama hicho.
Hivi karibuni Mwenyekiti wa CCM Mkoa wa Shinyanga Bw. Hamis Mgeja alidai kuwarudisha kundini viongozi wa ngazi za juu wa chama hicho kwa lengo la kuiongezea nguvu CCM.
Miongoni mwa watu waliotajwa kujiunga na CCM ni pamoja na Bw. Ayub Thomas Malima aliyekuwa Mwenyekiti wa CHADEMA Wilaya ya Sengerema, Bw. Sarah Mathayo aliyekuwa Katibu BAWACHA na Bw. Kesy Misalaba.

katizaji ruti daladala mfupa ulioshinda Polisi

2012-01-23T09:53:00.000+03:00

Na Rose Itono

TABIA ya madereva wa daladala kukatisha ruti imekuwa ikiwasumbua wananchi kwa kuwaongezea mzigo
kwa kulazimika kuunganisha usafiri pasipo na sababu.
Tabia hii imekuwa ikiendelea huku baadhi ya askari wa Kikosi cha Usalama Barabarani wakiangalia hali hii bila kuwachukulia hatua za kisheria madereva wanaokiuka sheria za barabarani.
Hali imeonekana kuwa mbaya zaidi kwa wananchi wanaoishi katika maisha ya kawaida yaani wale wa kipato cha chini kwani wamekuwa wakijikuta wanalazimika kutembea kwa miguu kwa kushindwa kupanda mabasi mengine.
Hii yote ni kutokana na kukwepa gharama ambazo zimekuwa zikiongezeka kutokana na baadhi ya madereva kuwanyanyasa kwa kukatisha ruti bila sababu za msingi.
Maeneo yaliyoathirika zaidi na tatizo hili kwa jiji la Dar es Salaam ni mengi na si kwamba yapo pembezoni mwa mji la hasha.
Cha ajabu mijini ndipo vyombo vya dola vilipo huo ndio wajibu wa kikosi hicho cha usalama barabarani kulifumbua macho na kulishughulikia tatizo hili haraka iwezekanavyo.
Hali ya sasa ya maisha ni ngumu sana hivyo ifike wakati zile nyongeza za matumizi ambazo si za lazima ambazo wananchi wanaongezewa bila sababau ikiwa na kulazimishwa kuunganisha usafiri wa daladala kutokana na madereva kukatisha ruti zifanyiwe kazi haraka.
Kutolifanyia kazi tatizo hili kunaendelea kuwaumiza wananchi wengi wa kipato cha chini kwa kushindwa kumudu gharama hizo.
Ukweli ipo sababu ya kuliangalia tatizo la usafiri wa daladala hasa zile ambazo zimekuwa na kawaida ya kukatisha ruti na kuwasababishia wananchi kero.
Madereva wa daladala wamekuwa wakilifanya tatizo hilo kuwa gumu zaidi kwa wananchi wanaotumia vyombo hivyo kutokana na kutochukuliwa hatua zozote za kisheria pale wanapoamua kufanya mambo yao kinyume na taratibu.
Ili kukomesha hilo ni muhimu viongozi wakaonyesha mfano kwa kuwakamata madereva na kuwafikisha katika vyombo vya habari ili iwe fundisho kwa wengine wenye tabia kama hiyo.
Nashangaa gari zinaandikwa sehemu inayotokea kwa mfano Kiwalani Mnazi mmoja lakini matokeo yake wanakatiza ruti yake kwa kuishia mtaa wa Kongo huku, askari wa kikosi cha usalama barabarani wakiangalia bila kuwachukulia hatua.
Nikiangalia kwa undani tatizo hili linatokana na jamii kubwa kutojua haki zao na kujikuta wakishuka kwenye basi bila kufikishwa katika kituo husika.
Ukweli hata madereva wanaofanya hivyo si kwamba hawajuhi kuwa kufanya hivyo ni kosa kisheria bali wamekuwa wakitumia nafasi ya ufahamu mdogo wa wananachi kutojua haki zao kuwanyanyasa.
Sambamba na kutembea kwa muda mrefu kwa kushindwa kumudu gharama ya kuunganisha mabasi tatizo hili pia linachangia kuwafanya watu kuchelewa kufika katika majukumu yao ya kazi.
Mbali na kuchelewa pia wapo wanaojikuta wakipoteza vibarua vyao kutokana na kuchelewa hali ambayo inachangia kuongeza umasikini kwa taifa.
Serikali ilingilie suala hili kwa kuangalia tatizo la usafiri wa daladala ambazo zinakatisha ruti na kuwapa adhabu mbalimbali ikiwapo ya kuwafutia leseni.
Pamoja na eneo la Kiwalani kuwa linaongoza kwa mabasi yake kukatisha ruti na kuishia kituo cha mabasi cha Kongo badala ya kufika Mnazi mmoja yapo maeneo mengine ambayo yana tatizo kama hili.
Hali ni mbaya sana kwani daladala zote zikiwa na utaratibu wa kukatisha ruti jambo hili litasababisha usumbufu kwa wananchi.
Shughuli nyingi za kiuchumi pia haziwezi kufanyika kwa wakati kutokana na watu kuchelewa jambo linalochangia kuzozofidha uchumi wa nchi.
Asilimia kubwa ya watu wanaofika vituoni kusubiri usafiri wa daladala ili kuwahi shughuli zao za uzalishaji wanalazimika kusimama na kusubiri kwa muda mabasi ambayo yanaishia njiani na kugeuza.
Japo vikosi vya usalama barabarani vipo lakini ifike wakati tukubali kuwa vimepuuza kazi yao au kuzidiwa.
Utakubaliana na mimi kwamba bado Tanzania kuna tatizo pale inapotokea dharura kushindwa kuimudu kwa kuwa mamlaka husika zinazidiwa nguvu kutokana uzembe.
Naamini kabisa hakuna mtu yoyote ambaye anaweza kushindana na serikali iwapo serikali itaamua kikamilifu kufanya kitu kwa maslahi ya wananchi wote na taifa kwa ujumla.
Ieleweke wazi kwamba kwa kipindi kirefu sana madereva wa daladala wamekuwa wakinyanyasa abiria kwa kuwaishia njiani kutokana na kupata vichwa kutoka kwa watendaji ambao ni viongozi wa serikali.
Kitendo cha kukatisha ruti si jambo la kulaumu wananchi ambao hawaelewi kuwa wana haki za kugoma na kumlazimisha dereva amfikishe kituo husika.
Kiukweli haya yote hujitokeza mara jwa mara kwa kuwa si wananchi wote hasa wanaotumia usafiri wa daladala na hata madereva wenyewe na makondakta wanaelewa wanachotakiwa kukifanya kwa abiria wao.
Pia kuna haja ya serikali kutumia chombo husika kuwapatia elimu madereva wa daladala kuhusu sheria mbalimbali ikiwemo na ile kutoruhusiwa kukatisha ruti.
Hili nimelisema huenda hata madereva hawajui kama kufanya hiovyo ni kosa la kisheria na kubaki wakiona kuwa ni haki yao kufanya hivyo.
Kutokana na tabia hiyo ni jukumu la serikali kuhakikisha kwamba dharura zinapojitokeza zinashughulikiwa haraka iwezekanavyo pasipo kuleta madhara kwa wananchi.

Zitto airarua serikali

2012-01-23T09:48:00.002+03:00

Na Salim Nyomolelo

KAMATI ya Bunge ya Hesabu za Mashirika ya Umma (POAC)imeishutumu serikali
kwa kushindwa kushindwa kutoa sh. bilioni 1.6 za kuwalipa wamiliki wa nyumba katika eneo la Mlonganzira Dar es Salaam ili kupisha ujenzi wa Chuo Kikuu Kishiriki cha Afya na Sayansi (MUHAS).

Akizungumza na waandishi wa habari katika Ofisi ndogo za Bunge jijini Dar es Salaam, mwenyekiti wa kamati hiyo Bw. Zitto Kabwe alisema, serikali imekopeshwa Dola za Marekani bilioni 74 zilizotolewa na Korea ya Kusini kwa lengo la ujenzi huo ili kuongeza idadi ya madaktari nchini.

Alisema, fidia ya sh. bilioni 8.06 tayari ilitolewa kwa wamiliki wa nyumba hizo na bado sh. bilioni 1.6 ili kumalizia fidia ya nyumba zilizobaki.

Alisema, cha kushangaza zaidi ni kwamba serikali ilitenga bajeti kwa mwaka 2009/2010, 2010/2011 na 2011/2012 lakini fedha hizo serikali imeshindwa kuzitoa.

Alisema kuwa, mradi wa ujenzi ilibidi kuanza Machi mwaka huu kutokana na mkataba uliosainiwa mwaka 2010.

"Kuna hatihati ya kuupoteza mradi huu kama fidia ya kuwalipa wamiliki hao haitatolewa na serikali jambo ambalo litasababisha kukosa hizo dola bilioni 74," alisema Bw. Zitto.

Alisema, kama chuo kikikamilika kinaweza kuzalisha madaktari 900 kwa kila mwaka wakati mahitaji ya madaktari kwa mpango wa maendeleo ifikapo mwaka 2015 ni 1,200 kwa mwaka.

Alisema takwimu zinaonesha kuwa, kwa sasa daktari mmoja anahudumia wagonjwa 50,000 huku baadhi ya mikoa kama Mara daktari mmoja anahudumia wagonjwa 100,000.

Alisema, wao kama kamati hawakubali fedha hizo zipotee huku nchi ikiwa na uhaba mkubwa wa madaktari, 'tumemuagiza katibu mkuu wa Wizara ya Fedha na Katibu mkuu wa Wizara ya Afya wafike ili watueleze msimamo wa serikali kuhusu suala hilo,' alisema.

Bw. Mukurtaza Mangungu mjumbe wa kamati hiyo ambaye pia ni Mbunge wa Kilwa Kasikazini alisema, anashangazwa na watendaji wa serikali na wakuu wa idara kukosa utaratibu wa kulipia miradi ya kuwasaidia wananchi.

Makamu mkuu wa chuo hicho Prof. Kisali Pallangyo alisema, tayari bilioni 8.06 zililipwa kwa jumla ya wakazi 1919 na wakazi 604 bado hawajalipwa fidia zao.

Alisema baada ya mradi kukamilika, chuo kitakuwa na uwezo wa kudaili wanafunzi 12,000 kwa mwaka wakati hivi sasa wanajumla ya wanafunzi 2000.

Waziri wa fedha Bw. Mustafa Mkulo alipoulizwa na waandishi wa habari kuhusu kushindwa kutoa fedha hizo kwa ajili ya kulipa fidia alisema, hana taarifa yoyote na kwamba, kama kuna bajeti hiyo itakuwa Wizara ya Afya na Ustawi wa Jamii ama Wizara ya Elimu na Mafunzo ya Ufundi.

Katibu Mkuu wa Wizara ya Fedha Bw. Ramadhani Khijjah alisema, kama kutakuwa na bajeti fedha hizo zitaweza kulipwa kabla ya muda huo kumalizika na kuongeza kuwa, hakuwa na taarifa hizo.

Kuna tatizo la viongozi wasiowajibika

2012-01-23T09:34:00.000+03:00

Na Peter Mwenda

SERIKALI inajitahidi kuondolea wananchi wake kero mbalimbali katika sekta
mbalimbaliikiwemo Afya, Elimu, Kilimo na Miundombinu.

Lakini watendaji wanaopewa majukumu ya kusimamia utekelezaji wa miradi hiyo wamekuwa kikwazo hivyo kusababisha wananchi kulalamikia serikali yao kuwa haiwajali.

MBunge wa Jimbo la Kisarawe Bw. Selemani Jafo amekuwa akisimama kidete kushirikiana na wananchi wake kugomea miradi ambayo haijakamilika kulingana na mikataba ilivyofikiwa.

Bw. Jafo ambaye alichaguliwa kuwa mbunge katika Uchanguzi Mkuu Mwaka 2010 (CCM) anasema, udhibiti huo wa miradi ya maendeleo umefanikiwa kwa kiasi lakini bado kuna tatizo kubwa la uongozi usiowajibika katika vijiji vingi vya wilaya ya Kisarawe.

'Kuna watendaji katika sekta mbalimbali katika wilaya hii hawafanyi kazi bila kusukumwa, suala hili nitapambana nalo kuhakikisha kila mtumishi anawajibika, imefika wakati wanakisarawe wenyewe waungane kujenga wilaya yao" anasema Bw. Jafo.

Sekta ya maji

Mbunge Jafo anasema, wananchi wa Kisarawe ambayo wanakabiliwa na uhaba mkubwa wa maji wameamua kupunguza matatizo ya maji kwa kuipokea miradi ya kuchimba visima na kusimamia kwa dhati.
Anasema, mradi wa kuchimba visima katika Wilaya ya Kisarawe ilikuwa inanze kutoka Oktoba mwaka jana kwa ufadhili wa mradi kutoka Benki ya Dunia ambako kimechimbwa kisima kirefu katika Kata ya Chole.
Awali anasema, kata hiyo dumu la maji lilikuwa likiuzwa sh. 1,500 kisimani kabla ya kubeba kupeleka nyumbani na maji hayo yalikuwa yakipatikana katika Kata ya Vikumburu ambako wananchi walitembea umali mrefu kuyafuata maji hayo.
Anasema, mpaka sasa vinachimbwa visima katika Kata za Msanga, Vikumburu, Kwala, Chole na Kihale ambavyo vikikamilika na kutoa maji ya kutosha Wilaya ya Kisarawe kwa asilimia 40 itakuwa imepunguza kero ya maji.
Bw. Jafo anasema, kisima cha Boga kilichopo Kata ya Maneromango ni moja ya mikakati ya vijiji vinne ambavyo vitachimbwa visima kwa ajili ya kusambaza katika vijiji vingine.
Kijiji cha Boga ni mfano wa kuigwa na wanakisarawe wengine kwa sababu wako mstari wa mbele kuhakikisha maendeleo yanawafikia wananchi.

"Nashukuru kusikia mliwawagomea wachimba kisima ambao walikiuka makubaliano ya kuchimba mita 150 badala yake walichimba mita 100 tu mkiwambia hicho si kisima chenu'alisema Bw. Jafo.
Kilimo Kwanza
Anasema,jitihadazimefanyika kuhakikisha wananchi wanapata pembejeo za kilimo na matrekta ya kutosha kulima katika kipindi hiki cha mzimu wa kilimo ili kufikia malengo ya serikali kupitia Kilimo Kwanza.
Anasema, amepata malalamiko kutoka Kata ya Marui kuwa wanashindwa kupata matrekta ya kulima mashamba yao msimu huu wa mvua.
Bw. Jafo anasema, Katibu wa Umoja wa wakulima kutumia matrekta katika Kata ya Marui, Bi. Zaina Semlangwa alimwambia mbunge huyo kuwa kukosekana kwa matrekta hayo kumewarudisha nyuma ya kufikia malengo yao mwaka huu.
"Mbunge sisi wananchi wako tunakabiliwa na matatizo makubwa ya kukosa matrekta ya kulima, tumemwambia diwani wetu lakini hakuna juhudi inayofanyika ya kutuletea matrekta, tupo tayari kulipa fedha yoyote kwa ekari," anasema Bi. Semlangwa.
Katibu huyo aliendelea kulalamika kuwa, kuna trekta la mkazi mmoja wa kata hiyo ambalo uwezo wake wa kulima ekari zaidi ya sita kwa siku haupo wakati kuna ekari zaidi ya 300 za wananchi wa Kata ya Marui ambao wanahitaji kulimiwa mashamba yao.
Bi. Semlangwa anasema, trekta dogo (Power Piller) la kata hiyo halina uwezo wa kulima katika kipindi hiki ambacho mahitaji ya kilimo ni makubwa.
Diwani wa kata ya Marui, Bw. Mussa Dilonga alipoulizwa na mbunge sababu za kushindwa kuwatafutia wakulima matrekta ya kulima kuendana na kasi ya Kilimo Kwanza alijibu kuwa, wakulima hao wameshindwa kung'oa visiki hivyo kusababisha majembe ya matrekta hayo kumeguka.
Miundombinu
Mbunge Jafo anasema, bado kuna changamoto inayowapata wananchi wa Jimbo la Kisarawe ambayo ni ubovu wa barabara ya kutoka Kisarawe kwenda Vikumburu ni mbovu ambayo inahitaji kufanyiwa ukarabati.
Anasema,serikali imenwahidi kuwa barabara hiyo itajengwa na kuongeza kuwa barabara ya lami itajengwa kwa awamu kuanzia bajeti ijayo ya Serikali Kuu.
Huduma ya Afya
Bw. Jafo anasema, Sekta ya Afya inakabiliwa na changamoto mbalimbali za kutokuwa na zahanati katika baadhi ya kata na kukosekana kwa dawa za kutosha.
Jitahada zake zimefanikiwa kupatikana kwa gari la wagonjwa katika Hospitali ya Manerumango ambalo linasaidia kupeleka wagonjwa wanaozidiwa kwenda katika Hospitali ya Wilaya ya Kisarawe.
Anasema kuwa, kuna jitihada za kuhakikisha kuwa kila kijiji kinakuwa na zahanati na kusambaza umeme wa sola ili kutunza madawa na kurahisisha upimaji wa magonjwa kama malaria na mengine.
Bw. Jafo anasema, katika kipindi hiki kutoka achaguliwe kuwa mbunge watumishi wa umma ambao hawakuwajibika wamechukuliwa hatua mbalimbali za kinidhamu akiwemo daktari wa Hospitali ya Wilaya ya Kisarawe aliyehamishwa kituto na kushushwa cheo.
Anasema, katika jitihada zake za kupatikana kwa huduma za afya kutumia Mfuko wa Jimbo ambao hupewa mbunge amezitumia kujenga Zahanati ya Sofu ambayo itahudumia vijiji vinne ya jirani.
Wilaya ya Kisarawe ina mapambano makubwa ya kujikinga na magonjwa ya kuambukiza ukiwepo UKIMWI ambao unaelimishwa kila kijiji kutumia vikundi vya uhamasishaji na utoaji elimu ambavyo kuna wawakilishi watendaji katika kila Kata ya Wilaya ya Kisarawe.
Bw. Jafo anasema, vijana wameanzisha kampeni ya kuelimisha wananchi kujikinga na UKIMWI kwa kuanzia ni katika Kata saba Vikumburu, Kisarawe, Chole, Kibuta, Msanga, Msimbu na Mzenga ambako barabara kuu zinapita na kwenye magulio.
Sekta ya Elimu
Anasema, taaluma Wilaya ya Kisarawe imeanza kupanda baada ya kudorora kwa miaka mingi ambako wanafunzi waliokuwa wakifaulu maksi za daraja la kwanza na pili walikuwa wachache.
Ufaulu wa wanafunzi umeanza kupanda ambako wilaya hiyo imeshika nafasi ya tatu katika Mkoa wa Pwani na idadi ya wanafunzi wanaokwenda Shule za Bweni imeanza kupanda.
Anasema, wilaya hiyo inakabiliwa ongezeko la mimba kwa wanafunzi wa kike kutokana na kutokuwa na mabweni hivyo kutoa nafasi ya kupanga mitaani na kutumia nafasi hiyo kujiingiza kwenye anasa na ngono.
Pia kumekuwa na tatizo la uhaba wa walimu wa Shule za Msingi na Sekondari na kutolea mfano shule ya msingi Boga yenye watoto 502 lakini walimu waliopo ni watano hivyo kunawanyima fursa wanafunzi kusoma masomo yote.
Wananchi wa Kijiji cha Boga, Manerumango Wilaya ya Kisarawe, Pwani ni mfano wa kuigwa na wananchi wengine kwa kujikusanya na kuendesha harambee ya kuchangisha fedha za kujenga matundu ya vyoo vya Shule ya Msingi Boga, ambako zaidi ya sh. 400,000 zilichangwa.
Bw. Jafo anasema, harambee hiyo iliyojumuisha wananchi wa kijiji hicho na waliowahi kusoma shule hiyo waishio Dar es salaam na sehemunyingine nchini.
Nishati ya umeme
Anasema, wilaya hiyo yenye vijiji 87 vilivyogawanywa katika Kata 15, lakini toka Tanganyika na sasa Tanzania Bara ipate uhuru mwaka 1961 ni vijiji vinne tu vyenye nishati ya umeme ambavyo vitatu kati ya hivyo vimepakana na Wilaya ya Kinondoni.
Anasema, vijiji hivyo ni Kiluvya A, Mloganzila, Kiluvya B, ambavyo vimepakana na wilaya ya Kinondoni na wilayani Kisarawe ambavyo vina umeme na vingine vyote bado viko gizani.
'Baadhi ya watu wanaona Kisarawe ni shamba la bibi,haiwezekani walipwe watu ambao hawahusiki na mradi wa umeme,hao tutawashughulikia' anasema Bw. Jafo.

2012-01-20T10:37:00.000+03:00

Makamu wa Rais Dkt. Mohammed Gharib Bilal, akisalimiana na Balozi wa Tanzania nchini Kenya, Dkt. Batlda Burian, wakati Balozi huyo alipofika Ikulu Dar es Salaam jana kumuaga rasmi, baada ya kuteuliwa na Rais hivi karibubni.

Mapya yaibuka mgogoro CUF

2012-01-20T10:35:00.000+03:00

*Wakili ataka Maalim Seif akamatwe, afungwe jela
*Awasilisha ombi la kuitwa mahakamani na wenzake
*Ni wale walioshiriki kikao cha kumtimua mteja wake
*Hamad asema CUF haina tofauti na kioo kilichopasuka

Rachel Balama na Grace Ndossa

MBUNGE wa Wawi, Zanzibar, kwa tiketi ya Chama cha Wananchi (CUF), Bw. Hamad Rashid Mohammed
, kupitia wakili wake, Bw. Agustine Kisarika, ameiomba Mahakama Kuu Kanda ya Dar es Salaam, iwaite wajumbe wote waliohudhuria kikao kilichotoa uamuzi wa kumfukuza uanachama mteja wake ili waeleze kwa nini wasifungwe jela kwa uamuzi waliotoa.
Miongoni mwa vigogo wa chama hicho ambao wanaguswa na ombi la Bw. Kisarika katika Mahakama hiyo ni pamoja na Katibu Mkuu wa chama hicho na Makamu wa Kwanza wa Rais wa Serikali ya Umoja wa Kitaifa Zanzibar, Maalim Seif Shariff Hamad.
Ombi hilo liliwasilishwa katika Mahakama hiyo chini ya hati ya dharura. Ombi la pili ambalo limetolewa na Bw. Kisarika kwa niaba ya mteja wake ni kuitaka Mahakama ione kuwa, mkutano uliomvua uanachama ni batili.
Akitoa hoja za kisheria jana mbele ya Jaji Augustino Shangwa anayesikiliza shauri hilo, Bw. Kisarika, aliiomba Mahakama hiyo iharakishe kusikiliza kesi hiyo kwa sababu mteja wake amefungua kesi chini ya hati ya dharura.
Kwa kuwa kesi hii imefunguliwa kwa hati ya dharura, naiomba Mahakama iharakishe kusikiliza kesi na kutoa uamuzi mapema kwani mteja wangu (Bw. Mohammed) anatakiwa kuhudhuria shughuli za bunge,¡± alisema, Bw. Kisarika.
Akijibu hoja za wakili huyo, Jaji Shangwa, alisema kesi hiyo haiwezi kuendeshwa haraka kwani bunge haliwezi kufanya chochote kuhusu mgogoro huo zaidi ya kusubiri uamuzi wa mahakama.
Wakili wa CUF, Bw. Twaha Silima, aliiambia Mahakama kuwa, chama hicho kilipokea hati ya kuitwa mahakamani Januari 13 mwaka huu, saa saba mchana, hivyo ilibidi waifanyie kazi Jumatatu ya Januari 16 mwaka huu.
Mheshimiwa Jaji, mimi kama wakili wa CUF nilipokea hati Januari 17 mwaka huu, Wakili mwenzangu Bw. Job Kerario, aliipata Januari 18 mwaka huu, hivyo tunaomba mahakama itupe muda wa kuwasilisha hoja kwa njia ya maandishi na tupangiwe muda ambao utatosheleza kuwasilisha majibu,¡± alisema.
Jaji Shangwa alikubaliana na maombi hayo na kupanga kusikilizwa Januari 27 mwaka huu, ambapo CUF iwe imewasilisha majibu yao na Bw. Mohammed, atajibu hoja hizo Februari 6 mwaka huu.
Wakati huo huo, Mahakama hiyo imepanga kuanza kusikiliza kesi hiyo Februari 13 mwaka huu. Pande zote katika mgogoro huo zilikubaliana uamuzi wa kesi hiyo utolewe kabla ya Machi 13 mwaka huu.
Kabla ya Jaji Shangwa hajaahirisha, kesi hiyo alishauri wanachama wa pande zote, wasisumbuke kufika mahakamani wakati kesi hiyo itakapokuwa inaendelea.
Akizungumza na waandishi wa habari nje ya mahakama, Bw. Mohammed alisema CUF imepasuka na kukosa mwelekeo.
Kioo kikipata vumbi kinafutwa lakini kikipasuka kinatupwa hivyo Watanzania wasubiri dira mpya baada ya mahakama kutoa uamuzi, alisema Bw. Mohammed.

2012-01-20T10:30:00.003+03:00

Mkuu wa Mkoa wa Dar es Salaam, Bw. Sadik Mecky Sadik (kushoto), akizungumza na Mkurugenzi wa Mawasiliano kwa Jamii wa Shirika la Nyumba la Taifa (NHC), Bi. Susan Omar (katikati), baada ya kupokea msaada wa mabati 500 yaliyotolewa na shirika hilo, kwa ajili ya waathirika wa mafuriko, Dar es Salaam jana.

Bei mpya ya umeme sasa 'kichefuchefu'

2012-01-20T10:25:00.000+03:00

*CTI yatoa tamko, wanaharakati waipinga, NCCR kuandamana

Agnes Mwaijega na Rose Itono

SHIRIKISHO la Wenye Viwanda Tanzania (CTI), limetoa tamko la kupinga ongezeko la bei ya umeme
ambalo limepitishwa na Mamlaka ya Udhibiti wa Nishati na Maji (EWURA),.
Inadaiwa kuwa, ongezeko hilo litaathiri wananchi na kusababisha bidhaa zinazozalishwa nchini, kushindwa kuhimili ushindani wa soko ndani na nje ya nchi.
Akizungumza na waandishi wa habari Dar es Salaam jana, Mwenyekiti wa CTI, Bw. Felix Mosha, alisema kiwango kilichoongezwa ni kikubwa, ukilinganisha na nchi nyingine ambazo Tanzania inashirikaiana nazo kibiashara.
Asilimia 42.2 iliyotangazwa na EWURA ni kubwa ukilinganisha na nchi za Uganda, Kenya na Rwanda, sisi tunasisitiza kiwango hiki ni cha juu, Serikali inapaswa kuangalia na kukipunguza ili mauzo ya bidhaa zetu katika masoko ya nje yasishuke,¡± alisema.
Alisema kwa hali ilivyo sasa, bidhaa za Tanzania zitauzwa bei ya juu ili kufidia gharama za uzalishaji na matokeo yake zitashindwa kununulika.
Aliongeza kuwa, Serikali ina uwezo mkubwa wa kuzalisha umeme wenye gharama ndogo ambao hautaumiza Watanzania hasa wafanyabiashara.
Nchi ambazo tunashirikiana, wanazalisha umeme wa kiwango cha juu, lakini gharama zao si kubwa kama hapa kwetu, Serikali inapaswa kuangalia hali ya uchumi wa nchi na wananchi wake kama wana uwezo wa kugharamaia umeme kwa kiwango hicho kikubwa.
Shirika la Umeme Tanzania (TANESCO) linapaswa kupunguza matumizi na kushusha kiwango cha madeni, alisema Bw. Mosha.
Wakati CTI ikitoa tamko la kupinga nyongeza hiyo, wanaharakati wamezidi kupigilia msumari uamuzi wa EWURA kwa madai kuwa, utayumbisha watumiaji na wasiotumia nishati hiyo.
Taarifa iliyotolewa kwa vyombo vya habari na Mtandao wa Jinsia Tanzania (TGNP), Dar es Salaam jana na kusainiwa na Kaimu Mkurugenzi Mtendaji Bi. Mary Nsemwa, ilisema gharama za uzalishaji zitapanda na walaji maskini kwa matajiri watahitaji kufidia wazalishaji.
Alisema ongezeko la bei ya umeme litachangia ugumu wa maisha kwa Watanzania maskini na litawahusu wateja wa hali ya chini, wanaotumia chini ya uniti 50 kwa mwezi.
Swali la kujiuliza, akina nani wanaotumia umeme chini ya uniti 50 katika hali halisi ya maisha ya Mtanzania wa kawaida?" alihoji Bi. Nsemwa na kuongeza kuwa ni mara chache kupata watu wanaoangukia kwenye kundi hilo lakini kupanda kwa bei ya umeme hata kwa wale ambao hawatumii umeme mwingi, kutawaathiri kwani kunapandisha gharama ya vitu vingine.
Alisema TGNP imefuatilia na kubaini wanaoumia ni watumiaji wa umeme majumbani ambao wanatumia chini ya uniti 50.
Wakati huo huo Chama cha NCCR-Mageuzi, leo kinatarajia kufanya maandamano kwenda Ofisi za Tume ya Ushindani (FCC) kwa ajili ya kupeleka malalamiko yao na kupinga ongezeko la bei ya umeme.
Maandamano hayo yanatarajia kuanzia Ofisi za chama hicho Ilala, kuanmzia saa tatu asubuhi.
Akizungumza na waandishi wa habari Dar es Salaam jana, Mkuu wa Idara ya Kampeni na Uchaguzi, Bw. Faustine Sungura, alisema wamepata kibali cha kufanya maandamano hayo kutoka Jeshi la Polisi Kanda Maalumu ya Dar es Saalam.
Alisema katika malalamiko wanayoyapeleka, kuna hoja kuu nane ambazo hawezi kuzitaja hadi zijibiwe na tume.
Hata hivyo Kamanda wa Polisi Kanda Maalum ya Dar es Salaam, Suleiman Kova, alipoulizwa kama amepata barua ya kuomba kibali cha maandamano hayo alisema hana taarifa hizo.

2012-01-20T10:18:00.000+03:00

Mhariri Mtendaji wa gazeti la Tanzania Daima, Bw. Absalom Kibanda (kulia), akiwa na mwanasheria wake, Bw. Juvenalis Ngowi (katikati), nje ya Mahakama ya Hakimu Mkazi Kisutu, Dar es Salaam, baada ya kesi ya kuchapisha habari za uchochezi, inayomkabilikuahirishwa jana. Kushoto ni Katibu wa Jukwaa la Wahariri, Bw. Neville Meena.

Serikali, madaktari, wafikishana pabaya

2012-01-20T10:15:00.000+03:00

Na Rehemu Maigala

MVUTANO kati ya madaktari na Serikali, sasa umechukua sura mpya na kuonekana sawa na mchezo wa kuigiza
baada ya pande hizo kushindwa kukutana jana kila upande ukidai kukodi ukumbi wa kukutana ili kutafuta suluhisho la mgogoro huo.
Dalili za pande hizo kutoaminiana, zilianza kujionesha juzi na ndicho kilichotokea jana baada ya madaktari kukodi ukumbi wa Don Bosco na kukaa kwenye viti wakimsubiri Naibu Waziri wa Afya na Ustawi wa Jamii, Dkt. Lucy Nkya.
Ilipofika saa sita mchana, madaktari hao walipigiwa simu na kujulishwa kuwa, wanapaswa kuhudhuria mkutano huo katika ukumbi wa Anatoglou, Mnazi mmoja.
Wakati simu hiyo ikipigwa, tayari Dkt. Nkya alikuwa amefika ukumbini na kuagiza madaktari hao, wawe wamefika ukumbini hapo baada ya nusu saa lakini ilishindikana kwa sababu wengi wao walikuwa hawajafika katika ukumbi wa Don Bosco, hivyo waliendelea kusubiriana.
Baada ya madaktari hao kutimia, walikataa kwenda Anatoglou kuonana na Dkt. Nkya kwa madai kuwa, wao ndio wenyeji wake hivyo alitakiwa kuwafuata.
Waandishi wa habari waliokuwepo eneo hilo, walienda Anatoglou na kukuta Dkt. Nkya akiwasubiri madaktari.
Viti kama mnavyoviona hakuna daktari aliyefika ili niwasikilize, kuanzia leo, sitaki vikao viendelee, waendelee na kazi kama kawaida,¡± alisema na kuongeza kuwa, zikifika siku saba kama madaktari wataendelea na vikao hivyo, watachukuliwa hatua za kisheria.
Alisema wenye malalamiko wayapeleke kwenye Chama wa Wafanyakazi wa Sekta ya Afya na Serikali Kuu (TUGHE) ili wasikilizwe.
Kwa upande wao, madaktari hao walisema msimamo wao upo pale pale na vikao vitaendelea hadi Serikali itakaposikiliza hoja zao.
Akizungumza kwa niaba yao, Rais wa Chama cha Madaktari Tanzania, (MAT), Dkt. Namana Mkopi, alisema vikao hivyo vitaendedelea leo kwani hakuna kiongozi hata mmoja katika Wizara hiyo ambaye yupo tayari kuwasikiliza.
Kutokana na hali hiyo, madaktari hao walitoa hoja ya kutaka kuonana na Waziri Mkuu, Bw. Mizengo Pinda, ili asikilize kilio chao.
Habari za uhakika ambazo gazeti hili limezipata, zinasema tayari madaktari kutoka mikoani wamewasili Dar es Salaam kuwaunga mkono wenzao ili kushinikiza madai yao.

2012-01-20T10:09:00.000+03:00

Wakazi wa Jimbo la Wawi, Mkoani Pemba, wakimsikiliza Katibu wa vijana wa Chama Cha Wananchi (CUF) Taifa, Bw. Khalifa Abdalla Ali, kabla ya kuanzisha maandamano ya kulipongeza Baraza Kuu kwa maamuzi mazito ya kuwavua uanachama, wanachama wanane, walioitwa waasi wa chama hicho hivi karibuni.

Katiba Mpya iwanufaishe wananchi katika ardhi, mazingira

2012-01-20T10:04:00.000+03:00

Na Peter Mwenda

ASILIMIA 70 ya Watanzania wanategemea ardhi, mazingira na maliasili ili wanufaike hivyo Katiba Mpya
ni vyema ikatamka wazi jinsi wananchi watakavyonufaika.
Jaji mstaafu Mark Bomani, aliyasema hayo Dar es Salaam jana katika mjadala wa Jukwaa la Katiba.
Alisema upo umuhimu mkubwa wa Katiba Mpya kueleza wazi jinsi Watanzania watakavyonufaika na ardhi, mazingira na rasilimali tofauti na ilivyo sasa.
Aliongeza kuwa, suala la mazingira na maliasili halipaswi kuachwa ili kuondoa tatizo la uharibifu uliopo kwani katiba ya sasa haijaweka wazi juu ya suala hilo.
Jaji Bomani alisema, katiba sio kitabu kitakatifu bali inaweza kubadilishwa kulingana na wakati husika.
Katiba ya sasa haina vifungu rasmi vinavyozungumzia mazingira na rasilimali asilia kwa kina, mambo hayo mawili ni muhimu kuelezwa kiundani badala ya suala hili kushughulikiwa na bunge.
Kwa mpano, Katiba Mpya nchini Kenya, ina zungumzia mazingira na maliasili, hili ni jambo la kuiga, si lazima Watanzania wote zaidi ya milioni 44 wachangie mawazo yao, vikundi mbalimbali maoni yao kwa tume ambayo itaundwa na rais,¡± alisema.
Alisema wakati akiwa Mwenyekiti wa Tume ya Kupitia Sekta ya Madini miaka mitatu iliyopita, aliwahi kusema upo uwezekano mkubwa wa ardhi ya Tanzanmia kubaki mashimo kutokana na uchimbaji madini unaofanywa na wageni.
Aliongeza kuwa, bila kuwa na usimamizi mzuri katika mazingira na rasilimali kila mtu atafanya jambo analoona linafaa hivyo hali hiyo itasababisha uharibifu mkubwa wa mazingira.
Anayepewa leseni ya kuchimba madini, apewe na masharti pamoja na kulipa fidia wananchi ambayo itawanufaisha wakazi wa eneo husika,¡± alisema Jaji Bomani.
Mwenyekiti wa jukwaa hilo, Bw. Deus Kibamba, alisema semina hiyo imelenga kujadili mambo yanayoweza kujitokeza katika mchakato wa kuandika Katiba Mpya.
Semina hiyo iliyoandaliwa na Jukwaa la Katiba Tanzania kwa kushirikiana na Chuo Kikuu cha Dar es Salaam, Idara ya Geografia.

Tapeli aliyejifanya Katibu wa CCM ashikiliwa Polisi

2012-01-20T10:01:00.000+03:00

Zena Mohamed na Zourha Malisa

JESHI la Polisi Kanda Maalumu ya Dar es Salaam, linamshikilia Bw. Leonard Mwihilo
kwa kosa la kutumia cheo cha Katibu wa Chama Cha Mapinduzi (CCM), Wilaya ya Ilala, Bw. Ernest Chale, kuwatapeli wananchi kwa kutumia nyaraka feki za chama hicho.
Akizungumza na waandishi wa habari jana, Kamanda wa Polisi Kanda Maalumu ya Dar es Salaam, Suleiman Kova, alisema Bw. Mwihilo alikamatwa na watendaji wa manispaa hiyo katika eneo la Kisutu baada ya kwenda kukusanya fedha kwa wafanyabiashara.
Bw. Mwihilo aliweka ahadi ya kwenda kukusanya fedha katika maduka ya wafanyabiashara siku ya tukio na kuwekwa mtego ambao ulifanikisha kukamatwa kwake,¢®¡¾ alisema.
Kwa upande wake, Bw. Chale alisema ni mara ya pili kwa Bw. Mwihilo kukamatwa akiwa na nyaraka mbalimbali zinazofanana na chama hicho kama mihuri feki na barua zikiwa na saini tofauti.
Alisema baada ya kukamatwa mara ya kwanza, walimalizana kichama bila kufikishana katika vyombo vya sheria kama ilivyo.
Wakati huo huo, Kamanda Kova alisema majambazi watatu wamekamatwa na jeshi la polisi katika maeneo tofauti Jijini Dar es Salaam akiwemo dereva wa teksi Bw. Rajabu Yahya (31), kukutwa na silaha aina ya SMG, yenye namba 'N'.34-MT-3072, ikiwa na risasi 29.
Alisema Kikosi cha Kupambana na Uharifu Kanda Maalum ya Dar es Salaam, wakiwa doria eneo la Kiwalani, walipokea taarifa kuwa kuna majambazi wana silaha aina ya SMG.
Majambazi hao walikuwa wakitumia gari ndogo yenye namba za usajili T 968 BSH, aina ya Toyota Carina, kwamba wamepora pesa kwenye gari inayomilikiwa na Kampuni ya Chibuku, yenye namba za usajili T 841 DHT.
Alisema baada ya kupokea taarifa hizo, walifanya msako na kufanikiwa kukamata gari hiyo likiwa na jambazi huyo ambapo msako wa kuwatafuta wengine unaendelea.
Jambazi mwingine ni Bw. Kadini Kitoni (30), mkazi wa Vingunguti ambaye alikamatwa eneo la Tazara akiwa na gari aina ya Toyota Dyana Pick Up, yenye namba za usajili T 316 BWW, ikiwa na matairi 10 ya gari, yenye ukubwa wa saizi 305/80.
Kamanda Kova aliongeza kuwa, majambazi wengine walikimbia baada ya gari hilo kusimamishwa na msako wa kuwatafuta unaendelea.
Alisema jambazi wa tatu ni Bw. Said Mohamed (50), mkazi wa Mbagala Kiburugwa ambaye alikamatwa na nyaya za umeme zenye urefu wa mita 900, mali ya Shirika la Umeme Tanzania (TANESCO).
Mtuhumiwa huyo alikiri kuhusika na uharibifu wa miundombinu ya shirika hilo na upelelezi wa kuwatafuta wenzake unaendelea.

Kuna tatizo la viongozi wasiowajibika

2012-01-20T09:16:00.003+03:00

Watoto wanastahili kuendekezwa kielimu

2012-01-20T09:11:00.000+03:00

Na Rachel Balama

WATOTO ndio rasilimali yenye thamani kwa vile wao ndio wanaokabidhiwa
maadili na hulka pamoja na maarifa na matarajio ya watu wazima.
Shughuli za watoto, mipango yao na udadisi wao ni mambo yanayofurahisha, kuliwaza na hata kuwajaza hamasa watu wazima hivyo ni haki yao kuandaliwa maisha bora tangu utotoni yatakayowawezesha kucheza vizuri na kujifunza katika hali ya utulifu na amani.
Kwa kutambua umuhimu wa mtoto kwa ustawi wa maendeleo ya taifa ndiyo maana Wizara ya Maendeleo ya Jamii, Jinsia na Watoto inatekeleza sera ya maendeleo ya mtoto Tanzania ya mwaka 2008.
Sera hiyo ilianzishwa ili kuwafanya wahusika waelewe wajibu na majukumu yao kwa uwazi zaidi na majukumu hayo yatekelezwe ipasavyo ili kuchochea kupatikana kwa haraka ustawi na maendeleo ya watoto wote katika jamii.
Kwa kuwa, watoto ni sehemu muhimu ya jamii na ndiyo tegemeo la uendelevu wa taifa lolote, kwa sababu hiyo watoto hawana budi kulelewa vizuri na kuendelezwa.
Watoto wanayo mahitaji ya msingi ambayo yanahalalisha kuwepo kwa mipango maalum inayowalenga wao tu.
Mipango hiyo hujumuisha chanjo ya watoto wenye umri chini ya miaka mitano, elimu ya awali, elimu ya msingi na elimu ya sekondari.
Ingawa lishe bora ni muhimu kwa kila binadamu lakini ni muhimu zaidi kwa watoto ili kuwawezesha kukua ipasavyo kimwili na kiakili.
Mabadiliko ya kijamii na kiuchumi yaliyotokea mara baada ya sera ya Maendeleo ya mtoto kuanza kutekelezwa mwaka 1996 yamesababisha sera hiyo kufanyiwa marekebisho ili kuendana na hali halisi ya mazingira yaliyopo.
Mabadiliko mengi kama ya ongezeko la maambukizi ya virusi vya UKIMWI na athari zake, utandawazi, mfumo wa biashara huria na mmomonyoko wa maadili ya jamii ni mingoni mwa mambo ambayo yanapaswa kuzingatiwa ili kulinda ustawi wa mtoto huyo.
Mabadiliko hayo yanatoa changamoto mpya katika kuhakikisha upatikanaji wa haki kwa watoto wote.
Ukweli ni kwamba, malengo ya Milenia ya mwaka 2000 yalizingatia kuwa ifikapo mwaka 2015 watoto wote kupatiwa elimu ya msingi na kupunguza vifo vya watoto.
Japo bado muda upo lakini cha kujiuliza kwamba bado Kwa hili serikali imepiga hatua lakini japo bado kuna changamoto nyingi zinazowakabili watoto ambazo kama hazijatatuliwa zinaweza kusababisha watoto kutokuwa na misingi mizuri kwa baadaye kwa kuwa wao ndio taifa lijalo.
Ni wazi kabisa kuna sera nzuri za watoto lakini bado utekelezaji wa sera hizo unasuasua kutokana na sababu mbalimbali.
Kimsingi kukua kwa mtoto kiakili ni kuongeza upeo, uelewa, ufahamu, ubunifu na udadisi juu ya mambo mbalimbali katika mazingira yake kadri umri unavyoongezeka.
Katika kumuendeleza huko kiakili mtoto viashiria vya uandikishaji wa watoto katika elimu ya msingi vinaonesha kuwa, kwa miaka mingi iliyopita lilikuwa asilimia 50 kiwango ambacho ni kidogo ukilinanisha na mwaka 2002 ambapo walikuwa asilimia 80.7.
Japo kwa sasa kiwango hicho kimepanda lakini cha kujiuliza je watoto hao ambao uandikishwa kuanza darasa la kwanza wanapatiwa elimu bora.
Kutokana na mazingira ya shule, tumeshuhudia watoto wengi wanaomaliza elimu ya msingi baadhi yao hawawezi kusoma na hata kuandika.
Na wale wanaojua kusoma na kuandika ni kutokana na juhudi za wazazi wao kwa kuwatafutia sehemu za ziada kwa ajili ya kujisomea.
Ukweli watoto wanapaswa kuandaliwa mazingira mazuri katika kila nyanja kwa lengo la kuimarisha ustawi wa maendeleo ya jamii.
Mbali na watoto kupata haki ya kuwezeshwa kiakili, watoto pia wanahitaji ulinzi dhidi ya kazi nzito zisizowiana na umri wao.
Pia kudhulumiwa mali zao hasa kwa watoto yatima, kutupwa au kutelekezwa na wazazi, kuonewa, kupuuzwa na kukoseshwa au kupoteza uraia ni sababu ambazo zinachangia watoto hao kukosa raha .
Ili kumuandaa mtoto katika mazingira mazuri, anahitaji ulinzi dhidi ya unyanyasaji, vitendo vya ukatili kama vile ukeketaji watoto wakike au kuwalazimisha kuoa au kuolewa katika umei mdogo.
Watoto wanatakiwa kukingwa na matumizi ya dawa za kulevya na vitendo vya ubakaji, kwani utafiti uliofanywa na Tume ya Haki za Binadamu na Utawala bora mwaka 2005 unaonyesha kuwa vitendo vya kutekeleza watoto vinaongoza kwa asilimia 32, unyanyasaji wa kijinsia asilimia 29, ukatili wa kudhuru wmili alimia 26 na asilimi 29 vitendo vya maudhi na unyanyasaji.
Ili watoto hao waweze kukua katika mazingira mazuri, jamii, wadau mbalimbali, walezi pamoja na wazizi hawana budi kuhakikisha kuwa vitendo hivyo havitokei.
Japo Tanzania kwa kushirikiana na Shirika la Kazi Duniani(ILO) zimekuwa zikiendasha kampeni ya kuelimisha jamii kupiga vita ajira za watoto lakini bila ushirikiano toka kwa jamii vitendo hivyo vitaendelea kutokea.
Licha ya ushiriki wa watoto katika maendeleo kutiliwa mkazo katika mikataba, kanuni na sheria mbalimbali bado watoto hawapati haki kama zinavyostahili.

2012-01-20T09:08:00.000+03:00

Mchezaji timu ya soka ya Ulongoni, Noel Nurdin(mbele), akijaribu kumtoka, juma Issa wa Gongo la Mboto FC, wakati wa mchezo wa kirafiki, uliochezwa kwenye Uwanja wa Shule ya Msingi Ulongoni B, Dar es Salaam juzi, Ulongoni ilishinda 3-1.

Africa Lyon yaitibua TFF

2012-01-20T09:02:00.000+03:00

Na Zahoro Mlanzi

SIKU moja baada ya timu ya African Lyon kulituhumu Shirikisho la Mpira wa Miguu Tanzania (TFF)
juu ya suala la Yusuph Soka, shirikisho hilo limeibuka na kusema wanabebeshwa mzigo ambao sio wa kwao.
Mbali na hilo, shirikisho hilo limekubali kuyafanyia kazi maombi ya timu hiyo juu ya kupangwa vibaya kwa baadhi ya mechi zao za Ligi Kuu Bara na kwamba suala hilo litafikisha kwa Kamati ya ligi hiyo.
Akizungumza Dar es Salaam jana, Ofisa Habari wa shirikisho hilo, Boniface Wambura alisema wanashangaa kwanini wao wanahusika na suala la Soka kudaiwa kukamatwa na dawa za kulevya nchini Swiden.
"Unajua suala kama hilo ni kosa la jinai, sasa sisi TFF tunaingizwaje katika hilo ni sawa na lile la mabondia waliokamatwa Mauritius ambapo baada ya uchunguzi wakakamatwa waliohusika na tukio lile," alisema Wambura.
Alisema hawakutoa ITC (Hati ya Uhamisho ya Kimataifa) ila walichofanya baada ya kuitaka Lyon na Soka wamalize tofauti zao, walimpa barua ya kumruhusu akafanye majaribio na si vinginevyo.
Akilitolea zaidi ufafanuzi suala hilo, alisema Soka alikuwa na mgogoro na Lyon ambapo mgogoro huo ulifika mpaka kwa Kamati ya Sheria, Hadhi na baada ya kamati hiyo kulijadili kwa kina ikabaini mchezaji huyo ana kosa na akatakiwa aombe msamaha.
Alisema baada ya kuamliwa hivyo aliomba msamaha na Lyon wakaiambia TFF kwamba wameshamalizana naye na ndio maana wakakubali aende kufanya majaribio huko Swiden.
Aliongeza, kama baada ya kwenda huko amekamatwa na dawa za kulevya, hilo wao haliwaruhusu ila kama kweli amekutwa nazo anadhani anaweza kuchukuliwa hatua kwa sheria za huko.
Mbali na hilo, akizungumzia malalamiko ya timu hiyo katika ratiba, alisema kweli hilo wameliona na linashughulikiwa ambapo mechi zinazoonekana zina utata zinaweza kuingizwa Aprili ndio mwezi unaonekana ratiba imekaa vizuri.

Papic ataka moja kuivaa Zamaleki

2012-01-20T08:58:00.000+03:00

Na Zahoro Mlanzi

KOCHA Mkuu wa mabingwa soka Tanzania Bara, Kostadin Papic ameutaka uongoza wa klabu
hiyo kumtafutia mechi moja ya kirafiki kabla hawajaumana na Zamaleki Februari, mwaka huu.
Katika kulifanikisha hilo, uongozi huo tayari imeshapata timu moja kongwe kutoka Afrika Kusini ambayo bado wanaendelea nayo kufanya mazungumzo ya mwisho.
Yanga itaumana na Zamaleki kati ya Februari 16,17 au 18 katika mashindano ya Kombe la Klabu Bingwa Afrika, mechi itakayopigwa Uwanja wa Taifa, Dar es Salaam na marudiano kati ya Machi 3, 4 au 5.
Akizungumza na gazeti hili Dar es Salaam jana, Mwenyekiti wa Kamati ya Mashindano ya timu hiyo, Salum Rupia Papic aliomba kupewa apate mechi moja ya kimataifa na hilo litafanikiwa kwani tayari kuna timu imeonesha nia ya kukubali.
"Mechi hiyo itafanyika hapa Dar es Salaam wiki moja kabla hatujacheza na Zamaleki, nimepata taarifa kwamba kuna timu ya moja ya Afrika kusini ambayo ni kongwe imekubali kucheza na sisi," alisema Rupia.
Mbali na hilo, alizungumzia maandalizi yao ya ligi kuu ambapo alisema timu iliingia kambini rasmi jana kwa ajili ya mechi hizo na kwamba baada ya muda fulani watahama na kwenda nje ya jiji au ikiwezekana nje ya nchi.
Alisema baada ya mashindano ya Kombe la Mapinduzi, timu yao ilipata majeruhi sita kitu ambacho kilirudisha nyuma programu ya mazoezi ya Papic na kumfanya aanza moja.
"Unajua kabla hatujaondoka, Papic alikataa kupeleka timu lakini ikachukuliwa tofauti na watu, sasa kile alichokisema kilikuwa cha msingi na sasa yupo katika kipindi cha kujenga timu kutokana na hali hiyo," alisema Rupia.

TBL yatoa pamba Yanga, Simba SC

2012-01-20T08:56:00.000+03:00

Na Zahoro Mlanzi

KAMPUNI ya Bia Tanzania (TBL) kupitia Bia yao ya Kilimajnaro Lager
, imekabidhi vifaa mbalimbali kwa timu za Yanga na Simba kwa ajili ya mechi zao za mzunguko wa Pili wa Ligi Kuu Bara vyenye thamani ya sh. milioni 70.
Ligi hiyo inatarajiwa kuanza Jumamosi ambapo Yanga itaanza na Moro United Uwanja wa Taifa, Dar es Salam na Simba itashuka uwanjani Jumatano kucheza na Coastal Union ya Tanga.
Akizungumza wakati wa kukabidhi vifaa hivyo Dar es Salam jana, Meneja wa Bia hiyo, George Kavishe alisema hiyo ni mara ya pili kwa kutoa vifaa vipya tangu waingie mkataba mpya kwa timu hizo wa miaka mitano Agosti, mwaka jana.
"Tumetoa vifaa hivyo tukiwa tunatekeleza moja ya makubaliano yetu kayika mkataba tulioingia na pia tuna uhakika vifaa hivi vitatoa motisha kwa timu hizi kufanya vizuri zaidi katika mechi zao," alisema Kavishe.
Alisema mbali na hilo, pia Yanga ilipata sh. milioni 25 kutokana na kuwa bingwa na Simba ilipata sh. milioni 15 baada ya kushika nafasi ya pili na kwamba wataendelea kutekeleza yale yanayopaswa kufanywa katika mkataba walioingia.
Alivitaja badhi ya vifaa walivyotoa kwa kila timu ni jezi, mipira, vizuia ugoko, jezi za kipa, viatu vya mazoezi, mechi na nguo zake na nguo za viongozi ambapo kila timu ilikabidhiwa vifaa vyenye thamani ya sh. milioni 35.
Nao Makatibu Wakuu wa timu hizo, Evodius Mtawala wa Simba na Selestine Mwesigwa wa Yanga, waliishukuru kampuni hiyo na kuahidi watavifanyia kazi kama inavyotakiwa na kuahidi kutekeleza yale wanayopaswa kutekeleza katika makubaliano yao.
Mbali na hilo, aliulizwa kuhusu madai yaliyotolewa kuhusu uchelewaji wa mishahara kwa timu hizo, Kavishe alisema kampuni yao haiwezi kumaliza matatizo yote waliyokuwa nayo timu hizo, ila wanachofanya ni kutatua baadhi ya matatizo.
Alisema kwa kawaida hutoa mishahara kwa timu hizo kila tarehe 28 ya kila mwezi na kam ikichelewa hufika mpaka tarehe 3, sasa kama wachezaji wanakuwa hawapati hizo fedha ni suala la uongozi wa timu na si la kwao.
"Sisi tunachodai ni ripoti ya jinsi walivyowalipa mishara wachezaji hao zikiwa na sahihi zao, sasa kama kutakuwa na kitu kingine kinajitokeza ni ngumu kujua kwani timu hizo zina watawala wao," alisema Kavishe.

2012-01-19T11:00:00.000+03:00

Mbunge wa Kahama Bw. James Lembeli, akizungumza na wakazi wa Kata ya Igunda, wakati akitangaza nia ya kugombea nafasi ya Mwenyekiti wa CCM wa mkoa wa Shinyanga jana, wakati wa uchaguzi wa Chama hicho mwaka huu. Mwenyekiti wa sasa ni Bw.Hamis Mgeja

2012-01-19T10:58:00.000+03:00

Makamu wa Rais, Dkt. Mohammed Gharib Bilal, akizungumza na ujumbe kutoka Abort Fund, Bw. Andy Wilson (katikati) na Dkt. Ayub Magimba, walipomtembelea ofisini kwake, Ikulu, Dar es Salaam jana.

Madaktari kugoma

2012-01-19T10:55:00.000+03:00

*Ni baada ya madai yao kutosikilizwa ndani ya saa 72
*Waliopo mikoani waagizwa kujiandaa na mgomo huo
*Dkt. Nkya kuokoa 'jahazi' leo, serikali yapewa masharti

Na Rehema Maigala

CHAMA cha Madaktari Tanzania (MAT), kimewataka wanachama wake wote nchini,
kujitaarisha kwa mgomo kuanzia leo kama mkutano wao na Naibu Waziri wa Afya na Ustawi wa Jamii, Dkt. Lucy Nkya, utashindwa kutoa suluhusho la madai yao.
Uamuzi huo umetolewa na madaktari hao walipokutana Dar es Salaam jana, baada ya muda waliotoa kwa serikali saa 72 kumalizika jana ili kushinikiza iwarudishe kazini madaktari waliokuwa kwenye mafunzo ya vitendo katika Hospitali ya Taifa Muhimbili (MNH).
Wakati pande zote zikiafikiana kukutana leo, tayari zimeonesha kutoaminiana baada ya kutokea mvutano kila upande ukitaka kulipia ukumbi ambao watafanya mkutano huo.
Dhamira ya madaktari ni kulipia ukumbi ili waweze kushiriki mkutano huo kwa uhuru na kufikisha kero zao kwa Serikali.
Hofu ya madaktari kukataa Serikali isilipe ukumbi ni wao kuonekana waalikwa na muda wa mazungumzo kuwa mfupi.
Akizungumza kwa niaba ya wenzake katika mkutano waliofanya jana, Rais ais wa MAT, Dkt. Namana Mkopi, alisema jana walikuwa wakutane na kutoa msimamo wao kwa Serikali lakini baada ya kutafakari kwa kina, waliamua kutuma ujumbe wizarani ili Waziri aweze kukaa nao meza moja na kusikiliza kilio chao.
Alisema baada ya ujumbe huo kwenda wizarani, ulirudi na taarifa kuwa Dkt. Nkya atafika baada ya saa moja kusikiliza kilio chao.
Baada ya muda huu kumalizika, Dkt. Nkya alipiga simu na kutueleza hatafika katika mkutano kwa sababu hakuwa na majibu ya maadi yetu hivyo alishauri tukutane leo mchana,¡± alisema.
Aliongeza kuwa, Dkt. Nkya alishauri madaktari hao watume wawakilishi 30 kwa ajili ya kufikisha kilio chao, pendekezo ambalo lilipingwa kwa madai kuwa, kila daktari ana hoja zake.
Tofauti na ilivyokuwa mwanzo, madaktari hao wameibua madai mapya ambayo hayakuwemo wakati wanaipa Serikali saa 72.
Madai hayo ni pamoja na kutaka waongezewe posho, wapatiwe nyumba za kuishi na mengine yataibuliwa katika kikao hicho.
Dkt. Mkalisema licha ya madai hayo, pia wanataka kuona wagonjwa wanaowatibiwa wapo katika mazingira mazuri kwenye hospitali tofauti na sasa kwani wengine wanatumia kitanda kimoja kulala wagonjwa wawili au sakafuni ambako hakuna godoro.
Tunataka kufikisha ujumbe kwa Serikali ifaahamu kuwa kuanzia sasa, hatutatibu wagonjwa kwa kupewa vimemo na maofisa wa Wizara kwa saababu wagonjwa wote wana haki sawa ya kupata huduma inayofanana,alisema.
Aliongeza kuwa, pia hawatakubali kusaini barua ya kuridhia mbunge au kiongozi yeyote wa Serikali kwenda kutibiwa nje ya nchi kama ugonjwa huo unawezekana kutibiwa nchini.
Hii inasababisha madaktari wa Tanzania tudhalaulika ndiyo maana hadi leo badala ya kwenda kuwatibia Watanzania tupo hapa tumejazana tunajadili kitu kinachosababishwa na watu wachache,alisema.

2012-01-19T10:48:00.000+03:00

Mkuu wa Mkoa wa Dar es Salaam Bw. Sadik Mecky Sadik (kulia), akipokea msaada vitu mbali mbali jana, vilivyotolewa na Mkurugenzi wa Shirika la Posta Bw. Deos Khamisi, kwa ajili ya waathirika wa mafuriko. Wengine ni Maofisa wa shirika hilo.

Nchambi amshtaki Waziri Ngeleja Ofisi Kuu CCM

2012-01-19T10:44:00.000+03:00

Na Rachel Balama

MBUNGE wa Kishapu, mkoani Shinyanga, Bw. Suleiman Nchambi, amemshtaki Waziri wa Nishati na Madini,
Bw. William Ngeleja, kwa uongozi wa juu wa Chama Cha Mapinduzi (CCM).
Bw. Ngeleja anadaiwa kuwakimbia wapiga kura katika mkutano uliokuwa ufanyike kwenye Kata ya Songwa, kujibu hoja za wakazi zaidi ya 30,581 wanaodai kutonufaika na mgodi wa almasi wa Mwadui.
Habari za uhakika kutoka ndani ya chama hicho, zinasema tayari Bw. Nchambi, amefikisha malalamiko hayo kwa Katibu Mkuu wa CCM, Bw. Wilson Mukama ambapo Sekretarieti ya Taifa ya chama hicho ilikuwa ikutane jana kujadili suala hilo.
Chanzo chetu cha habari kimesema kuwa, kitendo cha Bw. Ngeleja kutohudhuria kikao hicho, kinachangia kudhoofisha nguvu ya chama jimboni humo na kusababisha wapiga kura kumchukia mbunge wao ndio maana Bw. Nchambi, ameamua kulifikisha suala hilo katika ngazi ya juu.
Majira lililopuuliza Bw. Nchambi kama kweli amepeleka malalamiko kwa Bw. Mukama alikiri kufanya hivyo kwa madai kuwa, hajaridhishwa na hatua ya Bw. Ngeleja kuwakimbia wapiga kura jimboni humo na kujibu maswali yao.
Aliongeza kuwa, Novemba 2011, alimuomba Bw. Ngeleja kufika katika kata hiyo ili azungumze na wachimbaji wadogo wadogo ambao walijiandaa kuonana nae ili wamweleze kero zao.
Januari 15 mwaka huu, Bw. Ngeleja alikuja Kishapu na mimi nilimuomba aende Songwa kuonana na wananchi, yeye alikubali kufanya hivyo na mimi nilifikisha taarifa kwa wahusika.
Niliwaeleza wananchi na viongozi wa kata juu ya ujuio wa Bw. Ngeleja, siku moja kabla nilipokea taarifa kutoka kwa msaidizi wa Waziri akidai ratiba imebadilika,¡± alisema.
Bw. Nchambi aliongeza kuwa, taarifa hiyo ilisema Bw. Ngeleja hata onana na wananchi wa Kata ya Songwa badala yake ataenda Kata ya Mondo, Kijiji cha Buganika.
Nilimpigia simu mara kadhaa akawa hapokei kitendo ambacho sikukifurahia, wananchi walikiamini chama chetu ndio maana wanakichagua lakini kitendo cha Bw. Ngeleja kuwakimbia wananchi kinabomoa chama,¡± alisema Bw. Nchambi.
Aliongeza kuwa, ziara aliyofanya Bw. Ngeleja kwenye Kata ya Mondo, ilipangwa na Mkuu wa Wilaya ya Kishapu, Bw. Abdallah Lutavi.
Alisema katika mazingira ya aina hiyo, yupo tayari kujiuzulu ubunge na kurudisha kadi ya CCM kwani Bw. Ngeleja na Bw. Lutavi wanakichimbia chama hicho kaburi.
Bw. Ngeleja alipoulizwa kuhusu madai hayo alikiri kufanya ziara ya kiserikali wilayani humo na kudai kuwa, ratiba ya ziara hiyo hajaipanga yeye bali imepangwa na uongozi wa Wilaya.
Kawaida mawaziri wanapokuwa kwenye ziara, huwa wanapangiwa ratiba na wenyeji, hivyo ukitaka kujua zaidi wasiliana na uongozi wa Wilaya kwani mimi nilikuwa nafuata ratiba,¡± alisema na kuongeza kuwa, pengine wananchi hao wana shauku ya kumuona.
Kwa upande wake, Bw. Lutavi alipoulizwa kuhusu sakata hilo, alisema Wilaya yake ina miezi mitatu hakuna mkutano uliofanyika au ziara iliyomuhusu Waziri.
Katibu wa Itikadi na Uenezi wa CCM, Bw. Nape Nnauye, alipoulizwa kama suala hilo limefikishwa kwa Katibu Mkuu, alisema hana taarifa zozote.
Naomba unipe nusu saaa nilifuatilie nitakupa majibu,¡± alisema Bw. Nnauye lakini alipopigiwa simu kwa mara ya pili, ilikuwa ikiita bila kupokelewa.

Mgomo wa malori

2012-01-19T10:39:00.000+03:00

Waajiri wanaoghushi mikataba kufikishwa mahakamani

Na Mwandishi Wetu, Tunduma

WAMILIKI wa magari makubwa ya mizigo yaendayo nje ya nchi

ambao watabainika kughushi mikataba ya madereva wao, watakamatwa na kufikishwa mahakamani.
Kamanda wa Polisi Mkoa wa Mbeya, Adivocate Nyombi aliyasema hayo jana mjini Tunduma wakati akizungumza na madereva hao na kuwaomba wasitishe mgomo.
Wapo baadhi ya wamiliki wa magari ambao wamekuwa wakienda katika Ofisi za Mamlaka ya Udhibiti wa Huduma za Usafiri Majini na Nchi Kavu (SUMATRA), kupeleka mikataba yenye majina ya bandia, kama tukiwabaini tutawakamata na kuwafikisha mahakamani,¡± alisema Kamanda Nyombi.
Aliongeza kuwa, mwajiri mwingine anaweza kwenda na mkataba unaoonesha jina la mtu mwingine wakati tayari amemfukuza kazi au amerafiki dunia jambo ambalo kisheria ni kosa.
Alisema mwajiri ambaye atabainika kufanya hivyo, atafikishwa mahakamani kwa makosa ya kugushi na kuidanganya serikali.
Kamanda Nyombi aliwaomba madereva hao wasitishe mgomo kwani watasababisha kuvunjika kwa amani katika eneo la mpakani na kukwamisha shughuli za kijamii.
Serikali inashughulikia madai yenu kwani hadi Desemba 2011, SUMATRA imetoa leseni baada ya kusaini mikataba 2,655, asilimia kubwa ya madereva wana mikataba na wachache hawana,¡± alisema.
Aliwataka madereva hao kujaza fomu zilizotolewa mamlaka hiyo ili kusaidia kuwabaini waajiri wadanyanyifu kupitia mikataba hiyo.
Nawaomba mjaze fomu hizo kama wenzetu SUMATRA walivyo tuambia, ndani ya mwezi mmoja mtakuwa umepata mikataba yenu,¡± alisisitiza Kamanda Nyombi.
Wakati huo huo, Serikali mkoani hapa chini ya Mwenyekiti wa Kamati ya Ulinzi na Usalama ambaye ni Mkuu wa Mkoa Bw. Abbas Kandoro, jana waliendelea na kikao cha kutafuta muafaka na viongozi wa viongozi wa madereva hao ili kumaliza mgomo ambao umedumu kwa siku tatu hadi sasa.
Taarifa zilizotufikia wakati tukienda mtamboni zinasema kuwa, madereva hao wamekubali kusitisha mgomo kutokana na ahadi ya Serikali kushughulikia madai yao ndani ya mwezi mmoja.
Akizungumza na Majira kwa njia ya simu kutoka Tunduma, Mwenyekiti wa madereva hao, Bw. Rashid Salehe, alisema lengo lao ni kutaka kuhakikisha madereva wote wanakuwa na mikataba bora inayoweza kuboresha maisha yao.

Maiti ya jambazi Arusha yazua 'kasheshe'

2012-01-19T10:33:00.000+03:00

Ndugu wasusa mwili mochari, wachukuliwa na Mchungaji

Na Richard Konga, Arusha

NDUGU wa jambazi sugu aliyeuawa na polisi Januari 13
mwaka huu, Bw. Pokea Kayaa (45), maarufu 'Steven Kaunda', wamesusa kuchukua maiti yake katika Hospitali ya Mount Meru, mjini Arusha.
Kutokana na hali hiyo, Mchungaji wa Kanisa la Tumaini Assemblies of God, wilayani Arumeru, Amani Silanga, akiwa na baadhi ya watu waliomfahamu Bw. Kaaya, walilazimika kwenda hospitali kuchukua mwili huo na kuusafirisha jijijini kwake Nkoanrua.
Akiongoza ibada ya mazishi kijijini hapo, Mchungaji Silanga alisema kitendo kilichofanywa na ndugu wa Bw. Kaaya si cha kiungwana na hakileti tija katika jamii.
Ninachoamini ni kwamba, ndugu wa Bw. Kaaya na jamaa zake wa karibu, wameshindwa kujitokeza na kwenda kuchukua mwili wake hospitali wakihofia kukamatwa na kuhojiwa polisi jinsi walivyomfahamu marehemu,¡± alisema.
Aliongeza kuwa, ndugu hao hawakupaswa kuogopa kwani kifo cha marehemu kimetokana na matendo aliyokuwa akiyafanya duniani hivyo upo umuhimu wa kila mmoja kuangalia mwenendo wake, kujiepusha na maovu ili kuishi maisha mazuri katika jamii.
Alisema kifo cha Bw. Kaaya kiwe changamoto kwa jamii kuacha vitendo vya uhalifu ambayo matunda yake ndiyo hayo na kutoa pole kwa Jeshi la Polisi na familia ya marehemu.
Aliongeza kuwa, yeye binafsi hakuwa na woga wa kwenda kuchukua mwili wa marehemu Mochari kwa hofu ya kuhusishwa na matendo aliyokuwa akiyafanya Bw. Kaaya.
Bw. Kaaya alikuwa akitafutwa na Jeshi la Polisi kwa tuhuma za kujihusisha katika matukio mbalimbali ya uhalifu likiwemo la mauaji ya askari wa upelelezi mwenye namba F 2218, Konstebo Kijanda Mwandu na kumjeruhi Mkuu wa Upelelezi Wilaya ya Arusha Bw. Faustine Mafwele.
Jambazi huyo aliuawa saa 12:45 asubuhi akiwa kwa mganga wa kienyeji wakati akipatiwa matibabu yaliyotokana na jeraha la risasi.
Kwa mujibu wa Kamanda wa Polisi mkoani Arusha, Thobias Andengenye, alisema polisi walipata taarifa za kuwepo Bw. Kaaya katika Kitongoji cha Lengine, Kijiji cha Orarashi, wilayani hapa Januari 13 mwaka huu.
Alisema Bw. Kaaya alikuwa boma la mganga wa kienyeji Bi. Anna Roshilari, ambapo polisi baada ya kufika eneo hilo, walizunguka boma hiyo kwa lengo la kumkamata.
Askari walilizunguka boma usiku, ilipofika saa 12:45 asubuhi, ghafla Bw. Kaaya alitoka nje na kuanza kutimua mbio ndipo askari walipoanza kumfukuza umbali wa kilomita mbili.
Huyu jambazi alisimama na kumvamia askari mwenye namba E 9912 Konstebo Wito, na kumng¡¯ata vidole vya mkononi ili aachie bunduki aliyokuwa nayo,¡± alisema.
Kamanda Andengenye aliongeza kuwa, kutokana na maumivu makali, askari huyo alilazimika kuachia silaha yake, lakini wakati Bw. Kaaya akikaribia kuichukua, askari wengine wakafika haraka na kumpiga risasi na kufa papo hapo.
Alisema Jeshi la Polisi bado linawashikilia watoto wa marehemu
Alex Parumina (13) na Daines Massawe (9), ambao walikamatwa siku ya tukio la mauaji ya polisi, Januari 3 mwaka huu, katika eneo la Shangarai na Bi. Rehema Ally, ambaye alikamatwa na silaha akiwa ameificha chooni.
Januari 6 mwaka huu, polisi kwa kushirikiana na wananchi wa eneo la Moshono, Mtaa wa Letera, walifanikiwa kupata silaha ya jambazi huyo alizoyotumia kuua na kujeruhi.
Bunduki hiyo ni Sub Machine Gun (SMG) yenye namba za usajili 1016188011 ikiwa na risasi 20, magazine mbili na Shotgun aina ya Model yenye namba za usajili 88-12GA ikiwa na risasi nne.

2012-01-19T10:28:00.000+03:00

Rais wa Chama cha Madaktari Tanzania (MAT), Dkt. Namala Mkopi, akisoma azimio la mkutano wa madaktari, Dar es Salaam jana, wakati wa mkutano huo ulijadili taarifa ya serikali, kuhusu mgogoro ulioelezwa na Naibu Waziri wa Afya na Ustawi wa Jamii, Dkt. Lucy Nkya kwa vyombo vya habari. Kulia ni Mjumbe wa Baraza la Madaktari Dkt. Faida Emil na Makamu wa Rais chama hicho, Dkt. Primus Saidia.

2012-01-19T10:25:00.000+03:00

Mwenyekiti wa Kamati ya Wazazi wa Shule ya Msingi King'ongo iliyoko Kimara, ambaye pia ni Mwenyekiti wa serikali ya Mtaa huo, Bw. Demetrius Mapesi, akizungumza na walimu wa shule hiyo, wakati wa kuwapongeza kutokana na matokeo mazuri ya mtihani wa Darasa la Saba. Kulia ni Ofisa Elimu wa Kata ya Salanga, Bi. Shahiri Hamza.

KINAPA watangaza vita kwa majangili

2012-01-19T10:22:00.000+03:00

Na Florah Temba, Kilimanjaro

HIFADHI ya Taifa ya Kilimanjaro (KINAPA) inakabiliwa na changamoto
mbalimbali ikiwemo kuendelea kuwepo kwa matukio ya ujangili hususani ya ukataji wa miti ya asili kwa matumizi ya fito, kuni, nguzo, mbao na uchomaji moto katika misitu ya hifadhi.Hayo yalibainishwa na Mhifadhi Mkuu katika hifadhi hiyo, Bw. Nyamakumbati Mafuru wakati akitoa taarifa ya hifadhi kwa Mkuu wa Mkoa wa Kilimanjaro, Bw. Leonidas Gama aliyekuwa na ziara ya siku moja ya kutembelea hifadhi hiyo kwa lengo la kujionea hali halisi ya utendaji kazi hivi karibuni.
Bw.Mafuru alisema, tatizo sugu linalowasumbua ni upasuaji haramu wa mbao maeneo ya msitu wa asili yanayopakana na vijiji vya Kibosho, Sungu, Uru, Njari, Uru shimbwe, Kieri, Nkweshoo, Kilema na Kishisha.
Alisema, changamoto nyingine inayowakabili ni ulishaji wa mifugo katika hifadhi kinyume cha sheria pamoja na uwindaji haramu wa wanyama katika hifadhi.
“Matukio ya ujangili ya uharibifu ambayo yamekuwa yakijitokeza ni pamoja na uwindaji haramu wa wanyama, uvunaji haramu wa miti yaani ukataji wa fito, kuni, nguzo na upasuaji mbao, ulishaji haramu wa mifugo na uchomaji moto,” alisema Bw. Mafuru.
Katika kukabiliana na uhalifu huo hasa uvunaji haramu wa maliasili na ulishaji mifugo, Bw.Mafuru alisema, wanaendeleza doria maeneo mbalimbali ya mlima hasa katika msitu wa asili.
Alisema, katika kipindi cha miezi sita iliyopita hifadhi ilikamata jumla ya majangili 199 ndani, na baadhi nje ya hifadhi wakiwa na jumla ya mbao 239, nguzo 144 za miti ya asili, ng'ombe 46, mbuzi 50, misumeno 31, mapanga 19, mashoka 25, kamba za manila 87 na pikipiki moja.
Alisema, majangili hao walifikishwa katika mahakama za wilaya zinazozunguka hifadhi ambapo jumla ya kesi 110 zilifunguliwa na kesi 44 zilimalizika na majangili 33 walifungwa kifungo cha kuanzia miezi sita hadi miaka miwili huku 11 wakitozwa faini.
Mbali na hayo alisema, wamiliki wa ng'ombe na mbuzi waliokamatwa ndani ya hifadhi walitozwa faini ya sh. milioni 1,250,000 ikiwa ni njia moja wapo ya kudhibiti ulishaji mifugo ndani ya hifadhi.
Kwa upande wake, Bw. Leonidas Gama aliupongeza uongozi wa hifadhi hiyo kwa juhudi mbalimbali walizonazo katika kulinda hifadhi na kuwataka kuweka mpango mkakati wa kudhibiti uhribifu katika mlima Kilimanjaro ikiwemo matukio ya ujangili na uchomaji moto.

Gama aandaa mtego wa kuwatia hatiani wahamiaji haramu KCMC

2012-01-19T10:18:00.000+03:00

Na Heckton Chuwa, Kilimanjaro

MKUU wa Mkoa wa Kilimanjaro, Bw.Leonidas Gama, ameagiza uongozi wa Wilaya ya Moshi na Hospitali ya Rufaa ya KCMC,
mkoani humo kuhakikisha kuwa wagonjwa kutoka nje ya nchi ambao huwa wanafika kupata tiba katika hospitali hiyo wanaingia nchini kwa kufuata taratibu halali.
Bw.Gama alitoa agizo hilo juzi wakati wa ziara yake hospitalini hapo, ambapo pamoja na changamoto nyingine alizokutana nazo ni ile ya ongezeko kubwa la wagonjwa kutoka nje ya nchi wengi wao wakidaiwa kuingia nchini bila kufuata taratibu hivyo kuchangia msongamano.
“Kuna taarifa kuwa, wengi wa wageni hawa hawafuati taratibu za kisheria kuingia nchini, kufuata matibabu huku wakitumia mawakala maalumu, tena wanakaa kwa kati ya wiki moja na miezi miwili huku wakiandamana na jamaa zao, hii ni mbaya kiuchumi na kiusalama pia. Hii ni hatari kwa usalama zaidi kwa maana wenye nia mbaya na nchi yetu watatumia mwanya huu kuingia mchini kutekeleza nia zao mbaya," alisema.
Bw.Gama alisema, serikali mkoani humo haitavumilia suala hilo liendelee na kwamba italivalia njuga kwa vile tayari wana majina ya mawakala hao ambao alisema ni pamoja na wamiliki wa baadhi ya nyumba za kulala wageni zilizopo maeneo mbalimbali mkoani humo.
Mkuu huyo, aliahidi kuwa uongozi wa Mkoa utatoa ushirikiano kwa hospitali hiyo kutekeleza swala hilo na majukumu mengine ambapo pia alitoa wito kwa wananchi wote wenye mapenzi mema kutoa ushirikiano kwa ofisi yake na hospitali ya KCMC katika kutekeleza majukumu ya kila siku.
Kwa upande wake Mkurugenzi Mtendaji wa hospitali hiyo, Dkt. Moshy Ntabaye, alisema uongozi wa hospitali hiyo una taarifa ya wagonjwa wanaokuja kutoka nje ya nchi na ambapo alikiri kuwa ni changamoto kwa hospitali hiyo.
“Wengi wanatoka nchi jirani na wanaongea lugha ya Kiswahili na wanajua maeneo karibu yote yanayoizunguka wilaya yetu hivyo kujitambulisha ni wa kutoka maeneo ya hapa mkoani. Tayari tumeanza kulishughuikia suala hilo kwa ushirikiano na Jeshi la Polisi na idara ya uhamiaji mkoani hapa,” alisema.
Kuhusu msongamano wa wagonjwa, Dkt.Ntabaye alisema uongozi wa hospitali hiyo unatarajia kujenga wodi mpya ya kawaida itakayokuwa na vitanda 200 ili kupunguza adha hiyo.

'Soko linaharibika watendaji acheni tabia ya kukaa ofisini'

2012-01-19T10:13:00.000+03:00

Na Theresia Victor, Dodoma

UMOJA wa Wafanyabiashara wa Soko la Sabasaba lililopo katika Manispaa ya Dodoma
wamewataka watendaji wa idara ya afya katika halmashauri hiyo kuacha tabia ya kukaa ofisini, kusubiri taarifa za kuletewa na badala yake wafike katika maeneo husika ili kijionea hali halisi ya uchafu uliokithiri katika maeneo ya masoko.
Akizungumza na Majira jana sokoni hapo Katibu Msaidizi wa soko hilo, Bw.Gelgod Lugusi alisema, soko hilo lipo katika hatari kutokea kwa magonjwa ya mlipuko hasa kipindupindu kutokana na kulundikwa kwa uchafu wa muda mrefu bila kuzolewa.
Bw.Lugazi alisema, wafanyabiashara wa soko hilo waliamua kutoa ushauri huo kutokana na soko hilo kugeuzwa kuwa dampo la kutupia taka taka na kusababisha baadhi wafanyabiashara wenye vibanda kufunga kwa kuhofia kutokea kwa magonjwa ya mlipuko.
Alisema, pamoja na kutoa taarifa mara kwa mara katika ofisi za Idara ya Afya lakini bado watendaji hao huwa hawafiki kwenye maeneo husika na kujionea hali halisi ya uchafu wa takataka ulivyozagaa kwenye soko hilo.
“Tunashindwa kuwaelewa hao watendaji wa Idara ya Afya, kwa kukaa kwao muda mwingi ofisini na kusubiri taarifa za kuletewa, sasa sijuhi hawana vitendea kazi au ahadi wanazotoa zipo katika mtazamo wa kisiasa kwani sisi tunatoa ushuru lakini hatuoni utekelezaji wao,” alisema Bw.Lugusi.
Akizungumza na majira mmoja wa Maofisa wa Idara ya Afya wa manispaa hiyo ambaye hakutaka jina lake kutajwa gazetini kwa madai kuwa yeye siyo msemaji mkuu wa halmashauri hiyo, alikiri kuwepo kwa mlundikano wa taka hizo kwa ufafanuzi kuwa suala la vitendea kazi hususani magari ya kuzolea taka ndani ya manispaa hiyo ni kikwazo.
Ofisa huyo alisema, amna magari ya kusombea taka na yaliyopo kwa hivi sasa ni mabovu huku akidai yapo gereji kwa ajili ya matengenezo.
"Hata hivyo kinachofanyika kwa sasa ni kuona jinsi gani tutakavyokodisha matrekta kwa ajili ya kusombea takataka hizo ili kuondoa kero hiyo," alidai.

2012-01-19T10:07:00.000+03:00

Wasanii wa Nyamuswa Drama Group, Wandwi Masebe (kulia) na Aloyce Bwire, wakiigiza igizo la mzazi aliyeshindwa kuchangia gharama za shule kwa mtoto wake, wakati wa harambee ya kuchangisha fedha za madawati kwa ajili ya shule za Kata ya Nyamuswa, hivi karibuni.

Bendera mgeni rasmi pambano la Cheka

2012-01-19T10:04:00.000+03:00

Na Mwali Ibrahim

MKUU wa Mkoa wa Morogoro, Joel Bendera anatarajia kuwa mgeni rasmi katika pambano
lisilo la ubingwa kati ya Francis Cheka na Karama Nyilawila, litakalofanyika katika Uwanja wa Jamuhuri, Morogoro.
Pambano hilo linatarajia kuwa la uzito wa kg. 75 raundi 10, ambalo litafanyika Januari 28, mwaka huu.
Akizungumza kwa njia ya simu akiwa njiani kwenda Morogoro jana, Promota wa pambano hilo Philemon Kyando 'Don King' alisema tayari mabondia hao wameshapima afya zao kwa awamu ya kwanza.
"Niliwapeleka katika Hospitali ya Hindumandar, Dar es Salaam kabla sijapata dharura na hiyo ilikuwa ni kwa ajili ya na kuangaliwa afya zao kwa ujumla na hii ni hatua ya kwanza, lakini nitawapima tena Januari 27 mwaka huu kabla ya kupanda ulingoni," alisem Kyando.
Alisema Januari 27 mwaka huu mabondia wote watapimwa na atakayeonekana afya yake si nzuri hatopanda ulingoni ili kulinda usalama wake.
Kyando alisema mabondia wote watatakiwa kufika Morogoro Januari 24 mwaka jana kwa ajili ya maandalizi ya mwisho, ikiwa ni pamoja na kushiriki katika kikao cha pamoja.

2012-01-19T10:02:00.000+03:00

Baadhi ya makocha wa ngumi nchini, wakifanya mazoezi kwa vitendo wakati wa kozi ya kimataifa ya mchezo huo inayoendelea Kibaha Mkoa wa Pwani jana.